Мир сегодня с "Юрий Подоляка"
Мир сегодня с "Юрий Подоляка"
Қарау
Труха⚡️Україна
Труха⚡️Україна
Қарау
Николаевский Ванёк
Николаевский Ванёк
Қарау
Мир сегодня с "Юрий Подоляка"
Мир сегодня с "Юрий Подоляка"
Қарау
Труха⚡️Україна
Труха⚡️Україна
Қарау
Николаевский Ванёк
Николаевский Ванёк
Қарау
Milliy markaz (AKIS) RASMIY avatar

Milliy markaz (AKIS) RASMIY

O'zbekiston Respublikasi qishloq xo'jaligi vazirligi huzuridagi "Qishloq xo'jaligida bilim va innovatsiyalar Milliy markazi" Rasmiy telegram kanali
Murojaat uchun: @AKISBOT_BOT
TGlist рейтингі
0
0
ТүріҚоғамдық
Растау
Расталмаған
Сенімділік
Сенімсіз
Орналасқан жері
ТілБасқа
Канал құрылған күніFeb 25, 2022
TGlist-ке қосылған күні
Feb 10, 2025
Мен каналдың иесімін
Өзгерістер тарихы

Рекордтар

22.02.202523:59
3.4KЖазылушылар
29.03.202523:59
400Дәйексөз индексі
10.04.202518:50
7231 жазбаның қамтуы
26.03.202513:49
594Жарнамалық жазбаның қамтуы
05.04.202523:59
4.43%ER
10.04.202523:59
23.26%ERR

Milliy markaz (AKIS) RASMIY танымал жазбалары

Барлық жазбалар
04.04.202512:22
#QADRIYAT

Milliy markazda nafaqat bilim va innovatsiya, balki milliy qadriyatlar ham mujassam!

Bu yerda zamonaviy fikr, ilmiy izlanish va o‘zbekona ruh bir butun.
Xodimlarimiz bugun milliy liboslarda — nafaqat ko‘rinishda, balki qalban ham milliylikni ifoda etmoqda.
Milliy markaz — bu o‘zligimizni saqlagan, kelajakka intilgan maskan!

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
Post media background
Post media
26.03.202505:24
#TABRIK

⚜️ TAVALLUD AYYOMINGIZ MUBORAK BO‘LSIN! ⚜️

✔️ Bugun Qishloq xo‘jaligida bilim va innovatsiyalar milliy markazi bo'lim boshlig'i PARPIYEV G‘OFURJON TOXIROVICH
tavallud ayyomini nishonlamoqda!

💎 Hurmatli G‘OFURJON TOXIROVICH !

Sizni ushbu qutlug‘ sana bilan samimiy muborakbod etamiz! Mustahkam sog‘lik, farovon hayot va ish faoliyatingizda yuksak muvaffaqiyatlar tilaymiz. Oilangiz fayzu barakaga, qalbingiz esa xotirjamlik va quvonchga to‘lsin! Ishlaringiz bardavom, kelajagingiz nurafshon bo‘lsin!

⚜️ Hurmat bilan, Qishloq xo‘jaligida bilim va innovatsiyalar milliy markazi jamoasi.

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
27.03.202504:39
🟦🟦🟦🟦🟦🟦🟦

Xitoyning dunyoga mashhur Xinjiang Jinghua Seed urug‘chilik kompaniyasi bilan O‘zbekiston mahalliy g‘o‘za navlariga BT genini tezkor o‘tkazish (8 oy) va tola chiqimini (45 foiz) oshishini nazorat qiladigan genni O‘zbekistonda ham patentlash va mahalliy navlarning genotipiga o‘tkazish bo‘yicha kelishuvga erishildi

Ayni kunlarda Qishloq xo‘jaligida bilim va innovatsiyalar milliy markazi direktori Shuhrat Otajonov boshchiligida Xitoy Xalq Respublikasida xizmat safarida bo‘lib turgan Qishloq xo‘jaligi vazirligi tizimidagi tashkilotlar rahbarlaridan iborat delegatsiya xizmat safari doirasida Hubei provinsiyasidagi dunyoga mashhur va nufuzli Xinjiang Jinghua Seed urug‘chilik kompaniyasining Hainandagi tarmoq tashkiloti faoliyati faoliyati bilan ham yaqindan tanishdilar.

