Мир сегодня с "Юрий Подоляка"

Труха⚡️Україна

Карап чыгуу

Николаевский Ванёк

Карап чыгуу

Мир сегодня с "Юрий Подоляка"

Карап чыгуу

Труха⚡️Україна

Карап чыгуу

Николаевский Ванёк

Карап чыгуу

Abdulloh Shamsutdinov

Ta’lim sohasida tadbirkor: https://t.me/abdulloh_shamsutdinov

@abdullohgayoz_bot

TGlist рейтинг

ТипАчык

Текшерүү

Текшерилбеген

Ишенимдүүлүк

Ишенимсиз

ОрдуУзбекістан

ТилиБашка

Канал түзүлгөн датаБер 06, 2025

TGlistке кошулган дата

Лют 28, 2025

Мен каналдын ээсимин

Өзгөрүүлөр тарыхы

Telegram каналы Abdulloh Shamsutdinov статистикасы

Толугураак

Катталгандар

5 347

24 саат

4-0.1%Жума

55-1%Ай

991.9%

Цитация индекси

200

Эскерүүлөр2Каналдарда бөлүштү0Каналдарда эскерүүлөр2

1 посттун орточо көрүүлөрү

5 046

12 саат4 7800%24 саат5 0460%48 саат1 3890%

Катышуу (ER)

1.05%

Кайра посттошту53Комментарийлер0Реакциялар0

Көрүүлөр боюнча катышуу (ERR)

0%

24 саат0%Жума

0.96%Ай

61.1%

1 жарнама посттун орточо көрүүлөрү

5 046

1 саат61812.25%1 – 4 саат110.22%4 - 24 саат1 41227.98%

Толугураак

Биздин ботту каналыңызга кошуп, анын аудиториясынын жынысын билүү.

Акыркы 24 саатта бардык посттор

0

Динамика

"Abdulloh Shamsutdinov" тобундагы акыркы жазуулар

Бардык посттор

03.04.202512:10

Endi kimning navbati?

Sanjar 2022-yilda o’qishni tamomlab, bizga shogird bo‘lib kelgandi. Bugun — HR menejerimiz.

Jasur aka 2022-yilda Azizbek akamga shaxsiy yordamchi edi. Bugun — bog‘cha loyihamizdagi sherigimiz, maktablarda ta’minot va xavfsizlik uchun mas’ul menejer.

Bobur akam bilan 2021-yildan beri birgamiz. Buxgalter bo‘lib kelganlar, bugun — moliya bo‘limi rahbari.

Mirafzal 2023-yilda bizga qo‘shilgan. Boshqaruvni ham o’rgandi. Bugun — maktab va bog‘cha marketing jamoalarining rahbari, shu bilan birga bog‘cha loyihamizda aksiyador.

G‘ayrat 2023-yilda oddiy dasturchi edi. Bugun — IT bo‘limining de-fakto rahbari. 5-6 nafar dasturchi va dizayner qovog’iga qaraydi.

Biz bilan o‘sib, hayoti o‘zgargan va o‘zgaryotgan boshqa jamoadoshlarimiz hali ko’p — vaqti kelsa yozarmiz yana.

Hozir safimizni yanada kengaytiryapmiz — Savdo (qabul) bo‘limimizga mas’ul qidiryapmiz.

Siz ham Aziz Rahimov liderligidagi jamoada, shu yo‘lni bosib o‘tib, o‘zgarishni xohlasangiz — marhamat!

Sharti, nima ish qilgan bo’lsangiz ham zo’r qilgan bo’ling, savdo yoki ta’lim bilan shug’ullangan bo’lsangiz yanada yaxshi.

Arizangizni @RahimovSchool_jbot orqali “Qaynoq bo’sh ish o‘rinlari” bo‘limidan topshiring. Rekruterlik ham bor, mobodoga.

Ma’qul bo‘lsangiz — oramizda o‘sasiz.

@abdulloh_shamsutdinov

23.03.202517:45

Muammo boshqa

Nikolas Talebning “Oylikka ishlaydigan odam dunyoni o‘zgartira olmaydi” degan gapi — bir tomonlama va o‘ta tor fikr.*

Bularchi?

