Мир сегодня с "Юрий Подоляка"

Труха⚡️Україна

Карап чыгуу

Николаевский Ванёк

Карап чыгуу

Мир сегодня с "Юрий Подоляка"

Карап чыгуу

Труха⚡️Україна

Карап чыгуу

Николаевский Ванёк

Карап чыгуу

ومضات منطقية

خطوةٌ للكمال

TGlist рейтинг

ТипАчык

Текшерүү

Текшерилбеген

Ишенимдүүлүк

Ишенимсиз

Орду

ТилиБашка

Канал түзүлгөн датаNov 23, 2024

TGlistке кошулган дата

Mar 28, 2025

Мен каналдын ээсимин

Өзгөрүүлөр тарыхы

Telegram каналы ومضات منطقية статистикасы

Толугураак

Катталгандар

240

24 саат00%Жума00%Ай00%

Цитация индекси

14

Эскерүүлөр2Каналдарда бөлүштү0Каналдарда эскерүүлөр2

1 посттун орточо көрүүлөрү

0

12 саат1500%24 саат00%48 саат00%

Катышуу (ER)

0%

Кайра посттошту0Комментарийлер0Реакциялар0

Көрүүлөр боюнча катышуу (ERR)

0%

24 саат0%Жума0%Ай0%

1 жарнама посттун орточо көрүүлөрү

0

1 саат00%1 – 4 саат00%4 - 24 саат00%

Толугураак

Биздин ботту каналыңызга кошуп, анын аудиториясынын жынысын билүү.

Акыркы 24 саатта бардык посттор

14

Динамика

"ومضات منطقية" тобундагы акыркы жазуулар

Бардык посттор

28.03.202502:44

غدا سنشرح الفيض … بالتفصيل الممل، والإشكالات التي عليه وكل شيء يخصه.

28.03.202502:35

شوف خل نحجي شويه ونسولفلكم سالفة …

الانسان عقله بي هواي جهات مثل شمال جنوب شرق غرب هيج، وهاي الجوانب كل واحد منها ماخذله جانب شلون يعني ؟

بيعني مثلا الشمال يكون بالقوة ومستعد وبالجنوب يكون بالفعل وصار، والانسان يظل بهاي الوضعية لحد ما ياخذ الله روحه خل نوضح شلون …

باع تخيل وياي عقلين واحد ( تلفونات اثنين ) بطاريته فاطسة والثانية من تشحن

خل نشرح شلون

عندك العقل اللي يملك القدرة بس (يعني مثل الموبايل الباتري مالته فاطس ما بي شحن بس، ما يشتغل، بس هو يكدر يشحن ) هذا يسمونه العقل بالقوة أو العقل بالملكة، يعني عندك فكرة بس ما تقدر تستعملها. بعدين يجي العقل اللي صار “شغال” وبدأ يفكر ويدرك الأمور، هذا يسمونه العقل بالفعل، يعني الموبايل صار يشحن وبدأ يشتغل ويطلع لك تطبيقات وبرامج هذا الشي نفسه للعقل.

وهاي المعقولات الثانية، هاي اللي يتحدث عنها أبو جويسم المعقولات الثانية هي أفكار مجرّدة يدركها العقل لما يبدأ يشتغل، مثل لما تبدأ تفكر في الأشياء العميقة مثل “إيش يعني الوجود؟” أو “ شنو الممكن؟ شنو الممتنع شنو العلة شنو المعلول شنو كثرة شنو وحدة، هذه المعقولات ما تجي ببساطة، تحتاج وقت وعقل مفتوح.