Xinjiang Jinghua Seed urug‘chilik kompaniyasi paxta va boshqa qishloq xo‘jalik ekinlarining yuqori avlodli urug‘liklarini yetishtirish bilan shug‘ullanadi. Kompaniya olimlari tomonidan kashf qilingan innovatsion texnologiyalar esa dunyo miqyosida katta qiziqish uyg‘otmoqda. Xususan, ular g‘ozaga BT genini o‘tkazishning zamonaviy va tezkor usulini ishlab chiqqan bo‘lib, bu jarayon an’anaviy backcross usuliga nisbatan ancha samarali ekani bilan ajralib turadi. An’anaviy usulda BT genini g‘ozaga o‘tkazish 2-3 yil talab qilsa, yangi texnologiya yordamida 8 oy kifoya qiladi, xolos. Olimlar bu jarayonda oshqozon bakteriyasi (Escherichia coli) dan foydalangan holda yuqori samaradorlikka erishgan.

Shuningdek, delegatsiya a’zolarini qiziqtirgan yana bir muhim yangilik – tola chiqimini 45 foizdan oshirishni nazorat qiluvchi gen bo‘ldi. Bu texnologiya paxta tolasining hosildorligini sezilarli darajada oshirish imkonini beradi. Shuhrat Otajonov bu borada shunday fikr bildirdi:

— Ushbu yangi texnologiyalar o‘zimizda ham tatbiq etilsa, mahalliy paxta navlarining tola chiqimini oshirishga katta hissa qo‘shadi. Bu esa paxta xomashyosini qayta ishlash samaradorligini yuksaltirish, milliy iqtisodiyotga salmoqli foyda keltirish va fermerlar daromadini ko‘paytirishga xizmat qiladi.

Uchrashuv yakunida Qishloq xo‘jaligida bilim va innovatsiyalar milliy markazi, Urug‘chilikni rivojlantirish markazi, Paxta seleksiyasi, urug‘chiligi va yetishtirish agroteхnologiyalari ilmiy-tadqiqot instituti hamda Xinjiang Jinghua Seed urug‘chilik kompaniyasi o‘rtasida hamkorlik kelishuvi imzolandi. Kelishuvga ko‘ra Qishloq xo‘jaligida bilim va innovatsiyalar milliy markazi tizimidagi ilmiy-tadqiqot institutlarida qishloq xo‘jalik ekinlarining serhosil nav va duragaylarini yaratishda hamkorlik qilinadi, Urug‘chilikni rivojlantirish markazi bilan g‘o‘za va boshqa turdagi qishloq xo‘jalik ekinlarining urug‘chiligi rivojlantiriladi.

Shuningdek, kompaniyaning seleksiya bo‘yicha katta konsultanti doktor Zhu Zhenmin bilan tola chiqimini 45 foizdan yuqori bo‘lishini ta’minlovchi genni O‘zbekistonda ham patentlash va mahalliy navlarning genotipiga o‘tkazish bo‘yicha kelishildi. Shuningdek, qishloq xo‘jaligining boshqa ekinlariga oid duragay navlarni yaratish bo‘yicha hamkorlik yo‘lga qo‘yilishi belgilab olindi.

Ushbu tashrif ikki davlat o‘rtasidagi ilmiy-texnik hamkorlikni mustahkamlash va qishloq xo‘jaligida yangi texnologiyalarni joriy etishda muhim qadam bo‘lib xizmat qiladi.

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
26.03.202511:13
🟦🟦🟦🟦🟦🟦🟦
KANOP YETISHTIRISH VA QAYTA ISHLASH LOYIHASI BO‘YICHA MUHIM QADAM

Avval xabar berganimizdek, Janubiy Koreyaning “SJ Global Corporation” kompaniyasi Qishloq xo‘jaligida bilim va innovatsiyalar milliy markazi bilan hamkorlikda Koreya texnologiyasi asosida kanop yetishtirish loyihasini amalga oshirish bo‘yicha kelishuv imzolagan edi.

Bugun Milliy markazda ushbu loyihaning navbatdagi amaliy va nazariy jihatlari muhokama qilindi. Tadbirda kanop mahsulotining yurtimiz sharoitida qay darajada yetishtirilishi, iqlim va yer unumdorligi masalalari atroflicha ko‘rib chiqildi.