— Maktabdagi o‘qituvchi bola taqdirini o‘zgartiryapti.
— Shifokor har kuni hayot saqlayapti.
— Imom Buxoriy, Xolid ibn Valid, Ulug‘beklar — oddiy davlat ishida yurib tarix yo‘nalishini o‘zgartirgan.

Muammo oylikda emas. Muammo yuraksiz ishlashda.
Muammo vijdonsiz xizmatda.

Kimda yurak, fidoyilik va niyat bo‘lsa — u albatta iz qoldiradi.
Dunyo ana shular bilan o‘zgaradi.

Faqat pul haqida o‘ylaydiganlar esa odamlarni bir-biridan uzoqlashtiradi, xolos.

Pul topsa ham, ixtiro qilsa ham, vijdonsiz odam hech qachon haqiqiy foyda bermaydi.

———

*GPT - 4.5 tahlili.

@abdulloh_shamsutdinov

23.03.202504:39

Ha

Har safar “ha” deyishimiz — bu boshqa bir narsaga “yo‘q” deyish degani.

Iftorga “ha” dedik — demak, oila davrasiga “yo‘q” dedik.

Telefonni qo‘limizdan tushirmadik — demak, kitobga, suhbatga, fikrga “yo‘q” dedik.

Bugun dunyo bizdan ko‘p “ha” so‘raydi.

Reklamalar, yangiliklar, ijtimoiy tarmoqlar — “meni ko‘r”, “menga vaqt ajrat”, “meni o‘yla” deydi.

Lekin shularning ichida eng jim turgan, lekin eng katta haqligi bor narsalar bor:

— onang, seni kutib o‘tirgan;
— farzanding, yoningda o‘ynashni istayotgan;
— chin do’stlaring, dardlashishni istayotgan;
— ustozlaring, to’g’ri yo’l ko’rsatadigan;
— kitoblar, bir umrga ta’sir qiladigan fikrlar bilan.

Shuning uchun har “ha” aytayotganda o‘yla:
Men kimga “yo‘q” deyapman?

Nimaga “yo‘q” deyishni emas,
Nimaga chin dildan “ha” deyishni bilish muhimroq.

Chunki, “yo’q” deydigan narsalar sanoqsiz, “ha” deydiganlarimiz esa juda kam.

@abdulloh_shamsutdinov

22.03.202506:59

Hamma odam tuzatilishga muhtoj

Hech kim hamma narsani bilmaydi.

Er-xotinlar, rahbarlar, ota-onalar, talabalar — hammasiga tanbeh kerak. Tanbeh — o‘sish uchun zarur.

Aqlli odamlar tajribali, dono insonlardan tuzatish so‘raydi. Yaxshi tuzatuvchilar:

- sizni eshitadi;

- hayot rejangizni tushunadi;

- o‘zi shu yo‘ldan o‘tgan;

- o‘zi ham muvaffaqiyatga erishgan boʻladi.

Bitta odam hamma narsani tuzatib bera olmaydi.
Menejment uchun birini, oila masalalarida boshqasini topasiz.

Yaxshi tuzatuvchi kamyob. Ular band bo‘ladi. Topish osonmas.

Ammo shuni biling — kim tanbeh oladi, o‘sadi.

@abdulloh_shamsutdinov

Өчүрүлгөн23.03.202520:56

22.03.202506:35

Hamma tuzatishga muhtoj

Hech kim hamma narsani bilmaydi.

Er-xotinlar, menejerlar, rahbarlar, ota-onalar va talabalar tuzatishga muhtoj. Tuzatish o’sish uchun juda zarur.

Aqlli insonlar tuzatish uchun dono va tajribali insonlarni qidiradi.

Yaxshi tuzatuvchilarning beshta belgisi:

1. Ular juda yaxshi tinglaydi.
2. Ular hayotdagi maqsadingizni tushunadi.
3. Ular bu yo‘ldan allaqachon o‘tgan.
4. Ularning aniq ko‘rinadigan ko‘nikmalari bor.
5. Ular biz intilayotgan sohalarda muvaffaqiyatga erishgan.

