❓ «Декрет пули» неча календарь кунга тўланади?
@Huquqshunos_xizmati: 191-савол
❓Ассалому алекум декрет пулини ҳисоблашда тушунмовчиликлар бўлябди.
Бугалтерия таътил кунларини 98 кун ,103, 107 кун қилиб ҳисоблаши мумкинми қонунан 126 календарь кун дейилган.126 кун тўлиқ чиқмаяпти.
Дастурда шундай ҳисоблайди ҳеч қачон 126 кун ҳисобланмайди деб турибди.
Айб дастурдами, ёки чиқарилган қонундами?
🔝 ҲУҚУҚШУНОС ЖАВОБИ:
📄МК 404-моддасига кўра, аёлга туғруққача етмиш календарь кун ҳамда туғруқдан кейин эллик олти календарь кун (туғиш қийин кечган ёхуд икки ёки ундан ортиқ бола туғилган тақдирда етмиш календарь кун) ҳомиладорлик ва туғиш таътили берилиб, қонунчиликда белгиланган, лекин ўртача ойлик иш ҳақининг етмиш беш фоизидан кам бўлмаган миқдорда нафақа тўланади.
Ҳомиладорлик ва туғиш таътили аёлга жамланган ҳолда ҳисоблаб чиқарилиб, туғруққача ҳақиқатда фойдаланилган кунлар сонидан қатъи назар, тўлиқ берилади.
🔗Ҳомиладорлик ва туғиш нафақасини тайинлаш ҳамда тўлаш тартиби Ўзбекистон Республикаси Вазирлар Маҳкамаси томонидан белгиланади.
🔗Вазирлар Маҳкамасининг 2024 йил 31 майдаги 314-сон қарорига 1-ИЛОВА “Вақтинчалик меҳнатга лаёқатсизлик, ҳомиладорлик ва туғиш бўйича нафақаларни ҳамда янги туғилган болани фарзандликка олган ёки унга васий қилиб белгиланган ходимга нафақани тайинлаш ҳамда тўлаш тартиби тўғрисида” низом вақтинчалик меҳнатга лаёқатсизлик, ҳомиладорлик ва туғиш бўйича нафақаларни ҳамда янги туғилган болани фарзандликка олган ёки унга васий қилиб белгиланган ходимга нафақани (кейинги ўринларда — нафақа) тайинлаш ҳамда тўлаш тартибини белгилайди.
❕Низомнинг 6-бандига кўра, нафақа тўлаш муддатлари жамоа шартномасида ёки ички ҳужжатда, улар мавжуд бўлмаганда эса меҳнат шартномасида шарт қилиб кўрсатилган муддатларда белгиланади, лекин меҳнатга лаёқатсизлик варақаси тақдим этилгандан кундан бошлаб ўн олти календарь кундан кўп бўлмаслиги лозим (қонунчиликда белгиланган иш ҳақи бир ойда бир марта тўланадиган ходимлар тоифаси бундан мустасно).
❌Ҳозирча иш ҳақи бир ойда бир марта тўланадиган ходимлар тоифаси ҳали қонунчиликда белгиланмаган.
❗️Демак, “декрет пули” меҳнатга лаёқатсизлик варақаси тақдим этилгандан кундан бошлаб 16 кун ичида тушиши керак!
Диққат! Юқоридаги қоидалар ташкилий-ҳуқуқий шаклидан қатъи назар барча иш берувчиларга татбиқ қилинади! Хоҳ давлат дашкилоти бўлсин, хоҳ хусусий ташкилот бўлсин юқоридаги қоидалар мажбурий ҳисобланади!
Агар “декрет пули” кечикса, МК 333-моддасига кўра, ҳар бир кечиктирилган кун учун пулли компенсация талаб қилишингиз мумкин.
📊Календарь кун ҳисоблаганда якшанба қўшилмаслиги дастурнинг камчилиги ҳисобланади
🔝 Савол юбориш учун:
@Huquqshunos_xizmati_bot
@Huquqshunos_xizmati_bot
🔝 Каналга уланиш учун:
@Huquqshunos_xizmati
@Huquqshunos_xizmati
