Труха⚡️Україна

Николаевский Ванёк

Қарау

Инсайдер UA

Қарау

Труха⚡️Україна

Қарау

Николаевский Ванёк

Қарау

Инсайдер UA

Қарау

MIRJALOL MENGBOEV

Global Silkroad Inc. - Vitse Prezident,
Nagoya-O’zbekiston Do’stlik Hamjamiyati - Direktor,
JCI Denov - Bosh Kotib

TGlist рейтингі

ТүріҚоғамдық

Растау

Расталмаған

Сенімділік

Сенімсіз

Орналасқан жері

ТілБасқа

Канал құрылған күніMar 27, 2025

TGlist-ке қосылған күні

Apr 02, 2025

Мен каналдың иесімін

Өзгерістер тарихы

Қосылған топ

MIRJALOL MENGBOEV Chat

Telegram арнасы MIRJALOL MENGBOEV статистикасы

Толығырақ

Жазылушылар

103

24 сағат

1-0.6%Апта

3859.6%Ай

63157.5%

Дәйексөз индексі

0

Ескертулер2Каналдарда қайта жазылу0Каналдарда ескерту2

1 жазбаның орташа қамтуы

57

12 сағат560%24 сағат570%48 сағат1930%

Қатысу деңгейі (ER)

3.51%

Қайта жазылды2Пікірлер0Реакциялар6

Қамту бойынша қатысу деңгейі (ERR)

54.81%

24 сағат0%Апта

3.59%Ай0%

1 жарнамалық жазбаның қамтуы

30

1 сағат00%1 – 4 сағат00%4 - 24 сағат310%

Толығырақ

Каналға біздің ботымызды қосып, осы каналдың аудиториясын біліңіз.

24 сағаттағы жазбалар саны

1

Динамика

"MIRJALOL MENGBOEV" тобындағы соңғы жазбалар

Барлық жазбалар

11.04.202500:36

Biznes strategiya nima va nima uchun kerak?

— Oddiy va o‘zbekona tilda tushuntirishga harakat qilaman.
Keling, tasavvur qiling:
Bir do‘stingiz ko‘cha boshida kichkina oshxonacha ochdi. Har kuni oshpaz osh, norin, somsa pishiradi. Mijozlari avval ko‘paydi, keyin esa asta-sekin kamaydi… Nega?

Chunki u nima uchun bu ishni boshlaganini, qanday mahsulot taklif qilishini, qachon va qanday yo‘l bilan mijozga yetkazishini aniqlab olmagan edi.

Bu – biznes strategiyasi degan tushunchaning yo‘qligidan.
Strategiya bu – sizning biznesingiz o‘z yo‘lidan adashmasligi uchun tuzilgan aniq reja.

🧭 Oddiy qilib aytganda:
Biznes strategiyasi – bu kompaniya bankrot bo‘lmasdan, uzoq vaqt yashab, o‘sib borishi uchun qilinadigan reja va yo‘l xaritasi.

📌 Nima uchun har bir xodim buni tushunishi kerak?
Chunki bu faqat rahbarlarning emas – har bir xodimning yo‘l ko‘rsatkichidir. Kim nima uchun ishlayotganini, nima maqsadda xizmat ko‘rsatayotganini, mijozga qanday qiymat yetkazayotganini tushunsa – butun jamoa bir maqsad sari harakat qiladi.

🛠 Hayotiy misol:
Bir fermerni tasavvur qiling. U qachon va qanday urug‘ ekishini, qanday suv berishini, qachon o‘rim-terim qilishini aniqlab olgan bo‘lsa – hosili mo‘l bo‘ladi.
Aks holda esa… mehnat zoe ketishi mumkin.

Biznes ham xuddi shunday. Har qancha zo‘r mahsulotingiz bo‘lmasin – agar uni kimga, qachon, qanday qilib sotish rejasi bo‘lmasa, muvaffaqiyatga erishish qiyin.

✅ Yuqoridagilarni xulosalasak:
Biznes strategiyasi – bu yo‘l xaritasi. Kimda xarita bo‘lsa – u adashmaydi.
Biznesda ham xuddi shunday:
Kimda strategiya bo‘lsa – u o‘sadi, raqobatchilar orasida yo‘qolib ketmaydi.

t.me/Mirjalol_Mengboev

10.04.202512:59

“Til – bu millatning yuragi!”

