Геология ходимлари куни
Геолог — Ер билимдони. Улар бўлмаса, биз табиий ресурслардан фойдалана олмасдик.
Геолог — доимо табиатнинг гўзал гўшаларида бўлади. Одамлар дам олиш учун ҳавас билан борувчи жойларда улар меҳнат қилади. Лекин...
Геолог — ёзнинг 50°С иссиғида ҳам, қишнинг -50°С совуғида ҳам, одам оёғи етмаган нуқталарда фидокорона меҳнат қилади.
Геолог — минглаб изланишлар олиб бориб, фақат бир неча нафари конга айланиш эҳтимоли бор эканини билиб туриб ҳам, тинимсиз изланишдан тўхтамайди.
Геолог — тоғда, чўлда, ноқулай шароитларда, ойлаб оиласидан йироқда яшаб, ўз касбига садоқат билан хизмат қилади.
Ҳар бир касбнинг ўзига хос машаққати бор. Аммо геолог касби — нафақат машаққатли, балки орзу қилинадиган, фидокорлик ва матонат талаб қиладиган касблардан биридир.
Бугун — Геологлар куни!
Бу байрам геологлар, геофизиклар, геокимёгарлар ва шу йўналишда фаолият олиб бораётган барча мутахассисларга тааллуқли. У анъанавий равишда апрель ойининг биринчи якшанбасида нишонланади.
Ҳурматли геологлар, сизларни касб байрамингиз билан самимий муборакбод этаман! Сизларга мустаҳкам соғлик, янги ютуқлар ва ҳар доимо изланишларингизда муваффақиятли натижа тилайман. Олиб бораётган фидокорона ва матонатли меҳнатларингиз таҳсинга сазовор!
Байрамингиз муборак бўлсин!
Каналга уланиш: @Ngi_Uz