Sizga ko‘plab tuzatuvchilar kerak. Menejment bo‘yicha bir kishiga, oila masalalarida boshqa kishiga murojaat qilasiz va hokazo.

Yaxshi tuzatuvchilar kam.

Yaxshi tuzatuvchilar katta ehtimol juda band.

Yaxshi tuzatuvchilarni topish uchun qattiq mehnat qilishingiz kerak bo‘ladi.

Muvaffaqiyatli insonlar tuzatish orqali yuqoriga ko‘tariladi.

@abdulloh_shamsutdinov

13.03.202510:47

Uzoqlashyapmiz

Ijtimoiy tarmoqlar odamlarni bir-biridan uzoqlashtiryapti.

Facebook orqali do‘stingni tug‘ilgan kuni bilan tabriklaysan-u, lekin uchrashishga erinib qolasan.

Instagramda kim qayerda, nima qilyapti — hammasini bilasan, lekin yuragida nima borligini bilmaysan.

Telegramda yuzlab chatlarda gaplashasan-u, yoningdagi odam bilan gaplashishga vaqt qolmaydi.

Qancha ko‘p virtual gaplashsak ham, ko‘nglimizda baribir yolg‘izlik qolaveradi.

Aslida bizga ekrandagi “like” va “komment” emas, jonli suhbatlar, samimiy uchrashuvlar kerak.

Haqiqiy munosabatlarni hech qanday internet almashtirolmaydi.

@abdulloh_shamsutdinov

Кайра бөлүшүлгөн:

Boshqaruvchiga

09.03.202517:01

G‘ayrat, muammoni aytishing bilan hamma narsa o‘zgarib ketmaydi.

Rahbaring seni eshitib, “Ha, to‘g‘ri aytasan!” deb katta o‘zgarish va’da berishi mumkin, lekin hech narsa darrov o‘zgarmaydi. Hatto umuman o‘zgarmasligi ham mumkin.

Bir ukamiz, ishga kirganiga uch oy ham bo‘lmagan, lekin allaqachon kompaniyadan chiqmoqchi ekanini aytdi.

Gapini bo‘lmay eshitdim, savollar berdim. Bilsam, intervyuda o‘zini juda yaxshi ko‘rsatgan rahbari aslida boshqacha odam bo‘lib chiqibdi.

Ishdan chiqmaslikni maslahat berdim. Vaqt o‘tishi bilan rahbari bilan chiqishib ketishini tushuntirdim.

Bir haftacha avval yana ko‘rishdik. Ishdan chiqmabdi. 1,5 yil ichida katta tajriba orttirganini, hatto biznesni qariyb 4 baravar kengaytirishga hissa qo‘shganini xursand bo‘lib aytib berdi.

Shuning uchun, qiyinchilik ko‘rsang, darrov qochishga o‘rganma.

Rezyumeng chiroyli bo‘lmaydi. O‘zing faxrlanadigan natija yarata olmaysan.

Yaxshi narsalar vaqt talab qiladi. Katta ishlar ko‘p vaqt oladi.

Agar loyihadan loyihaga, ishxonadan ishxonaga sakrab yursang, eng muhim tajribadan quruq qolasan:

boshlagan ishingni tugatish tajribasidan!

@boshqaruvchiga

23.02.202510:59

Yon bosmagan yutqazadi

Ali taksi to‘xtatdi. U 5000 so‘m to‘lamoqchi, haydovchi esa 10 000 so‘m olishni xohlaydi. Oxiri 7000 so‘mga kelishishadi.

Natija?
- Ali manziliga yetib boradi.
- Haydovchi pul topadi.

Agar hech kim yon bermasa, nima bo‘ladi?
- Ali kech qoladi.
- Haydovchi esa pulsiz qoladi.

Eng yaxshi kelishuvda hech kim hammasini yutmaydi, hech kim hammasini yutqazmaydi.

Murosa qilmagan esa – yutqazadi.

@abdulloh_shamsutdinov

15.02.202514:56

So’ragan edingizlar

Matematika o‘qiganingiz esingizdami? Misol yechmaguncha mavzuni tushunmaysiz.