وعندك المعقولات الثانية اللي تنقسم إلى نوعين: منطقية وفلسفية. خليني أشرح لك شلون:
المعقولات المنطقية هي مثل لما يكون عندك تمرين رياضي في عقلك، يقول لك: “إذا صار شي، رح يصير شي ثاني، مثلا اذا ضربت ابو علاوي ابو علاوي حيتاذى، يعني لو فكرت مليًا وطلعت استنتاج، هذا الشي يسمونه “منطقي”، مثل “إذا كان الجو ممطر، أكيد راح تحتاج شمسية!”، هذا واضح، يعني كل شيء مرتب،

أما المعقولات الفلسفية فهي مثل لما تتسائل: “ليش الوجود موجود؟” أو “ليش الكل يحب يشرب قهوة الصباح؟”. هذه الأفكار مو بسيطة، تحتاج لك تفكير عميق، هذي الأفكار تتعلق بالأشياء الكبيرة اللي تتعلق بالحياة، مثل “ماذا يعني أن نكون أحياء؟” أو “هل في حياة بعد الموت؟”.

في النهاية، أبو جويسم يكول: “إذا تريد تنتقل من العقل اللي فقط عنده طاقة والباتري مصفر، إلى العقل اللي فعلاً يدرك، لازم يهديك الله للطريق الصح، زين شلون يهديك ؟ شلون توصل للحاظ القابل، يعني تصير مهيئ، هاي لازم يا عيني تصير عاقل وتكعد راحة وتعوف الشهوات وتبطل كلاوات، وتعرف جهلك وان انت شكد صغيرون بهل دنيا، حتى بعدين تجيك إشارة “خضراء” من الله وتقول لك: “إيه، هذا الطريق هو الصح، امشي عليه وشد حزامك

فهنا حتصير مهيئ وجاهز لاستقبال الفيض

(وبعدين، يجي يوم أبو جويسم يشرح لنا شنوه الفيض؟ هاي سالفته بغير يوم

28.03.202502:12

مو يگولون لا تنطي هيج علوم للعوام، اكبر فگر الكال هذا الكلام، هو نفسه الگاله جان عامي وكاتله الوصخ وهم هيج وتعلم.

28.03.202502:08

جيد جيد

هنالك سالفة اول شي الحملية، بما انه انت طبيت بالقضايا، باوعوا مو تباوعون لي باع للشرح اي باع،

تعال أفهمك السالفة بدون هالكلاوات مال مناطقة 🌟، "هسه يجون يصلخون جلدي" خل نبسطها بالشروگية عليمن مسوينها شطولها شعرضها شو هي كلها تكتب بلهجتها حتى القدماء ترى هم اصلا جانوا محكومين بلهجتهم الزمانية

أول شي القضايا تنقسم على خمسة أمور بس إحنا اليوم نحچي عن التقسيم مال النسبة (العلاقة مال ملابس) بين الأشياء
يعني شلون تربط بين شغلتين بالحچي، مو تظل تجيب وتحط هذا التقسيم عنده قسمين:

١- القضية الحملية (وهاي أبسط شي)

مثلا عندك جملة "القمر مضيء هذا البالي😘" شنو بيها؟

عدنا القمر (هذا الموضوع مالتنا)

وعدنا مضيء (هذا المحمول)

زين شنو العلاقة بيناتهن؟ أنه إحنا ثبتنا هالصفة للقمر (يعني قلنا هو مضيء)، تردون الصدك أحلى من القمر

يعني أي شي نگول بيه فلان هو كذا أو فلان مو كذا هاي يسموها قضية حملية لأن جاي نحمل صفة على شي معين، شايف من تگض واحد تغسله غسل هاي كلها صفات حملية.. جماعة بوبجي يفهموها
تذكرت حسابي التبند، صاحبي الفگر فعل بيه هكر من اليوتيوب
نوب يچذب يگلي لا ب٢٠ دولار، وهو زيان ما يزين، هسه نرجع

خل نجي هسه مثلا:
الچاي حار هنا ثبتنا صفة الحرارة للچاي

البزون مو وفّي هنا نفينا صفة الوفاء عن البزون (اللي ياهو ما يعرفه خائن بالفطرة🌹)، هسه يجن ذن اليحبن بسبس: لاا كل شيء ولا القطط!!