Dastlab Toshkent viloyatida 20 gektar, Surxondaryo viloyatida 5 gektar va Qoraqalpog'iston Respublikasida 5 gektar maydonga sinov tariqasida Koreyadan keltirilgan kanop urug‘lari ekilib, hosildorlik darajasi tahlil qilinadi. Muvaffaqiyatli natijalarga erishilsa, kanopni respublika bo‘ylab keng miqyosda yetishtirish rejalashtirilmoqda.

Muhokamalar davomida kanopdan olingan mahsulotlar qatorini kengaytirish masalasi ham muhim o‘rin tutdi. Jumladan, kanopdan yog‘ va biodizel ishlab chiqarish imkoniyatlari ko‘rib chiqildi.

Mutaxassislarning ta’kidlashicha, kanop yog‘i o‘zining tibbiyot, kosmetika va oziq-ovqat sanoatidagi foydali xususiyatlari bilan ajralib turadi. Bundan tashqari, kanop yog‘i ekologik toza yoqilg‘i — biodizel sifatida ham samarali ishlatilishi mumkin.

Tadbir yakunida tomonlar yaqin fursatlarda kanop mahsulotini keng ommalashtirish va undan ishlab chiqariladigan mahsulotlar turlarini ko‘paytirish bo‘yicha kelishib oldilar.

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
03.04.202515:59
#Agro_maslahat

Bugungi kunlar g‘alla parvarishida muhim bosqich hisoblanadi. Mo‘ljaldagi hosildorlikka erishish uchun zarur agrotexnik tadbirlarni o‘z vaqtida amalga oshirish lozim. Shu jumladan, o‘g‘itlash, sug‘orish va zararkunandalarga qarshi kurashish muhim ahamiyatga ega.

Milliy markaz tizimidagi Janubiy dehqonchilik ilmiy-tadqiqot instituti direktori, professor Oybek Amanov bu haqda batafsil ma’lumot berdi. Uning ta’kidlashicha, belgilangan texnologiyalar va ilmiy tavsiyalarga amal qilinsa, hosildorlik sezilarli darajada oshadi.

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
Post media background
Post media
04.04.202503:49
#TABRIK

🗓Bugun Milliy markaz bo‘lim boshlig‘i TURSUNXODJAYEV MURODJON SULTONOVICH tavallud ayyomini nishonlamoqda.

🎁 Hurmatli MURODJON SULTONOVICH! Sizga mustahkam sog‘liq, kuch-quvvat va oilaviy baxt tilaymiz. Farzandlaringiz kamolini ko‘rib yuring!

✨ Hurmat bilan, Qishloq xo‘jaligida bilim va innovatsiyalar Milliy markazi jamoasi!

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
Post media background
Post media
25.03.202511:58
🟦🟦🟦🟦

Qishloq xo‘jaligi haqida 10 qiziqarli fakt

Qishloq xo‘jaligi insoniyat tarixidagi eng qadimiy va muhim sohalardan biri hisoblanadi. Quyida ushbu sohaga oid eng qiziqarli 10 ta fakt bilan tanishing!

1. Qishloq xo‘jaligi – tamaddunning asosi
Insoniyat dehqonchilik va chorvachilik bilan shug‘ullanishni boshlagach, doimiy yashash joylarini barpo qilgan. Bu jarayon shaharlar va madaniyatlarning rivojlanishiga turtki bo‘lgan.

2. Eng qadimiy dehqonchilik mahsulotlari
Bug‘doy, arpa va javdar taxminan 10 ming yil oldin Yaqin Sharqning "Hosildor yarimoy" hududida yetishtirilgan.

3. Dunyodagi eng qadimiy dehqonchilik hududlari
Bugungi kunda dehqonchilikning eng qadimiy mintaqalari sifatida Mesopotamiya, Misr, Hindiston vodiysi va Xitoy e’tirof etiladi.

4. Asalarilar – qishloq xo‘jaligining beqiyos yordamchilari
Dunyodagi oziq-ovqat mahsulotlarining 75% dan ortig‘i changlanish jarayoniga bog‘liq. Asalarilar bu jarayonda eng asosiy changlatuvchilardan biri hisoblanadi.