Bu faqat matematikada emas. Hamma narsada misol kerak.

G‘oyalarning o‘zini tushunib bo‘lmaydi. Odam ongi misollarni qabul qiladi.

Gravitatsiyani tushuntirish uchun, koptokni tashlash kerak. Atomni tushuntirish uchun sayyoralarni misol keltirish kerak. Adolatni tushuntirish uchun Umar hazratlari kerak.

"Kitob o‘qish foydali" desam gapim ta'sirli bo‘lmaydi. Chunki tushunarli bo‘lmaydi. Tushunmagan motivatsiya olmaydi.

Naval Ravikant kitob o‘qib millioner bo‘ldi. Charli Manger kitob o‘qib milliarder bo‘ldi. Ibn Sino kitob o‘qib qomusiy bo‘ldi. Eynshteyn kitob o‘qib olim bo‘ldi. Ilon Mask kitobdan raketa qurishni o‘rgandi.

Ana endi foydali bo‘ldi. Aniq misollar keltirdim

Yuqoridagi fikrlar ustozimiz Aziz Rahimovning yangi parallel muhit* nomli loyihalaridagi “Misol bilan gaplashamiz” degan maqolalaridan bir parcha.

Loyihada turli mavzularda haftada ikki marta, uzun maqolalar yozib, a’zolarga ulashyaptilar. Ba’zan video uchrashuvlar, onlayn savol-javoblar ham o’tkazyaptilar.

Azizbek akam bilan deyarli har kuni suhbatlashadigan biz ham loyihadagi (pullik blog) maqolalarni o’qib real foyda olyapmiz.

Bir oylik a’zolik narxi 65 ming so’m edi, adashmasam. Ikki mahal ovqatlanish puli evaziga o’zbek tilida o’xshashi yo’q kontent, rivojlanuvchilar muhitiga a’zo bo’lishingiz mumkin.

Samimiy tavsiya qilaman — kam bo’lmaysiz. Quyidagi bot orqali qo’shilishingiz mumkin.

@parallelmuhit_bot

*Loyihani 2024-yil yakunida youtube sahifalarida e’lon qilgan edilar, bloglarida emas.

Hozir ham bloglarida e’lon qilishni yoki biz kabilar tavsiya qilishimizni ham istamayaptilar o’zi.

Lekin, tanishlardan, tarmoqdan loyiha haqida so’rayotganlar yetarlicha ko’pligi sabab e’lon qilishga qaror qildim.

@abdulloh_shamsutdinov

22.12.202416:54

Yolg’iz emasmiz

2016-yil, 1-kurs talaba, yotoqxonada yashayman.

Aksar darslar foydasiz, ustozlar bizni yomon ko‘radi.

Cho‘ntakda pul kam, yeb-ichishda doim kamchilik bor.

Boshqa viloyatli yoki toshkentliklar bilan madaniy farq katta, do‘stlashish qiyin.

Kir yuvish, ovqat pishirish, bozorlik, pulni rejalash — hech shug‘ullanmagan ishlarim.

Ko‘zimda yosh, "Qayerdan ham Toshkentga kirdim, Farg‘onada qolsam bo‘lardi, qiynalmasdim…"

Deyarli bir yil, ayni hisda, bir necha marta o‘qishni ko‘chirish haqida o‘yladim.

Ota-onam, ustozlarim nima deydi? Voz kechgan bo‘lamanmi? Chidolmagan bo‘lamanmi?

Yo‘q, sabr qilaman. Yengib o‘taman. Mendan avval ham yuzlarcha odam his qilgan bo‘lsa kerak.

Surishtiraman, yolg‘iz emas ekanman.

Ko‘pchilik o‘zi bilan shu mavzuda gaplashadi, menga o‘xshab boshqaga aytmaydi.

2020-o‘qishni tamomladim. 2024-yil, sohamda yaxshi, qadrlanadigan kadrga, tadbirkorga aylanib ulgurdim, shukr.

Bugun menga madaniy farqlar bilan yashash oson. Ro‘zg‘orimni rejalash oson. Chalg‘ish davrida chalg‘imaslik oson.

