Труха⚡️Україна
Труха⚡️Україна
Карап чыгуу
Николаевский Ванёк
Николаевский Ванёк
Карап чыгуу
Реальна Війна | Україна | Новини
Реальна Війна | Україна | Новини
Карап чыгуу
Труха⚡️Україна
Труха⚡️Україна
Карап чыгуу
Николаевский Ванёк
Николаевский Ванёк
Карап чыгуу
Реальна Війна | Україна | Новини
Реальна Війна | Україна | Новини
Карап чыгуу
Nurmuhammad Abduzoir avatar

Nurmuhammad Abduzoir

Китептер
@Nurmuhammad_Abduzoirov
TGlist рейтинг
0
0
ТипАчык
Текшерүү
Текшерилбеген
Ишенимдүүлүк
Ишенимсиз
ОрдуУзбекістан
ТилиБашка
Канал түзүлгөн датаСіч 20, 2019
TGlistке кошулган дата
Бер 25, 2025
Мен каналдын ээсимин
Өзгөрүүлөр тарыхы
Тиркелген топ
Nurga yaqinlar
Nurga yaqinlar
24

Рекорддор

18.05.202523:59
910Катталгандар
30.03.202506:57
500Цитация индекси
02.04.202523:59
1.3K1 посттун көрүүлөрү
02.04.202523:59
1.3K1 жарнама посттун көрүүлөрү
14.04.202523:59
85.71%ER
02.04.202523:59
209.84%ERR

Өнүгүү

Толугураак
Катталуучулар
Citation индекси
Бир посттун көрүүсү
Жарнамалык посттун көрүүсү
ER
ERR
КВІТ '25ТРАВ '25
Толугураак

Nurmuhammad Abduzoir популярдуу жазуулары

Бардык посттор
13.05.202519:55
Allohga hammasi oson!
Кайра бөлүшүлгөн:
Ravshan Haqmurod avatar
Ravshan Haqmurod
15.05.202518:15
Sheʼr va ijro haqida fikringizni yozing,
imkon qadar munosabatingizni bildirib, doʻst-u birodarlarga ilinsangiz, xursand boʻlardik.


Instagramdan sifatli variantda koʻrishingiz ham mumkin!

https://www.instagram.com/reel/DJrr7FdoTip/?igsh=MWd1anVod2pzd2g3aQ==


@Ravshan_Haqmurod
Кайра бөлүшүлгөн:
BONUJON avatar
BONUJON
24.04.202503:02
Shoirga

Odam deyish mumkin, shishani quchib,
Tonggacha bekatda tunagan cholni...
Odam deyish mumkin, oʻzni unutib,
Erlar ori uchun yashar ayolni...

Odam deyish mumkin, burda non tilab,
Qarshingga moʻltirab chiqqan loʻlini.
Oʻzingda borini bersang boʻladi,
Toʻldirib yuborsang boʻlar qoʻlini...

Odam deyish mumkin, ust-boshi yamoq,
Roʻzgʻor deb musofir boʻlgan kishini.
U ham bolasini oʻylaydi axir,
Qoralab boʻlmaydi uning ishini...

Lekin bozor ichra daydib, telbarib,
Sheʼr kuylab oʻtirsa qismatga doir,
Odam deb boʻlmaydi bunday kimsani
Shoir deyish mumkin,
Shunchaki shoir!

Bonujon

https://t.me/nanash_qiz
Өчүрүлгөн09.05.202517:52
Post media background
Post media
30.04.202511:51
Sakkiz daqiqadan keyin premyera ekan)

Mana boshlandi
Өчүрүлгөн09.05.202517:52
27.04.202518:02
https://t.me/usmonosphere/6581

Doʻstim auksion qilyapti ekan...
Men bexabar qolibman
23.04.202519:27
Cheklangan muddatga xayr,
Men, albatta, qaytaman.

Oʻzimga tanaffus eʼlon qilaman.

Zerikkanda, sheʼrsiraganda
https://t.me/Nurmuhammad_Abduzoir/13
Mana shu xabardan boshlab oʻqib, pastga tushib kelaverasizlar...

Hozircha...

Instagramga esa baʼzi videolar olib qoʻyibmiz Jasur Ismoiliy bilan, balki, oʻshalarni joylab borarmiz...

Sheʼriy kechani esa Begzod Hazratov vaqt topganda mantaj qiladi. Uniyam ortiqcha qistamayman.

Hammasidan zerikdim, rosti.
Qilayotgan ishlarimdan, hech narsadan maʼno topolmayapman anchadan beri.

Yangi kuch, yangi sheʼr, yangi ilhom, yangi gʻoya topsam, qaytaman.
14.05.202519:44
Yangi yildan beri mana shu 5 sheʼrni yozibman,
bu yil boshqa sheʼr yozish haqida oʻylayotganim ham yoʻq! Endi ayting-chi, "Shu ojiz holimda shoirmanmi men?"



ИРОНИЯ

Оғзи бўш экан-да.
Айтиб юборган:
"Мана,
оёғимда
йиртиқ пойабзал."
Ахир,
чориғини киймай,
бекорга
Қўлида кўтариб юрибдими халқ?

