Санаа күүһүнэн...
🔹Доруобуйаларыгар хааччахтаах дьон сыл ахсын спорт бэстибээлигэр түмсэллэр. Санаа күүһэ уонна спорка таптал хайа баҕарар ыарыыттан үрдүк. Онон маннык тэрээһиҥҥэ күндү дьоммут, мэлдьи көхтөөх кыттыыны ылаллар. Тохсус төгүлүн ыытыллар быйылгы күрэххэ Бүлүүттэн, Үөһэ Бүлүүттэн, Ньурбаттан, Сунтаартан, барыта 91 кыттааччы баар.
🔹 Спортсменнар олорон эрэ волейбол, гандбол, теннис, хаамыска, хабылык курдук, барыта 6 спорт көрүҥэр күөн көрсүөхтэрэ. Манна кинилэр бэйэ-бэйэлэрин кытта билсэн, кэпсэтэн, аралдьыйан сэргэх түһүлгэни олохтууллар.
Сунтаар улууһун баһылыга Анатолий Григорьев - " Адаптивнай спорт көҕүлээччитэ, энтузиаст тренер Афанасий Жараев курдук көхтөөх дьонноох буоламмыт сунтаардар маннык күрэхтэргэ мэлдьи кыттабыт, кыайабыт, ситиһиилэр кэлэ тураллар. Санаа күүһүнэн салайтаран, ыарыыны билиммэккэ спордунан дьарыктанар дьоммутунан киэн туттабыт. Эһиги сатабылгыт, дьоҕургут сайда турдун!".
Спортсменнар икки күн устата "Абаҕа" түөлбэтигэр саҥа арыллыбыт спорт саалатыгар спорду көҕүлүттэн тутуохтара. Кэлиҥ, көрүҥ, сэргээҥ!
🚀@suntaar_ulus
