Crushology 101 (2025) 💘💘💘
မကြာသေးခင်ကမှ ပြီးသွားတဲ့ The Witch ကားထဲက စုန်းမလေးနဲ့ အဆင်တစ်သိုက်ပါဝင်မယ့် ခေတ်သစ်ရဲ့ F4 ဖြစ်မလားလို့ လူပြောများနေတဲ့ drama အသစ်လေးနဲ့ မိတ်ဆက်ပေးချင်ပါတယ်။ Lee Chae Min (Hierarchy ထဲက ဂန်ဟာ), Kim Hyun Jin (Cheer up ထဲက ကျန်ရစ်လေး), Cho Jun Young (Heesu in Class 2 ထဲက ချန်းယောင်း) နဲ့ Hong Min Ki (Study Group ထဲက ဆရာမရဲ့ သား) အစရှိတဲ့ အဆင်တစ်သိုက်ကို တစ်ဝကြီးရှုစားရမယ့် Rom-Com drama အသစ်လေးမို့ လက်မလွှတ်တမ်း စောင့်မျှော်ကြည့်ရှုဖို့ အရင်ဆုံးဖိတ်ခေါ်လိုက်ချင်ပါတယ်နော်။
ဘန်နီဆိုတဲ့ တက္ကသိုလ်ကျောင်းသူလေးက ရုပ်ရည်သွင်ပြင်ထက် လူရဲ့အကျင့်စရိုက်က ပိုအရေးကြီးတယ်လို့ ယုံကြည်လက်ခံထားသူပါ။ သူ့ရဲ့ယုံကြည်ချက်အတိုင်း ရုပ်မချောပေမဲ့ အကျင့်စရိုက်ကောင်းတယ်လို့ ယူဆပြီး တွဲခဲ့တဲ့ကောင်လေးက အထင်နဲ့အမြင် တက်တက်စင်အောင်လွဲပြီး သူ့ကို အချစ်ရေးကံခေအောင် လုပ်ခဲ့ရာမှာတော့ ဘန်နီ့ရဲ့အမြင်တွေက ဆန့်ကျင်ဘက်အနေနဲ့ ပြောင်းလဲသွားပါတော့တယ်။
ဒီလိုနဲ့ ရုပ်ချောတဲ့သူတွေကိုပဲ သဘောကျတာပိုကောင်းမယ်လို့ လက်ခံသွားခဲ့ပေမဲ့ ကံခေခဲ့တဲ့အချစ်ရေးကြောင့် ကိုယ့်ကိုယ်ကိုယ် ယုံကြည်ချက်ကင်းမဲ့နေခဲ့တဲ့ ဘန်နီ့ရဲ့ဘဝထဲကို ရုပ်လည်းချော၊ အရာရာလည်း ပြည့်စုံတဲ့ ကောင်လေး တစ်ယောက်မက ဝင်ရောက်လာခဲ့ချိန်မှာတော့ ဘန်နီတစ်ယောက် ဘယ်လိုရင်ခုန်စိတ်လှုပ်ရှားစရာတွေနဲ့ တွေ့ကြုံရမလဲဆိုတာ အဆင်တစ်သိုက်ကို စောင်ကိုက် ကြည့်ရှုရမှာပဲ ဖြစ်ပါတယ်။ အပတ်စဉ် သောကြာ၊ စနေနေ့တိုင်း အဆင်လေးတွေကို ငမ်းရင်း စီးမျောခံစားကြည့်လိုက်ကြပါဦး။
