Былатыан Ойуунускай аатынан Саха академическай театрын кэллэктиибэ РФ, СӨ култуураларын үтүөлээх үлэһитэ, СӨ С.А.Зверев-Кыыл Уола аатынан Национальнай үҥкүү тыйаатырын дириэктэрэ Александр Иванович Алексеев
уонна кини бииргэ төрөөбүт эдьиийэ РФ үтүөлээх учуутала, уйулҕа билимин хандьытаата Февронья Ивановна, быраата Андрей Иванович бу дьыл кулун тутар 5 күнүгэр хомолтолоохтук олохтон барбыттарынан бииргэ үлэлээбит кэллиэгэлэригэр, аймахтарыгар, чугас дьонугар дириҥ кутурҕанын биллэрэр.
1992 с. Национальнай үҥкүү тыйаатыра тэриллиэҕиттэн Александр Иванович бастыҥ дириэктэр быһыытынан саха үҥкүүтүн ускуустубата сайдыытыгар, аан дойдуга киэҥник биллэригэр, Саха Өрөспүүбүлүкэтин култуурата үрдүк таһымҥа тахсарыгар улахан кылаатын киллэрбитэ. Александр Иванович бииргэ алтыспыт дьонун өйүгэр-санаатыгар талааннаах, идэтигэр, үлэтигэр бэриниилээх, үрдүк култууралаах киһи, сатабыллаах салайааччы быһыытынан хаалыа, кини сырдык өйдөбүлэ истиҥ-иһирэх тылларынан ахтылла туруо.