Bugun O‘zbekistonda qayerga bormang, o‘zbek bo‘lib turib rus tilida gaplashadiganlar tobora ko‘paymoqda. Eng achinarlisi – ko‘pchilik tanishlarim “O‘zbekistonda yaxshi ish topmoqchi bo‘lsang, rus tilini bilishing shart” deydi.

Nega? Axir biz o‘zbekmiz-ku? Bizning davlat tilimiz – o‘zbek tili! Shu til bizni millat qilib birlashtiradi, tariximizni, madaniyatimizni, g‘ururimizni aks ettiradi.

Agar o‘z yurtingda, o‘z tilingda erkin gapirishga uyaladigan bo‘lsang, ertaga til ham, millat ham yo‘qoladi!

Men Yaponiya tajribasidan ko‘p narsani o‘rgandim. Yaponlar tilini sevadi, qadrlaydi, himoya qiladi. Hech qachon boshqa tilda gapirishni faxr hisoblamaydi. Yaponiyada yashashni, ishlashni istaysizmi? Marhamat, yapon tilini o‘rganing.

Ular hech qachon boshqa davlat valyutasida savdo qilmaydi, o‘z tillarini ham, pul birligini ham, qadriyatini ham muqaddas bilishadi.

Shunday ekan, nega biz o‘z tuprog‘imizda o‘z tilimizda gapirishga uyalishimiz kerak?
Nega biz o‘zimizni emas, begonalarning tilini ustun qo‘yishimiz kerak?

Til masalasiga har birimiz jiddiy yondashmasak, ertaga farzandlarimiz o‘zbek bo‘lib tug‘iladi-yu, o‘zbekcha o‘qiy olmaydi, o‘zbekcha gapira olmaydi. Bu fojia!

Millatni sevish – tilni sevishdan boshlanadi.
Davlatga hurmat – davlat tilini qadrlashdan boshlanadi.

Bugun til uchun kurashmasak, ertaga bizni eslab kurashadigan hech kim qolmaydi!

t.me/Mirjalol_Mengboev

09.04.202523:26

Foyda ortidan emas, xizmat ortidan baxt keladi

“Daromad va Insoniylik” degan bir kitob o‘qiyotganim haqida sizlarga aytgan edim. O‘sha kitobdagi quyidagi bir fikr ancha diqqatimni tortdi:

“Ish degani faqat yashash uchun pul topish emas. Kimnidir foydasiga xizmat qilayotganingni his qilmasang, bir kuni ichingda bo‘shliq paydo bo‘ladi.”

Ana shu satr menga bir haqiqatni yana bir bor eslatdi. Hayotda ko‘p narsa qilamiz: pul topamiz, rejalar tuzamiz, jamiyatda “o‘rin” egallaymiz. Lekin shu ishlarimiz kimningdir yuragiga nur sochmasa, kimnidir dardiga malham bo‘lmasa, bir kun kelib o‘zimizni bo‘sh, maqsadsiz his qilmasmikanmiz🤔.

Kitobda aytiladiki, muallif ham bir qarorga kelishi qiyin kechgan: daromad keltirayotgan zavodni yopib, hech qachon qilmagan sohaga – mehmonxona biznesiga kirgan. Hammaning qarshiligiga qaramay, ichki chaqirig‘iga quloq solgan. Hattoki yaqinlari, qarindoshlari ham “aqldan ozdingmi” deb tanbeh bergan. Lekin onasining bitta “Agar shunday deb o‘ylagan bo‘lsang, harakat qil” degan gapi, unga yetarli bo‘lgan.

Menimcha, bunday jasorat har birimizga kerak. Har kimni eshitamiz, hamma o‘z fikrini aytadi, lekin eng muhim ovoz – o‘z yuragimizniki. Shu yurak bizga “kimnidir hayotiga foyda olib kel”, “yaxshilik qil”, “ma’noli yashagin” deb tursa-yu, biz jim qolsak – bu o‘zimizga xiyonat bo‘ladi.

