Rasmiy munosabat
📝 Bugun ijtimoiy tarmoqlarning birida tumandagi “Yangi Darxon” mahallasida “Abdulloh Fayz Invest” kompaniyasi tomonidan qurilgan uylarda bir qator muammolar mavjudligi haqida xabar tarqaldi.
📍 Mazkur masala mutasaddilar tomonidan o’rganildi. Holat bo’yicha quyidagilarni ma’lum qilamiz: ushbu qurilish kompaniyasi tomonidan Yangihayot tumani “Yangi Darxon” mahallasida 10 ta uy 703 ta xonadon qurilgan bo’lib, bosqichma-bosqich foydalanishga topshirilmoqda. Shuningdek, bugungi kunda ko’p qavatli uylarda suv tarmogʻini ulash ishlari amalga oshirilgan, gaz tarmogʻiga ulash esa bosqichma-bosqich amalga oshirilmoqda. Elektr tarmoqlariga ulash ishlari uchun PQ-454-son qarori asosida pudratchi tashkilot aniqlash ishlari yakunlangan. Tarmoq tortish ishlari jarayonda. Mazkur yangi barpo etilgan obyekt kommunikatsiya tarmoqlari bilan toʻliq taʼminlangandan soʻng quruvchi tashkilot va mulkdorlar tomonidan “topshirish-qabul qilish” ishlari amalga oshirilganidan keyin, aholi koʻchib kirishi mumkin bo’ladi.
♻️ Shu oʻrinda mazkur masalaga befarq boʻlmagan fuqarolarga oʻz minnatdorchiligimizni bildiramiz.