Шукур қилмайдими,
Боқмайдими элга:
Овози чиқмасдан,
ахир,
ҳар ёқда
Тортиниб-қимтиниб,
қисганча елка
Яшаб юрибди-ку ялангоёқлар.

01.01.2025


TOMOSHADAN SOʻNG

(Shams-i-Qamar teatri aktyori Muxtor Asrorovga)

Laʼnati kitoblar...
keldi halqumga,
Gʻorat qildi tinch hayotimni.
Toʻldirib ichimni zahar-zaqqumga,
Tortib oldi bor bisotimni.

Jaydari tilimga qoʻshib iltifot
Jazm etdimmi burro soʻzlashga?
Oqibat, atvorim oʻz toʻdamga yot,
Oq uyurda yagona qashqa.

Jin ursin barini...
Irkit oʻrdakcha
Esh boʻlmadi sira zotiga.
Kalaka qildimi, taqdir
oʻrkachday
Tosh bostirdi qush qanotiga.

Zarilmidi unga yana bir raqib,
(Butkul nohaq emasdim garchi.)
Afsus, it qargʻagan Kafkani oʻqib,
Soʻzlab qoʻydim otamga qarshi.

Laʼnati kitoblar...
Yoʻqolsin bari!

8.01.2025


Vijdon ogʻrigʻi

Ogʻir jazo emas vijdon ogʻrigʻi —
Balki, Xudo bergan eng ulugʻ tuhfa:
Yarim tun ichingda boshlansa yigʻi,
Qiynalsang — oʻzing-la etganda suhbat —
Qanday yaxshi, axir, qanday matonat —
Azob cheka bilsang, jizillab tursa
Yurakning bir cheti yanglish xatodan.

Bariga koʻz yumib ketsang,
hech qursa
Ortiq vijdon haqda yirtmasang ogʻiz,
Tilni tushovlasang,
tishlar — panjara.
Xatoga qoʻl urgan Rembo misoli
Sheʼr yozib yurishni butkul tashlasang.

30.01.2025


KUCHUKNING JAVOBI

(Shohrux Usmonovga)

Aljirama,
o‘rtoq,
gaping g‘irt yolg‘on,
Haloldir
ter to‘kib
topilgan yovg‘on.
Hartugul,
yurtsotar
kas emasman men,
Itman
vale itdan
past emasman men.
Qarichlab o‘lchangan
yurtim bor mening.
Yov kelsa,
Bo‘g‘zini
yirtgim bor mening.
Ko‘p yomon so‘zlading,
cho‘ri,
ovsar deb,
Meni chaqirgaylar
Bo‘ribosar deb.
Axir,
men bo‘lmasam
ko‘changda to‘ymi,
O‘ylab ko‘r,
kim qo‘rir
bir suruv qo‘yni?!
Darvoqe,
ustingdan
kulgim yo‘q mening,
Sen bilan
it-mushuk
bo‘lgim yo‘q mening.

12.04.2025


ЎЗИМ ҲАҚИМДА

Отам — Ёқуб духтир,
шартаки одам,
Ўнгрин бостирмаган бирор кимсага.
Ўнг ёғидан келсанг,
бахтинг,
биродар,
Йўқса,
байрам қилгил
қўлинг синса ҳам,
уйингга қайтолсанг —
бутун оёғинг.
Аввал овчи эди,
милтиғин ҳозир
ташлаган,
бобомдан қолган пичоғи
бостарида турар
ҳозир-у нозир...
Гапи — гап,
сўзи — сўз.
айтдими тамом
бажарар,
бошқа гап ортиқча,
абас!
Ва дейман
Ўзимга зуғм этиб
шу он:
Ахир,
мен
отамнинг боласиман,
бас!
Нега ёлтоқланай ўтган-кетганга —
очдан ўлармидим
итдай чопмасам?
ор-номус бекордир,
ғурур — бир танга
Нур Муҳаммад деган
номни топтасам!

12.04.2025

@Nurmuhammad_Abduzoir
09.05.202516:31
Anchadan beri jamoamiz bilan bir "chelllenj" boshlash haqida oʻylab yuribmiz.

Qanaqaligini hali ayta olmayman.
Lekin, juda qiziq va ijodiy tajriba deb oʻylayapman...

Bu ishning hozirgi harakatlarimda kattaroqligini his qilganim uchun ham boshlash oldi hayajon, qoʻrquv bor yaxshigina...

Agar oʻsha qoʻrquvni yengsam, Nurmuhammadning yangi bir qirrasi ochiladi deb oʻylayapman...

@Nurmuhammad_Abduzoir
12.05.202518:29
* * *

Бу уйда бир пайтлар бувим яшаган,
меҳрсиз келинин дастидан ёниб.
Пойдевор тошини ўзи ташлаган,
Бизларга нон ёпган тунлар уйғониб.

Ўзи ер чопарди, ўзи экарди,
невара ташвиши, беш маҳал намоз.
Ғам ошиб кетганда нос ҳам чекарди.
Қўшнилар гоҳ яраш, гоҳи пайт араз.