Do‘stlar, siz ham ishlayotgan joyingizda, qilayotgan ishingizda o‘zingizni biror kishining foydasiga xizmat qilayapman deb his qilasizmi? Qilayotgan ishingizdan ko'nglingiz to'layaptimi?

t.me/Mirjalol_Mengboev

09.04.202501:04

「思いやり」Omoiyari – Ko‘ngilni og‘ritmaslik san’ati

Yaponlar va O‘zbeklar orasidagi nozik farqlar haqida bir mulohaza.

Men Yaponiyaga kelganimda, dastlab bir narsani tushunolmay yurardim:
“Nega ular hech qachon “yo‘q” demaydi?”

Bizda biror taklif yoqmasa, odam ochiq aytadi:
– Bo‘maydi, rahmat.
Yapon esa kulib:
– Yaxshi fikr! Ko‘rib chiqamiz…
(Aslida esa bu – rad etish.)

Bu tushunchaning nomi ham bor: “Omoiyari” – ya’ni boshqalarni his qilish, noqulaylik tug‘dirmaslik san’ati.

Yaponlar o‘zini emas, doim boshqani o‘ylab ish tutadi.
Masalan, avtobusda baland gapirmaydi, liftda ko‘ziga tik qarab turmaydi, telefonda uzoq suhbatlashmaydi. Sababi oddiy:

“Men boshqaga xalaqit qilmayapmanmi?”

O‘zbeklarda esa bu boshqacha.
Bizda ko’ngli ochiq – dardni to‘kib solamiz, taklif yoqmasa, bemalol “yoqmadi” deyishimiz ham mumkin.
Gapimizda hissiyot bor, harakatimizda samimiyat.
Yaponlarda esa og‘irlik, fikrni yashirish emas – balki ko‘ngilni og‘ritmaslik madaniyati bor.

Men bu farqni asta-sekin o‘rgandim.
Shunda tushundimki, Yaponlar jimligida ham e’tibor bor, O’zbeklar hayajonida esa samimiyat yashiringan.

Xulosa qiladigan bo’lsak:
Ikki xalq – ikki dunyo. Biri ko’ngilni o‘qiydi, biri nigohni. Lekin ikkalasida ham go‘zallik bor: samimiyat va ehtiyotkorlik.

t.me/Mirjalol_Mengboev

08.04.202500:19

Uwasa（噂）– G‘iybat: fazilatmi yoki illat?

Bizda, O‘zbeklarda, g‘iybat qilish – ya’ni birovni orqasidan gapirish, sirlarini oshkor qilish, eng yomon odatlardan sanaladi. Qaysi davrada shunday ish qilgan odam bo‘lsa, unga nisbatan ishonch susayadi, hurmat yo‘qoladi.
Ammo Yaponiya degan mamlakatda bu holat ancha boshqacha.
Yaponiya — bu yerda "g‘iybat"ni uwasa deydi. Va bu uwasalar, go‘yoki shahar ichida shamoldek, eng kichik gaplar ham bir lahzada tarqaladi.

Agar siz bir yapon do‘stingizga:
“Faqat ikkovimiz bilamiz, boshqa hech kimga aytma...”
desangiz — tayyor bo‘ling, erta-indin u gapni deyarli ko'pchil biladi.

Bir do'stim yapon kompaniyasida ish boshlaganida, endi moslashayotgan, ba’zi narsalarni endigina o‘rganayotgan pallasi edi. Ishxonada ikki yapon hamkasbi yonida o‘tirib, o‘sha bechora yigit haqida shivirlab, bemalol g‘iybat qilib o‘tirgan. Eng yomon tarafi — u g‘iybatni o‘zi eshitib turgan... Qanday holat bo‘lganini tasavvur qilyapsizmi?

Men bu haqida bir ustoz akamizdan so‘raganimda shunday javob bergan edi:
“G‘iybat va chaqimchilik O‘zbek jamiyatida illat bo‘lsa, Yapon jamiyatida bu — fazilat. Chunki ular uchun bu normal holat, jamiyatning bir qismi.”

Shuning uchundir, Yaponlar o‘zaro samarali aloqa deb bilgan bu uwasa sababli, hech kim hech kimga to‘liq ishonmaydi.
Va bizlar, bu jamiyatda yashayotgan muhojirlar, yaponlar bilan muloqotda Sir degan narsa faqat o‘zimizda saqlanishi unutmasligizmiz kerak.

