"Як жывецца роднай мове ў дзіцячым садзе і ў школе. Набыткі. Вопыт. Перспектывы" — тэма экспертнай пляцоўкі, якая прайшла ў Выдавецкім доме "Педагагічная прэса"
🔻 Сярод запрошаных экспертаў былі дэпутат Палаты прадстаўнікоў Нацыянальнага сходу Рэспублікі Беларусь член Пастаяннай камісіі па адукацыі, культуры і навуцы Алег Кузьмін, начальнік упраўлення адукацыі Лідскага райвыканкама Вольга Тарасюк, дырэктар гімназіі № 14 Мінска, дзе навучанне ажыццяўляецца на беларускай мове, Марыя Гарохава, загадчыца Пінкавіцкага дзіцячага сада Пінскага раёна Наталля Афанасьева, настаўнік беларускай мовы і літаратуры вілейскай гімназіі № 2, настаўнік-метадыст, дзіцячы пісьменнік Віктар Кажура.
Удзельнікі сустрэчы разважалі пра любоў і павагу да беларускай мовы, якая мацавалася ў кожнага з першых гадоў жыцця, пра творчую і краязнаўчую работу, якая праводзіцца ва ўстановах адукацыі, пра сродкі павышэння цікавасці да мовы, работу з бацькамі, а таксама пра паспяховыя праекты па яе папулярызацыі, сярод якіх выданне кніг на беларускай мове, тэатральная дзейнасць.
Асобная ўвага была ўдзелена правядзенню ў гэтым годзе ў Лідзе маштабнага рэспубліканскага свята — Дня беларускага пісьменства.
🔜 Матэрыял чытайце ў заўтрашнім нумары "Настаўніцкай газеты".
