Dam bu damdir...
Ko‘plab juftliklar munosabatlarida kelajak rejalari tuzishni odat qilishadi. Ular ertangi kun haqida o‘ylab, birgalikda nimalarga erishishlarini tasavvur qilishadi: o‘z uyini olish, bolalarni ulg‘aytirish, keksalikda birga vaqt o‘tkazish… Bu, albatta, yaxshi odat. Lekin ba’zida juftliklar shunchalik kelajakka berilib ketishadiki, hozirgi baxtni sezmay qolishadi.
Kelajak deb hozirgi baxtdan voz kechmang
Doim “Ertaga baxtli bo‘lamiz”, “yana biroz chidasak bo‘ldi”, “bu qiyinchiliklardan o‘tamiz, keyin yaxshi yashaymiz” degan fikrlarga berilib ketish odamni hozirgi lahzaning qadriga yetishdan chalg‘itadi. Agar faqat kelajakdagi farovonlik uchun yashasangiz, bugunning quvonchidan mahrum bo‘lasiz. Hayot esa hozir kechmoqda.
Hozirgi lahzani qadrlashni unutmang
Shoshqaloqlik bilan kelajak sari intilish, faqat oldinga qarash insonni charchatishi mumkin. Har kuni o‘zingizga savol bering: “Bugun men munosabatlarimizdan rozimanmi?”, “Bugun biz birga baxtli onlarni boshdan kechirdikmi?”
Baxt – kelajakdagi rejalarda emas, hozirgi kuningizda. U yengil suhbatda, birgalikda ichilgan bir piyola choyda, samimiy tabassumda yashiringan.
Bugun baxtli bo‘lishni o‘rganing
Munosabatlaringizda quvonch toping, juftingiz bilan bugungi kundan zavqlaning. Bir-biringizga e’tibor bering, mehr ko‘rsating, kichik lahzalardan lazzat oling. Kelajakdagi baxtni kutib yashash emas, hozirgi baxtni his qilish muhim.
Chunki bizning qo‘limizda faqat hozirgi vaqt bor.
#Baxt
✍ @Hubbuna — oila qurish, oilaviy muhabbat, baxt va farzand tarbiyasi haqida