Айрилиқ дардида оқарган сочи,
сарғайиб борарди кун ўтган сайин,
турмушга етарди базўр қулочи,
бу давру замонга етмасди тайин.

Мен эса шоирман -
бору йўғим шу...
Баъзан шеър тўқийман ўшанга атаб.
Шеър нима билмаган ва билмайди у,
ўйлаб ҳам кўрмаган етмиш йил яшаб...

Бу уйда бир вақтлар бувим яшаган.

Асқар МАҲКАМ

Видеосини кўриш:
👇👇👇
https://www.instagram.com/reel/DJkCyjvod2m/?igsh=aDFidTFieXJucHZk
Post media background
Post media
12.05.202521:01
1. Allaqachon boshlanib ketdi...

Bu ilk bosqichda, shunchaki, oʻsha yerga "donat"ga qoʻshib joʻnatilgan qisqa sheʼrlarni oʻqib beraman...

Xohlasangiz, siz ham qoʻshiling.
https://t.me/Nurmuhammad_Abduzoir
20.04.202505:50
Dueldagi ishlarimizdan biri edi.
Oʻzimga juda yoqqan shunaqa video tayyorlash.
Bu birinchisi boʻlgan.
Yaqinda shuni oʻzimizda davom ettirsammikin deb oʻylab qoldim.
Videoni koʻrib, tagiga nimadir yozib keting-chi.

https://www.instagram.com/reel/DIqCYcfI7zg/?igsh=MXVrN3E1bm5sZ2Q0eg==
11.05.202519:11
Izohlar qismiga:
"Siz ham aynibsiz", "oʻxshamapti" deb yozsangiz, boʻlaveradigan, xafa boʻlmaydigan bir video olib keldim 😅
https://www.instagram.com/reel/DJhkOqjoA_O/?igsh=MWx5YWp0YWk1MHI3cg==
24.04.202517:27
Men — Nurmuhammad Abduzoir. 1999-yil Surxondaryo viloyati Qumqoʻrgʻon tumanida tugʻilganman. B, C toifali haydovchilik guvohnomam bor. Kollejda oʻqib olganman. Yana veterenar degan diplomim ham bor, Jahon tillari universiteting arxivida yotibdi.
Hozir nemis tili boʻyicha oʻqiyapman, 4-kursman. Lekin NBlarim koʻp,
"Asaxiy"da muharrirman shu bilan bir vaqtda "Qaqnus"da ham ishlayman.

Qoʻlimdan sheʼr oʻqish keladi, baʼzi-baʼzida u-bu narsa qoralab turaman.

"Dilsirot" degan kitobim chiqqan... Yana nimadirlar deyish mumkin.
Qani endi sizlar tanishtiringizlar-chi...

@Nurmuhmamad_Abduzoir
25.04.202520:29
Avvalo barchangizga rahmat, bu video instagramda rasman 5 mingta boʻlganimiz uchun bizdan sizga kichkina tuhfa!

Yaʼni biroz uzunroq sheʼr oʻqidik.
Shu paytgacha bu qadar uzun sheʼr oʻqimasdim, yodlash oson, qisqa va odamlar ham tez koʻrib tugatadigan, zeriktirib qoʻymaydigan videolar olishga urinardik.
Agar sizga shunaqa uzun videolar ham maʼqul boʻlsa, buni bildirib keting. Shunda, qoʻrqmasdan yana-da uzun sheʼrlar oʻqiyveramiz...

Darvoqe,

22-mart kuni ilk mingta obunachini yigʻgan ekanmiz siz bilan. https://t.me/Nurmuhammad_Abduzoir/975

35 kunda yana 4 ming obunachi keldi.

Biz 5 ming kishimiz, bir kichkina qoʻshin!

Bu yoʻlda menga hamroh boʻlgan barcha doʻstlarimga rahmat aytaman,
Ayniqsa, menga gʻoyaviy va texnik tomondan tamomila qoʻllab quvvatlagan yaqinlarim
Jasur Ismoiliy,
Asliddin Nur,
Shohrux Usmonov,
Begzod Hazratov,
Behzod Sobirjonov,
Muhammad Ali Gʻafforov,
Nusratullo Neʼmatjonov

va albatta SIZ!

Oʻzi eng katta ishni ham siz qildingiz...

Biz qancha mehnat qilsak-da,
siz boʻlmaganingizda, hech qachon bugun bu natijaga erishmagan boʻlardik!
Rahmat sizga, yaxshi insonlar!

Nasib boʻlsa, keyingi marra — 10 ming kishilik auditoriyani ham siz bilan, sizning yordamingizda, birga toʻplaymiz.


P/s:
Bu birgina mening yutugʻim emas,
Sheʼriyatning ham kichik yutugʻi desak, menimcha, xato boʻlmaydi!

@Nurmuhammad_Abduzoir
24.04.202509:33
Xuddi menga atalgandek-a)
Көбүрөөк функцияларды ачуу үчүн кириңиз.