5. Dunyo ekin maydonlarining yarmi atigi 4 hosilga tegishli
Bug‘doy, makkajo‘xori, guruch va soya dunyodagi ekin maydonlarining yarmidan ko‘pini egallaydi.

6. Eng tez o‘sadigan o‘simlik – bambuk
Bambuk kuniga 91 sm gacha o‘sishi mumkin! Bu uni dunyodagi eng tez o‘sadigan o‘simliklardan biriga aylantiradi.

7. Kartoshka Janubiy Amerikadan kelgan
Bugungi kunda kartoshka dunyo bo‘ylab yetishtiriladi, ammo uning vatani Peru va Boliviya bo‘lib, u yerda 7-10 ming yil avval ekilgan.

8. Gidroponika – tuproqsiz dehqonchilik
Ba’zi fermerlar gidroponik usuldan foydalanib, o‘simliklarni tuproqsiz, maxsus oziqlantiruvchi eritmalar yordamida o‘stirishadi. Bu usul joyni tejaydi va hosildorlikni oshirishga yordam beradi.

9. Eng ko‘p yetishtiriladigan meva – banan
Banan yillik ishlab chiqarish hajmi bo‘yicha olma va apelsindan ham ko‘proq yetishtiriladi.

10. Yirik chorva hayvonlari atmosferaga ta’sir qiladi
Sigirlar va boshqa yirik chorva hayvonlari hazm qilish jarayonida metan gazini chiqaradi, bu esa issiqxona gazlarining ko‘payishiga sabab bo‘ladi. Shu bois ekologik toza chorvachilik usullari ishlab chiqilmoqda.

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
05.04.202510:18
#JARAYON

Gallachilikda zamonaviy innovatsion texnologiyalar

Don va dukakli ekinlar ilmiy-tadqiqot institutining Toshkent ilmiy-tajriba stantsiyasida “Gallachilikda zamonaviy innovatsion texnologiyalarni qo’llash” mavzusida amaliy seminar o’tkazildi. Seminarda agrodronlarning qishloq xo’jaligidagi ahamiyatiga alohida e’tibor qaratildi. Agrodronlar orqali monitoring va yetishtirish jarayonlari zamonaviy agrotexnologiyalardan foydalanishga imkon beradi, bu esa hosilni
oshirish va erlarning samaradorligini yaxshilashga yordam beradi.

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
10.04.202510:34
#Seminar

Innovatsiya va tajriba – fermerlar uchun mustahkam tayanch

Shu kunlarda Farg‘ona viloyatining barcha tumanlarida g‘allachilik yo‘nalishidagi fermer va dehqon xo‘jaliklari uchun amaliy o‘quv-seminarlar tashkil etildi. Mazkur tadbirlar Prezidentimizning tegishli qarori ijrosini ta’minlash doirasida, g‘allachilikda hosildorlikni 85 sentnerdan oshirishga qaratilgan chora-tadbirlar sifatida o‘tkazildi.

Seminarlarda boshoqli don ekinlaridan yuqori hosil yetishtirish, innovatsion agrotexnologiyalardan samarali foydalanish, shuningdek, begona o‘t, kasallik va zararkunandalarga qarshi zamonaviy kurash usullari hamda suvdan unumli foydalanish, mineral va organik o‘g‘itlardan to‘g‘ri foydalanish masalalari bo‘yicha amaliy tavsiyalar berildi.

Ushbu tadbirlarda Respublika ishchi guruhi rahbari O‘lmasboy Sobitov, Don va dukkakli ekinlar ilmiy-tadqiqot instituti laboratoriya mudiri Ilhom Egamov, Farg‘ona viloyat agroxizmatlar markazi rahbari Ravshanbek Qurbonov va bir guruh soha olimlari hamda mutaxassislar ishtirok etdi. Ular tomonidan ishtirokchilarga ilmiy-nazariy bilimlar bilan birga, amaliyotga oid muhim ko‘rsatmalar ham berildi.

Sohada faoliyat yuritayotgan olimlar va mutaxassislar ishtirokidagi ushbu seminarlar tumanlardagi dalalarda o‘tkazilib, tajriba almashinuvi va o‘zaro muloqot uchun samarali maydon vazifasini bajardi.