وعندك مثلا حيدر مشتاگ
هاي قصة عظيمة، حيدر مدمر
ذابحة الشوگ يعني اذا تطخه يمطر عشگ

أكو سالفة هسه بالقضيةالحملية لأن بيها أربع شغلات خل اقسمهن
:
١- المحكوم عليه (الموضوع) مثل القمر أو الچاي أو البزون وحيدر

٢- المحكوم به (المحمول) مثل مضيء أو حار أو مو وفي ومشتاگ

٣- النسبة بيناتهن يعني الربط بين الموضوع والمحمول يعني شلون تلزگهن

٤- الحكم يعني العقل يستوعب العلاقة بيناتهن ويقرر إذا هي صحيحة لو خرط، يعني مو تجي تگول حيدر قمر، هنا كفرت بالقمر وبحيدر ادري هي غزلًا تصير بس لا هي مرفوصة عندي ابد لا تحاول

هسه نجي للشرطية، اعرف ولد صار اربع سنوات نايم بالقضايا 🌟

القضية الشرطية (وهاي بيها تعقيد شوي بس بسيطة)

شوف هاي النوعية ما تيجي بـ"فلان هو كذا" لااااا

تجي على شكل "إذا صار هالشي فراح يصير هالشي الثاني" هي الا شرط فانت لا تظل تچوت

يعني عدنا شرط، إذا تحقق الشرط الأول راح يتحقق الثاني وإذا ما تحقق فخلص بعد ماكو شي

مثلا:

إذا صار الليل فالناس ينامون

اذا صار الليل حيدر يغرگ بالشوگ

إذا صارت عندي فلوس راح أشتري سيارة (كله جذب لا يصير عندي ولا عندك فلوس ولا نشتري)😀

القضية هاي بيها جزئين:
١- المقدمة الشرط الأول مثل

"إذا صار الليل" أو "إذا صارت عندي فلوس "

٢- التالي (اللي راح يصير إذا تحقق الأول) مثل "فالناس ينامون" أو "راح أشتري سيارة"

المناطقة چانوا يفتهمون فسمّوا الأول "المقدم"

والثاني "التالي" بس لا تنشغل بالأسماء ترى تنثول المهم تفهم شلون القضية مربوطة

هاي هي السالفة ببساطة فلا تظل تروح منا ومنا، تحياتنا 🌟 خل اروح اسوي اكل

28.03.202501:32

👀🤪يكول لاري ابن البصرة قدس سره الشريف بان جهات القضايا الحملية على ٣ الي هن:

هو ان الحملية نسبة محمولها الى موضوعها وموضوعها الى محمولها اما ضرورى الوجود ويُسمى “الواجب”، أو ضرورى العدم ويُسمى “الممتنع”، او غير ضرورى الوجود والعدم وهو “الممكن”. فالأول، مثل ما تقول “الإنسان حيوان”،
والثاني، مثل ما تقول “الإنسان حجر”،
والثالث، مثل ما تقول “الإنسان كاتب”.
والعامة قد يعنون بالممكن ما ليس بممتنع، يعني لما يقولون “ليس بممتنع”، يقصدون به الممكن، ولما يقولون “ليس بممكن”، يقصدون به الممتنع. وهذا مو اللي احنا نتكلم عنه، لأن ما ليس بممكن ممكن يكون ضروري الوجود أو ضروري العدم حسب النظر، يعني مثلاً، الشي اللي يعتمد وجوده أو امتناعه على غيره، لما يروح هذا الغير، ما يبقى وجوبه أو امتناعه. فهوا ممكن بنفسه، والممكن لازم يصير إذا كان يحتاج سبب للوجود، ويمتنع إذا كان يحتاج شرط ما يسبب وجوده. ولما نكمل النظر لذاته في حالتي وجوده وعدمه، يبقى ممكن😊😊

