Aslida o'zimni muvaffaqiyat haqida gapirishga haqli deb hisoblamayman.
Lekin, kichkina tajribam, va erishgan ozgina yutuqlarimdan kelib chiqib, sizga ham ba'zi tavsiyalar bermoqchiman.
1. Duolaringizda ko'proq so'rang. Axir biz cheksiz, son-sanoqsiz narsalar so'rashimiz mumkin. There is no limit.
2. Ota-onangizdan duo oling. Men hatto sinab ham ko'rganman. Duo olgan kunim kurslarimga ko'proq odam yozilardi :)
3. Havas qiling. Kimdadir sizda yo'q narsa bormi, yoki sizdan ko'ra ko'proq muvaffaqqiyatlimi, hech qachon uni yomon ko'rib, hasad qilmang. Ustozim BYD Champion olganida, judayam havas qilganman. Oradan 3 oy o'tib, menga undan ham ziyodasi nasib qilgan, shukr.
4. Ustozlaringizni rozi qiling. Ularni hafa qiladigan ish qilmang. Dars qilmaslik ham shunday ishlardan biridir.
5. Natijaga emas, jarayonga urg'u bering. IELTS qachon 7.0 olaman ekan deb emas, nima qilsam IELTS olaman, qaysi kitoblarni o'qiy degan hayolda bo'ling.
6. Bilimga doim investitsiya qiling. Sizga foyda beradigan, o'stiradigan har qanday kurs yoki kitob borki, sotib olishga kerak bo'lsa qarz oling. Men oxirgi so'mlarimgacha kurslar olib, IELTS o'rganganman.
7. Sohangiz bo'yicha ham rivojlaning, faqatgina bilimda emas. Masalan, IELTS 8.5 oldingiz degani, yaxshi dars o'tasiz degani emas. Metodika va manbalar bo'yicha qoloq ekansiz, baribir o'quvchingiz ko'paymaydi.
✔️ @AbrorRahmatullayev
