سـاره: مش قولتيلي خلاص بنخليه ايسيبها؟؟ ڪيف صار؟
مـروة: مانيش عارفه ڪيف وافق يتجوزها بعد الڪلام ڪله والصور اللي بعثتهمله.
سـاره: صور؟؟؟
مـروة: وطي صوتك
سـاره: فهميني صور شني؟؟
مـروة: تو انقوللك بعد انروحوا مش توا.
(طلعـوا مالـــك وهديـل وعيلـة الشــــــامــخ من الصـاله وروحـوا لـِ المزرعــــه).
فـِ المزرعــــه /.
عند مالـــك وهديـل /.
مالـــك:(خش لـِ الدار سلح جاڪته ورقد عالسرير).
هديـل:(فتحت الدولاب خذت بيجاما وخشت للحمام)
مالـــك:(ناض غير ادبشه وطلع الابتوب وقعد يشتغل بيه).
هديـل:(مسحت مڪياجها ودوشت وطلعت رقدت عالڪنبه).
مالـــك: غدوة الطياره الساعه عشرة
هديـل: عارفه😒.
فـِ المـــربوعـــه/.
عند مالـوما /.
مالـوما:(قعـد للصبح واعي وايفڪر فـِ هديـل شاف الساعـه لقاها سته الصبح ناض غسل وجهة ولبس وخش علي سلوىٰ لقاها واعيه): صباح الخير
سلوىٰ: صباح النور
مالـوما: الطياره بعد ثلاث ساعات نوضيهم.
سلوىٰ: خيرهم عيونك حمـر نهاري لأحـرف؟؟
مالـوما: ماخيرهم شي مارقدتش بس.
سلوىٰ: وعلاش خير انشاءالله؟؟
مالـوما: ڪساد ماجانيش نوم
سلوىٰ: علاش مامشيتش معانا لـِ الصاله وزفيت مع خوك امبارح؟؟
مالـوما: ڪنت تعبان ماقدرتش نطلع.
سلوىٰ: مالـوما انت زعلان مني؟؟
مالـوما: لأ
سلوىٰ: وراس اوليدي احڪيلي باش نرتااح.
مالـوما: وعلاش بنحڪي؟؟ مش حنستفاد شي
سلوىٰ: ماتخليش بالي منشغل عليك قوللي خيرك وريحني حتى خالاتك حسو بيك وسألوني عليك.
مالـوما: انتم تبوني نرتاح ولا؟؟
سلوىٰ: أڪيده يـَ ولدي نبيك مرتاح.
مالـوما: تبوني نرتاح معاش تسألوني خيرك خلوني في حاالي بس..... ڪلميهم ايوتوا الفطور للتريس فـِ المربوعه ووتولي ارواحڪم بڪري باش انلحقوا عالطيارة(طلع).
سلوىٰ: ياربيي الولد خيره
فاطمه: سلوىٰ ڪنك؟؟
سلوىٰ: قريب ننهبل يـَ فاطمه الولد هادا بيجلطني.
فاطمه: وسعي بالك ملهم مريض وماعليه لوم وقاللي زڪريا الدوا قوي ومأثر عليه.
سلوىٰ: باهي لعند امتى بيقعد هڪي يـَ فاطمه تعرفي مش مصدقه ان هادا ولدي مالـوما.... انقلب قلبة وحده حتى امبارح مامشاش لزفة خوه.
فاطمه: صدقيني مأثـر فيه الدوا بس.
لـِ الڪـــاتبــــه: البحــــآࢪيــــه🔥🦅.
بعــد ســـــاعه✨ /.
هديـل:(ناضت علي صوت الباب): يانااعلاااي شن يبو عالصبح (ناضت تجري خذت البطانيه وعزقتها فـِ الدولاب).
مالـــك:(طلع من الحمام): هادي خيرها
هديـل: امشي افتح الباب بسرعه ونا دايروحني راقده (عدت تجري للسرير).
مالـــك:(ايبحت فيها ومستغرب.... فتح الباب).
مـارال: صبااح الخيراات يـَ عريس
مالـــك: صباح النور.
مـارال: مازلتوا امرقدين؟؟ خلاص ساعـه وبنطلعوا؟؟
مالـــك: نص ساعه وننزلوا.
مـارال: شد السفره افطروا وتعالوا.
مالـــك: تمام.(سڪر الباب): نووضي هييي
هديـل: عدت؟؟
مالـــك:( حط السفرة عالطاوله)
هديـل:(صبت من السرير)
مالـــك:(شاف لساعته): عندك من توا لخمس دقايق بس باش اتوتي روحك (طلع من الدار).
هديـل: متوحد😒.
تســـــــࢪيـ؏ الأحــــداث⏰ /.
( نزلت هديـل وسلمت عليهن وطلـعوا .... ڪان مالـوما ايراقب فيها من بعيد وهديـل تتجنب فيه وبعـد ثلاث ساعات وصلـوا لـِ طـرابلس بطياره وبدن تجهيزات ليوم المحضر(الأسبوع) وهديـل مشت لـِ الفيـلا مع مالـــك وبعد فترة لحقوها مـارال وحـور عشان ايساعدنها).
هديـل: ثقيلل بلڪلل هضاا ڪيف بنتحرك بيه
حـور: بلعڪس خايل عليك العربي.
مـارال: انتي أصبري ڪلها ساعتين بس وبعدها اتحيديه
هديـل: روحت المزينه؟
حـور: اه روحت
مـارال: خلاص احني بنروحوا توا بيجينا مالـوما تمام؟
هديـل: ونااا بتخلني بروحي؟؟
حـور: انتي تو ايجيك راجلك يـَ حنه خلاص.
مـارال: هي حـور البسي
⚡فـــــلاش بـــــــاك⚡.
مالـوما:(امقمعز فـِ الڪوجينه وهديـل اتديرله فـِ قهوة): غاليـه؟؟
هديـل: نعم؟؟
مالـوما: توا أني ڪان اتجوزت شن بتلبسي فـِ عرسي؟؟ القفطان الأحمر؟؟
هديـل: نلبسلك حزام ناسف انفجرك انت وعروسك انخليڪم طراطيش.
مالـوما: 😂😂😂😂.
هديـل: من العروس الموظفة امتاع الاستعلامات؟؟
مالـوما: لالا شروق بنت سالم😂😂.
هديـل: اتديرها عارفتك ناا
مالـوما: معقولة اني انديرها؟؟
هديـل: انت أصلاً جرب اتديرها بس ڪان مافجرت روحي في نص الصاله ننقلبلڪم داعشية.
مالـوما: واتقوليلي ماتغاريش؟؟
هديـل: اه مانغارش🌹.
مالـوما: صدقتك
⚡بـــــــاك⚡
حـور: هدهد نحنا بنطلعوا توا مالـوما براا.
هديـل: تمام.
مـارال: هيي باااي.
هديـل: بااي.
(طلعت مـارال هي وحـور مع مالـوما وروحن وقعدت هديـل فـِ الفيـلا) .