Qissadan hissa shuki:
G‘iybat – har bir jamiyatda turlicha qabul qilinadi. Ammo inson qanday jamiyatda bo‘lishidan qat’i nazar, og‘zidan chiqqan so‘ziga ehtiyotkor va o'ta hushyor bo'lishi zarur. Qaysi jamiyatda bo'lsak ham, o‘zligimizni yo‘qotmasdan, e’tiborli va hushyor bo‘lishimiz maqsadga muvofiq bo'ladi.

t.me/Mirjalol_Mengboev

07.04.202514:35

Yaxshi marketing – yarim g‘alaba!
Marketingda yangilik va kreativ yondashuvni yoqtirasizmi?
Unda mana bu kanal siz uchun!

InnoPeak Marketing Agentligi ish boshladi va sizni o‘z ishlaridan bahramand bo‘lishga chorlaydi!

Obuna bo‘ling, ilhom oling:
https://t.me/samandarodilovich

07.04.202501:01

Ko‘pchilikning tasavvurida bank faqat pul beradi, keyin esa kreditni qaytarolmasangiz, muammolarni ustma-ust qo‘yadi degan tasavvur bor.
Lekin Yaponiyada bu boshqacha. Banklar kredit beruvchi emas, balki biznesingizning sherigi sifatida qaraydi.

Quyida real hayotdan olingan bazi misollar haqida:

1️⃣ Pandemiya davrida oziq-ovqat do‘koni egasi savdosi tushib, kreditni to‘lay olmay qoladi. Bank esa maxsus maslahatchilar yuboradi, strategiya ishlab chiqiladi: menyuni o‘zgartirish, onlayn savdoni boshlash, xarajatlarni qisqartirish. Natijada savdo tiklanadi, kredit to‘lanadi.

2️⃣ Yaqinda bir kichik kompaniya yangi yo’nalishdagi mavsumiy mahsulot savdosi bilan shug‘ullana boshlaydi. Boshlanishi umidli edi, lekin yirik mijozlardan biri to‘lovni amalga oshirmay ketadi. Bu esa kompaniya uchun katta muammo bo‘ladi: bankdan olingan kreditni to‘lash imkoni yo‘q. Ko‘pchilik bunday holatda bankdan faqat bosim kutadi: mol-mulkni musodara qilish, majburiy ijro, doimiy ogohlantirishlar… Ammo bu safar boshqacha bo‘ladi. Bank kompaniya bilan suhbat o‘tkazadi, voqeani to‘liq eshitadi va imkoniyatlarni birga muhokama qiladi.
Yakunda quyidagi qarorlar olinadi:
✅ Kreditning oylik to‘lovi minimal darajaga tushiriladi;
✅ Asosiy qarzni vaqtincha to‘xtatib, faqat foiz qismini to‘lash imkoniyati yaratiladi;
✅ Sarmoya barqaror yo‘nalishga sarflanishi tavsiya qilinadi.

Natijada kompaniya sinib ketmadi, balki faoliyatini davom ettirdi. Bu oddiy “yaxshilik” emas – hamkorlik, manfaatlar muvozanati. Aynan “Sanpou Yoshi” falsafasining amalda ko’rinishidir!

Sizningcha, bunday yondashuv faqat Yaponiyaga xosmi?
Fikringizni izohlarda qoldiring!

t.me/Mirjalol_Mengboev

06.04.202509:36

Bank – sizning sherigingiz!

Yaponiyada kichik va o‘rta biznesni qo‘llab-quvvatlash bo‘yicha hukumat idoralari va banklar o‘rtasida kuchli hamkorlik yo‘lga qo‘yilgan.

Agar siz yangi bir biznes boshlamoqchi bo‘lsangiz, avval bu rejangizni bankka olib borasiz. Bank sizga kredit berish-bermaslikni aytishdan oldin, loyihangizni tahlil qilib, maslahatlar beradi. Hatto ba’zida kredit bermasliklari ham foydangizga bo‘ladi — sababi siz hali to‘liq tayyor emassiz, moliyaviy risklar yuqori bo‘ladi.