Hammasini o‘sha qiyin davrlar o‘rgatdi. Yashatib o‘rgatdi. Qiynab o‘rgatdi.

Ehtimol, siz ham hozir shu hislarni his qilayotgandirsiz. Voz kechmang, hammasi o‘tib ketadi.

Yakunda esa bardoshliroq, tartibliroq, mustaqilroq bir shaxs qoladi.

Dubai amirining bir gapi bilan postni tugataman: "Qiyin davrlar kuchli shaxsiyatlarni tarbiyalaydi. Kuchli shaxsiyatlar yengil davrlarni shakllantiradi. Yengil davrlar esa kuchsiz shaxsiyatlarni yetishtiradi."

@abdulloh_shamsutdinov

19.12.202412:05

Eskisi yaxshiroq

Yaxshi kitob serhosil ekinzorga o‘xshaydi – har safar o‘qiganda yangi hosil beradi.

Kechagi safar o‘rog‘ bilan ishladik, bugun esa kombayn bilan.

Sarflagan kuch va vaqt bir xil, lekin natija ancha farq qiladi.

Ekinzor o‘sha-o‘sha, farq faqat ish qurolimizda - o’zgarishimizda.

Yaxshi kitob topdikmi, uni qayta-qayta o‘qiylik, yangi qidiravermasdan.

Chunki yangi dalaning hosildorligini darrov bilib bo‘lmaydi.

Eski kitoblar yaxshi bo’lmaganda bizgacha yetib kelmas edi.

@abdulloh_shamsutdinov

07.12.202417:02

Bo’lsa qo‘riqlaymiz

Ona tovuq vaqti kelsa kichik bir sichqondan qo‘rqadi,

lekin masala jo‘jalarining xavfsizligi bo‘lsa ilonga ham tashlanadi.

Jo‘jalar uning eng muqaddasi — qizil chizig‘i.

Bu chiziqni qo‘riqlash hayotidan qimmat, kerak bo‘lsa jon beradi.

Insonning ham qizil chiziqlari bo‘ladi. Badali ne bo‘lsa bo‘lsin, hech kimga bostirmaydi.

Qizilligi shunday-ki, yo’lida pul, dunyo, mansabdan kechish hech ish emas.

Kimdadir bu yolg‘on, kimdadir tuhmat. Boshqamizga ishonchsizlik qizil chiziq.

Qizil chiziqlarni bosish masalasi hech kim bilan muhokama qilinmaydi.

Muhokama qildirdingizmi, qizilligi qolmaydi, har kim ezoladigan chiziqcha qoladi.

Nimani qizil chiziq tutish esa e’tiqod masalasi. Nozik qismi shu bo‘lsa kerak.

Buni tirik, ishonchli va sodiq ustozlardan o’rganiladi, jonsiz kitoblarni o’zidan emas.

@abdulloh_shamsutdinov

02.12.202406:12

Ishonchni sotish ham, sotib olish ham mumkin.

Oktyabrda xatosi sabab kompaniyaga $2 000 atrofida ziyon keltirayotganini aytishdi — noto‘g‘ri turdagi 16 ta planshetlar sotib olibdi.

Jamoadoshlar qaror kutishyapti — bir oyda planshetlarni qayta sotolmasa oyligidan olib qolishimizni jiddiy aytdim.

Keskin qaror. Eshitdi, e’tirozsiz qabul qildi. Sotishga yordamlashishimizni bildirdim. O‘zim ham 1 dona sotib oldim.

Noyabr oxirigacha hammasini sotib, ziyon ham ko‘rmadi. Mas’uliyat badalini to‘lashni o‘rgandi — ishonchim yanada ortdi.

Boshqa bir xodim xatosi $500 ga tushdi. Menejeri unga ziyonni o‘z hisobidan to‘lashi kerakligini tushuntirdi — xatoni tan oldi, lekin badal to‘lashga rozi bo‘lmadi.

Rozi bo‘lsa yengillatardik, oyma-oy sezmasdi ham. Hurmatimiz ham oshardi — bir qadam oldiga tashlolmadi.

Yakunda menejeri xodimi o‘rniga o‘zi to‘lashini menga aytdi — ishonchim yanada ortdi, 50% qismini kompaniya to‘lashini aytdim.