Xususan, O‘zbekiston tumanida tashkil etilgan dala seminarida ushbu tuman bilan bir qatorda Beshariq tumanidagi fermer xo‘jaliklari, klasterlar rahbarlari va agronomlari ham faol ishtirok etdi. Ushbu tadbirlarda ishtirokchilar innovatsion yondashuvlarni bevosita amalda kuzatish imkoniga ega bo‘ldilar.

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
Post media background
Post media
26.03.202512:30
⚖️👨‍💻👩‍💻💬

Qishloq xo‘jaligida bilim va innovatsiyalar milliy markazi tizimidagi Lalmikor dehqonchilik ilmiy-tadqiqot institutida "Globol iqlim o'zgarishida lalmikor ekinlar seleksiyasi va yetishtirish agrotexnologiyalaridagi muammolar va ularning innovatsion yechimlari" mavzusidagi Xalqaro ilmiy-amaliy konferensiya bo‘lib o‘tadi.

✅Konferensiya 16-17-may sanasida o‘tkaziladi.

😄Konferensiyada ishtirok etish mutlaqo  🔤🔤🔤🔤🔤

😀Konferensiyaga maqolalar 2025-yil 1-may kuniga qadar qabul qilinadi.

Maqolalar qabuli uchun: Ikrom Mamatqulov 📲+998932978145

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
Post media background
Post media
16.04.202513:37
🟦🟦🟦

Agro Meteo Bot – sizning dala kuzatuvchingiz!

Qishloq xo‘jaligida bilim va innovatsiyalar milliy (AKIS) markazi va telegram ijtimoiy tarmog‘idagi “Fermerlar kanali” hamkorligida maxsus telegram-bot — @Agro_Meteo_bot ishga tushirildi.

Ushbu bot orqali ob-havo ma’lumotlari va shu ma’lumotlarga asoslangan agrotavsiyalarni olish imkoniyati mavjud.

Agar sizda dala, tomorqa yoki yaylovdagi mavjud ekin holati (masalan, lalmi bug‘doyning unib chiqishi, ekish jarayoni, zararkunandalar ta’siri yoki tabiiy ofatdan ko‘rilgan zarar) bo‘yicha ma’lumot bo‘lsa, ushbu botni orqali bizga surat va ma’lumotlarni yuboring.

Yuboriladigan ma’lumotlar:
• ekin surati
• nomi va navi
• ekilgan muddati
• qisqacha izoh

Yuborilgan ma’lumotlar agrometeorologik tahlil hamda tezkor yordam ko‘rsatishda muhim o‘rin tutadi.
Botni foydalanuvchilarning talab va takliflari asosida takomillashtirib boriladi.

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
17.04.202509:16
#Seminar

YOSH TADQIQOTCHILAR — ILMIY IZLANISHLAR YO‘LIDA

Qishloq xo‘jaligida bilim va innovatsiyalar milliy markazi tizimidagi ilmiy-tadqiqot institutlarida yosh tadqiqotchilar turli yo‘nalishlarda ilmiy izlanishlar olib bormoqda.

Yo’sh izlanuvchilar Milliy markazda tashkil etiladigan “Doktorantlar kuni”da o‘z tadqiqotlari natijalarini ustoz olimlarga taqdim etadilar.

Galdag’i seminarda akademik M. Mirzayev nomidagi Bog‘dorchilik, uzumchilik va vinochilik ilmiy-tadqiqot instituti doktoranti Hamidullo Ahatov golubika (Vaccinium corymbosum L.) navlarini sun’iy mutagenez usulida yaratish va ko‘chatlarni yetishtirishni takomillashtirish mavzusidagi izlanishlari bilan ishtirok etdi.

Shuningdek, Zoom platformasi orqali Lalmikor dehqonchilik ilmiy-tadqiqot instituti 3-bosqich doktoranti Feruza Oltiboyeva takroriy ekin sifatida yetishtirilgan loviya navlarining o‘sishi, rivojlanishi va hosildorligiga qurg‘oqchilikning ta’sirini o‘rganish mavzusidagi tadqiqoti bilan qatnashdi.

