حبيبي تدري انت شنو بالنسبة إلي؟ انت النفس اللي عايشه عليه، انت الحلم اللي تحقق، انت كلشي حلو بحياتي، انت الضحكة اللي تخليني أنسى الدنيا بكل وجعها انت السند وانت الأمان وانت الراحة اللي ما لگيتها بغيرك والله لو أدور الكون كله ما ألكه واحد يشبهك، لا بحنيتك، ولا بحبك، ولا بطريقة نظراتك اللي تخليني اذوب بيها كل يوم أكثر من قبل.
أحبك بكل تفاصيلك، أحب عصبيتك، وهدوءك، وحچيك، وضحكتك، ولمسة ايدك، وحتى غيرتك اللي مرات تعاندني بيها بس تفرحني لأن اعرف شكد تخاف تخسرني. أحبك حب ما ينوصف، وماكو شي بالدنيا يكدر يعبر عن شكد انت غالي بعيوني، شكد انت مهم، شكد مستحيل أتخيل حياتي بدونك.
كل لحظة وياك تسوى عمر، وكل دقيقة بغيابك تسوى وجع دنيا، أنت مو بس شخص بحياتي، أنت حياتي كلها. الله لا يحرمني منك ولا من حبك ولا من سوالفك اللي تملى الدنيا حنية. احبك يا أجمل ما شافت عيوني ويا أغلى ما يملكه گـلبي 🎀🥹