Xodim esa menejerining ham, mening ham ishonchimni yo‘qotdi — boshqa mas’uliyat ko‘tarolmasligini bildirib qo‘ydi.

Voqealar tugadi, xulosalar qoldi — xodimlardan biri pulga ishonch sotib oldi, boshqasi pulga ishonchini sotib yubordi.

@abdulloh_shamsutdinov
@abdullohgayoz_bot

25.11.202415:32

Zo’r imkoniyat

To'liq ismlari Elbek Bahromov — Khan Academy O'zbek loyihasini noldan ko'targan mutaxassis.

2019-yilda u kishiga shogird tushdim. Oylik 1.5 mln atrofida edi. Ish rejimi o'rtacha 12-14 soat bo'lib, yakshanba kunlari ham ishlar edik.

Qo'limdan hech qanday ish kelmasdi. Kitob bersalar — o'qirdim, kurs yuborsalar — ko'rardim, ishlasalar — uzoqroqdan kuzatardim.

Birinchi ikki oy shunday o'tdi — kompaniyaga zarracha ham foydam tegmadi, o'zimda ham o'sishni his qilmadim.

Uchinchi oydan kichik vazifalarni berishni boshlashdi. O'sha oy Elbek akam yashaydigan kvartiraga ham ko'chib o'tdim.

Shundan keyin uxlashdan tashqari deyarli hamma vaqtni birga o'tkazadigan bo'ldik — biznes uchrashuvlarga borar edik, intervyularga o’tkazar edik, vazifalar bajarar edik, majlislarda qatnashar edik, dasturchilarga TZ yozar edik va hokazo.

Haqiqiy o'sish aynan o'shanda boshlandi. 1.5 yil davomida o'zlaridagi barcha bilim va tajribani qizg’onmay o'rgatdilar, bugungi faoliyatimga poydevor bo'ldilar.

Taqdir taqozosi bilan, Elbek akamga yoki jamoaga umuman aloqasi bo'lmagan ba'zi jiddiy sabablar tufayli jamoadan ketishimga to'g'ri keldi.

Lekin shu davr hayotimdagi eng katta maktab bo'ldi desam mubolag'a bo'lmaydi. Ustoz, sizga katta rahmat!

@abdulloh_shamsutdinov

24.11.202412:55

Endi kim bola?

2018-yil, talabalik davri. Yangi ijara uyga ko'chishga to'g'ri keldi. Qish, xona yetarlicha isimaydi — xonadoshlar bilan tez-tez kurtka va shapka kiyib yotamiz.

U vaqtlarda video qo'ng'iroq hali ommalashmagan, internet qimmat edi. Uydagilar bilan ham oddiy telefonda gaplashardik.

Onam "bolam, sovqotmayapsanmi?" deb so'rasalar, "onajon, maykada o'tiribman, xavotir olmang" deb u kishini xotirjam qilaman.

Bu kabi "yolg'onlarim" och qolmaslik, yolg'iz qiynalmaslik va boshqa mavzulardagi savollariga javoblarimda ham ko'p uchrar edi.

Bir amallab o'qishni bitirdim, shogird tushdim, ish o'rgandim. Besh yilda sohamda eng oldi mutaxassislardan biriga aylandim, tadbirkor bo'ldim.

Bugun pulga aloqador muammolarim deyarli qolmadi. Qolganlari ham ehtiyoj emas, balki istak va komfortga tegishli.

Lekin onaginamning xavotirlari tugamadi. Hozir ham har gaplashganda "Ko'p ishlamayapsanmi, ishlaring joyidami?" deb so'raydilar.

To'g'ri, hozir ham boshqa turdagi muammolarim yetarli, lekin ularni onamga aytishdan nima foyda? U kishini qiynashdan boshqa nimaga yaraydi?

Yana "yolg'on" gapiraman, o'zi kechirsin...

O'ylab qolaman: ehtimol, ulg'ayish belgisi — bizning muammolarimizni ota-onamiz emas, ularning muammolarini biz yechishga o'tganimizdadir?

@abdulloh_shamsutdinov

Бардык посттор