28.03.202501:24

مُستفاد من هذا البزون
- مسائل المنطق -

1- إيساغوجي (الكليات الخمسة)
2- قاطيغورياس (المقولات)
3- باري إرمنياس (العبارة)
4- انولوطيقا الأولى (القياس)
5- انولوطيقا الاواخر (البرهان)
6- طوبيقا (الجدل)
7- سوفسطيقا (المغالطة)
8- ريطوريقا (الخطابة)
9- ابوطيقا (الشعر)

كافي طلابة يله …

😱😱😱 خلصت خلصت

28.03.202501:22

27.03.202521:39

اكو چم واحد ما يهتمون للاعراض مهما عظمت لانه تزول وتتغير، يشوفون الجوهر، أو حتى يظلون يبحثون عنه بكل اخلاص، هؤلاء خالص تحياتي الهم،

"أدبية هذه"

27.03.202521:18

أحدكم ليسأل كيف نتجنب كل هذا؟

أنظر، الانتزاع يجب أن يكون بالتاكد من صحة التجريد، بمعنى أنه المعنى المصدري صحيح بمصدره وانتزاعه

المصدر يعني الشيء اليخليك تنتزع منه ويكون موضوع يعني موجود بي امكانات خارجية شنو خارجية يعني اله اشكال مثل الطماطية، الطماطية خدودكم😉، جذب الطماطية لونها احمر هذا حمل شائع
مثلا الابيضية والثيابية الابيضية كما ذكر الداماد هي يمكن ان تكون ذاتية لشيء ما، اما الثيابية لا، هي شيء مصنوع بشكل ما وخصوصيات ما يوضع على شيء آخر او يتشاكل ويا شيء اخر،

واهم شيء التمييز بين العرض والجوهر..

يعني اكو شيء خلف كل شيء مثلا هاي الطماطية ترى هاي اعراض الجاي تشوفها مو تنصطر اما الجوهر مالها بعيد المنال صعب يعني لو تنط ما تدركه لانه موجود بس ما اله موضوع

ونوب تجي تميز الحمل للموضوع تجي تباوع، هل هذا محمول من ذات على ذات؟ هل هذا محمول كعرض على ذات؟ وتقرر مثلا الانسان انسان او الانسان حيوان ناطق هذه مطابقة بالماهية لكن من نجي نحمل على شيء بالخارج يابة هذا شائع مفضوح ظاهر منتشر بهل وجود مثلا النار محرقة لا تلعب بالنار تنچوي..

27.03.202521:06

بمعنى، مو تجي تبني فرضية كبرى وأنت لا لفظك صح ولا انتزاعك للفظ صح، ولا منشأ الإنتزاع صح، هذا سفه، لأنك إذا اخطأت بالإنتزاع سيبطل ما يلحقه كاملًا، فكيف بمن يبني مبنىً كامل.

27.03.202520:59

ميزان تصحيح الحمل مطلقًا هو صحّة انتزاع المعنى المصدريّ، كالإنسانيّة والموجوديّة والزوجيّة والأبيضيّة
والفوقيّة والعمى والممكنيّة.

_الداماد

الداماد يقصد ان الميزان الصحيح لتقييم الحمل هي صحة الطريقة الي نكدر ننتزع بيها من الكلمة مصدر، ونشوف هل اذا چان المفهوم او المعنى اللي اخذناه من الكلمة صحيح ام لا، لان هو المعيار الي يحدد الصحة

مثلا ننطيكم بعض الكلمات الي بيها معنى مصدري مثل الانسانية منتزعة كون الشيء انسان، الموجودية منتزعة من كون الشيء موجود، الزوجية اي منتزعة من كون وجود الزوج، وغيره، الفوقية يقصد بيها مصدر منتزع من فوق ويريد بيها العلو والارتفاع المكاني، العمى سلب ملكة، والممكنة تساوي الطرفتين بين العدم والوجود

فشفنا ان الانتزاع صحيح فالحمل هنا صحيح، فبالمختصر هو يگول ان لازم تتاكد من صحة المعنى المصدري للكلمات حتى نعرف اذا جان الحمل او المفهوم مالتنا صحيح لو لا

_ عبد الله