Ayrimlar oʻqitishda milliy usullarni yanada rivojlantirish samara beradi desa, ayrimlar xorijiy tajribadan foydalanish muhim deb oʻylashadi.
Inson hayotga ochiq koʻz bilan qarar ekan,turli xil firk yurituvchi shaxslarni koʻradi. Zamon rivojlanib, baʼzi odamlar taʼlim berish jarayonida xorijiy tajribadan foydalanish yaxshi samara beradi desa, boshqalar anʼanaviy usullar bilan oʻqitish afzalroq deya taʼkidlashmoqda. Aslida, kelajak avlodning ilm olishi uchun bu usullarning ahamiyati qanchalik muhim?
Barchamizga maʼlumki, taʼlim-taraqqiyot yuragi. Uni rivojlantirish uchun anʼanaviy oʻqitish usullarini mustahkamlash va xorijiy tajribalardan qoʻllash lozim. Milliy usullar bilan emas, balki, zamonaviy oʻqitish usullaridan foydalanishning bir qancha ustun jihatlari bor. Birinchidan, Ustozlarimiz xorijiy tajribadan foydalanish jarayonida ixtirochiga aylanadilar,yaʼni har bir darsning sifatli boʻlishini taʼminlaydi. Hazrati Ali aytganlaridek: ,, Sifatli taʼlim -kelajak uchun poydevor ". Ikkinchidan, zamonaviy usullar orqali oʻquv jarayoni yanada boyib, qiziqarli tus oladi, oʻtilgan mavzu xotirada yaxshi saqlanadi. Har bir oʻquvchining individual xususiyatlari, qobilyatlari yaqqol namoyon boʻladi. Bunday oʻqitish jarayonlari koʻpgina davlatlarda, yaʼni Yaponiya, Koreya, Germaniya kabi mamlakatlarda xorijiy usullardan foydalanib oʻqitish yoʻlga qoʻyilgan. Shu jumladan, Dilafruz Xidoyatova UNISEF xalqaro turneridagi intervyusida innovatsion metodlarning oʻzbek maktablarida ham keng qoʻllanayotganini taʼkidlab oʻtgan edi. Bundan kelib chiqadiki, zamonaviy taʼlim berish metodlari, ham anchayin foyda beradi.
,, Qorongʻulik, yorugʻliksiz boʻlmaydi",-deydi Yunus Emro. Xorijiy taʼlim usullarini emas, balki, anʼanaviy oʻqitish usullaridan foydalanish va ularni rivojlantirish kerak deb fikr bildiruvchilar ham talaygina. Avvalo, bu yoʻnalishning yillar sinovidan oʻtib kelayotgani, boy tajriba hosil qilganini eʼtirof etish joizdir. Mikrobiolog olim D. Egamov, shoir A. Oripov kabi koʻplab mashhur insonlarni shu usulda dars berishgan ustozlar tarbiyalashgan. Qolaversa, ortiqcha shovqin,fikrni chalgʻituvchi detallardan holilik bu usulning,yaʼni milliy oʻqitishning yutugʻidir. Balki shu bois UNESCO tomonidan 2023-yil may oyida tashkillashtirilgan soʻrovnomada 60 foiz ilm olishda shu yoʻldan foydalanish tarafdorlari koʻp edi.
Mening shaxsiy qarashlarimda esa yangicha yondashuvda oʻqitish usuli ogʻir tosh bosadi. Misol tariqasida oʻzimning ustozim M. Mamatovani keltirib oʻtmoqchiman. Bu oʻqituvchim anʼanaviy taʼlimda ham, innovatsion metodlar qoʻllash bilan oʻz darslarini maromiga yetkazib oʻtadilar. Rivojlanib borayotgan zamonda faqat anʼanaviy taʼlim olib jamiyatdan uzilib qolishimiz mumkin.
Xulosa qilib aytganda,ilm istagan joyda oʻz egasini topa oladi, ammo biz faqat kechagi kun usullari bilan navqiron avlodga taʼlim bersak, ular yangiliklardan bebahra boʻlib qoladi. Zero ,, Kelajakni qurmoqchi boʻlsang, eng yaxshi bilimlarni qabul qilishga tayyor boʻl",-degan edi Albert Eynshteyn.
BIZNING KANAL:@Ona_tili_Tezkor