Tadbirda ilmiy-tadqiqot institutlari xodimlari, doktorantlar, ustozlar hamda mas’ul mutaxassislar ishtirok etdilar. Taqdimotlar jarayonida har ikki doktorantning olib borgan izlanishlari muhokama qilindi, ularga zarur tavsiyalar va xulosalar berildi.

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
08.04.202510:43
🟦🟦🟦🟦🟦🟦🟦

Zaytun yetishtirishda Gruziya bilan hamkorlik

O‘zbekistonda ilk bor sanoat usulida zaytun yetishtirish bo‘yicha amaliy qadam qo‘yildi. Milliy Markaz tizimidagi akademik Mahmud Mirzayev nomidagi Bog‘dorchilik, uzumchilik va vinochilik ilmiy-tadqiqot instituti tomonidan Gruziyaning "Global Olive Corporation" kompaniyasi bilan imzolangan kelishuv doirasida mamlakatga 4 200 tup “Gemlik” navi zaytun ko‘chatlari olib kelindi va ular ilmiy muassasaning Bandixon ilmiy-tajriba stansiyasida ekildi.

Mazkur loyiha O‘zbekistonning qishloq xo‘jaligi sohasida innovatsion yondashuvlarni kengaytirish, xalqaro tajribani o‘rganish va zaytun yetishtirishni yo‘lga qo‘yishga qaratilgan. Hamkorlik doirasida mutaxassislar almashinuvi, zaytun plantatsiyalarini samarali parvarishlash bo‘yicha tadqiqotlar olib borish va mahsuldorlikni oshirishga oid tajribalarni o‘rtoqlashish rejalashtirilgan.

Zaytun yetishtirish nafaqat oziq-ovqat sanoati uchun muhim, balki eksport salohiyatini oshirishga ham xizmat qiladi. Kelgusida O‘zbekistonda zaytun maydonlarini kengaytirish va mahsulotni qayta ishlash bo‘yicha yangi loyihalar amalga oshirilishi kutilmoqda.

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
05.04.202508:04
▶️

Sirdaryo agroxizmatlar markazi zamonaviy formatga o‘tmoqda

Ayni daqiqalarda Qishloq xo‘jaligida bilim va innovatsiyalar milliy markazi direktori Shuhrat Otajonov boshchiligida Respublika agroxizmatlar markazi mas’ullari hamda tizimdagi ilmiy-tadqiqot institutlari direktorlaridan iborat ishchi guruh Sirdaryo viloyati agroxizmatlar markazida yig‘ilish o‘tkazmoqda.

Tashrifdan ko‘zlangan asosiy maqsad — Sirdaryo viloyati agroxizmatlar markazini zamonaviy talablarga javob beradigan namunaviy markazga aylantirishdir. Shuhrat Otajonov markazni zamonaviy uskunalar bilan jihozlash, ilg‘or texnologiyalarni joriy etish va hududdagi fermer xo‘jaliklariga sifatli agroxizmatlar ko‘rsatish imkoniyatlarini kengaytirish zarurligini ta’kidladi.


Yig‘ilish davomida ilmiy-tadqiqot institutlari rahbarlariga Sirdaryo agroxizmatlar markazi hududida o‘z yo‘nalishlariga mos namoyish maydonchalarini tashkil etish topshirig‘i berildi. Ushbu maydonchalar orqali fermerlarga yangi ishlanmalar, innovatsion yondashuvlar va yuqori samarali agrotexnologiyalar amaliy tarzda namoyish etiladi.

Tadbir doirasida ishtirokchilar markaz infratuzilmasi bilan yaqindan tanishdi, mavjud sharoitlarni baholab, kelgusida amalga oshirilishi zarur bo‘lgan vazifalarni belgilab oldi.

Mazkur tashabbus nafaqat Sirdaryo viloyatida, balki respublika miqyosida ham agrar sohani yangi bosqichga olib chiqishda muhim qadam bo‘lishi kutilmoqda.

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
01.04.202513:39
Lalmikor dehqonchilik ilmiy-tadqiqot instituti: kecha va bugun

⚡️Milliy markazning rasmiy sahifalariga obuna bo'ling!
🌐WEB|🚀 Telegram| 📷 Instagram | 🔵Facebook |▶️ Youtube
Көбірек мүмкіндіктерді ашу үшін кіріңіз.