#галасы_беларусаў
❗У Беларусі разгортваецца чарговы фарс пад назвай "прэзідэнцкія выбары".
Міжнародны злачынец лукашэнко пры падтрымцы сваіх памагатых рыхтуецца ў чарговы раз упісаць сабе 90% галасоў і прызначыць сябе прэзідэнтам на чарговыя пяць гадоў.
Але мы, беларусы, не прызнаем гэтую злачынную ўладу. Вось ужо амаль 30 гадоў Беларусь знаходзіцца пад акупацыяй лукашыстаў, якія праводзяць масавыя фальсіфікацыі, жорстка душаць усялякае іншадумства і груба парушаюць правы чалавека.
Цяпер па ўсёй Беларусі праходзяць масавыя арышты. Тых, хто вымушаны быў пакінуць краіну, запалохваюць, пагражаючы іх родным і блізкім. Супраць беларусаў, якія знаходзяцца на эміграцыі, узбуджаюцца палітычна матываваныя крымінальныя справы, канфіскуецца маёмасьць. Тысячы людзей сядзяць у турмах за свае перакананні, сотні тысяч былі вымушаны пакінуць Беларусь.
Адносна дзясяткаў лідэраў апазіцыі ўведзены рэжым інкамунікада.
Мой прэзідэнт Мікалай Статкевіч больш за чатыры гады знаходзіцца ў турме, і пра ягоны лёс нічога не вядома.
Нас, беларусаў, якія знаходзяцца на эміграцыі, пазбавілі права голаса. Нам спрабуюць закрыць рот, запалохваючы і пагражаючы.
Але мы не здадзімся!
Мы не прызнаем лукашэнко і яго фарс!
Мы патрабуем:
1. Свабоды і справядлівасці для ўсіх беларусаў
2.Вызвалення ўсіх палітычных зняволеных ў Беларусі!
3. Прыцягненне да крымінальнай адказнасці лукашэнко і яго памагатых, якія маюць дачыненне да фальсіфікацый і рэпрэсій у дачыненні да грамадзянскай супольнасці.
4. Міжнароднага расследавання злачынстваў супраць чалавечнасці, учыненых злачынным рэжымам лукашэнкі
Нашая сіла ў салідарнасці. Жыве Беларусь!
©Міронаў Ілля, былы палітвязень, актывіст партыі Народная Грамада.
#МыРазам