Agar kutilmagan qiyinchiliklar yuz bersa-chi?
Yaponiyada bank sizni qarzdor deb bosim o‘tkazmaydi. Aksincha, holatingizni tahlil qiladi, vaziyatdan chiqish yo‘llarini birga izlaydi.
– “Qarzingni to‘la, qolganini o‘zing bilasan” demaydi.
– “Bor budingni sot” demaydi.
– “Senga endi ishonmaymiz” demaydi.

Aksincha:
– Yurgizib turgan yo‘nalishingiz bo‘lsa, uni saqlab qolishga undaydi.
– Yangi yo‘llar taklif qiladi.
– Vaqt beradi. Umid beradi.

Nega shunday qilishadi?
Chunki siz muvaffaqiyatli bo‘lsangiz – ular ham muvaffaqiyatli bo‘ladi. Siz foyda qilsangiz – sizdan soliq tushadi, ish o‘rinlari yaratasiz, bankka qarzingizni qaytarasiz, keyinroq yana kredit olasiz.

Bu ham Sanpou Yoshi falsafasining hayotdagi ifodasi: Foyda mijozga ham, jamiyatga ham, o‘zingga ham bo‘lishi kerak.

Siz bu borada qanday fikrdasiz?
Yaponiyadagi bu tizim O‘zbekistonda ham ishlashi mumkin deb o‘ylaysizmi?

t.me/Mirjalol_Mengboev

05.04.202512:49

“Muvaffaqiyatsizlik – bu oxir emas. Bu boshlanish!”

Yaponlarda bir naqadar chuqur ma’no anglatadigan maqol bor:
「失敗は成功の元」– “Shippai wa seikou no moto”, ya’ni “Muvaffaqiyatsizlik – bu muvaffiyatning ildizi”.

Har bir katta muvaffaqiyat ortida ko‘zga ko‘rinmaydigan mashaqqatlar, kechgan kechalar, sinovlar va, albatta, muvaffaqiyatsizliklar yotadi.
Ammo bu – oxir emas. Bu – rivojlanish uchun imkon, o‘z ustingda ishlash uchun turtki.

Inson muvaffaqiyatsizlikdan qochmasligi kerak – undan saboq olishi kerak.
Qachonki odam o‘zining xatolariga ochiq qaray olsa, tahlil qilsa, o‘zini har safar yaxshiroq versiyaga aylantira olsa – ana shunda u muvaffaqiyat sari yurmoqda, deganidir.

Hayot sinovdan iborat. Ammo esda tuting:
“Biz bu dunyoga imtihon qilish uchun emas, imtihon qilinish uchun keldik.”

Faylasuflar insonlarni uch toifaga ajratadi:
1. O‘zgarmaydigan odam – xatoga yo‘l qo‘yadi, lekin saboq olmaydi. O‘zini o‘zgartirishni istamaydi.
2. Aqlli odam – xatoga yo‘l qo‘yadi, saboq oladi, o‘zini tahlil qiladi va o‘sha xatoni takrorlamaydi.
3. Dono odam – o‘zi emas, boshqalarning xatolaridan saboq oladi. O‘rganadi, tahlil qiladi va xatolarga yo‘l qo‘ymaydi.

Xulosa shuki,
Har bir muvaffaqiyatsizlik — bu yakun emas, boshlanish. Bu hayotda yiqilmasdan o‘sib bo‘lmaydi. Muhimi — xatolardan saboq olib, o‘z ustingizda ishlashni davom ettirish. Chunki haqiqiy yutuq — aynan shunday kurash va sabrning mevasi.

Siz o’zingizni qaysi toifaga mansub deb bilasiz?
Izohlarda fikringizni yozib qoldiring. Fikrlaringiz boshqalar uchun ilhom bo‘lishi mumkin!

t.me/Mirjalol_Mengboev

03.04.202523:24

“Nemawashi(根回し)” – Yaponcha Qaror Qabul Qilish San’ati

Yaponiyada katta qarorlar oldindan uzoq muhokama qilinadi va hamma tomonlarning roziligi olinadi. O‘zbeklarda esa ko‘pincha rahbar yoki katta odam yakuniy qarorni tez qabul qiladi.

Har ikkala usulning ham o‘ziga xos ijobiy va salbiy jihatlari bor.
Yaponiyada muhim qarorlar “Nemawashi” (根回し) deb ataladigan jarayon orqali amalga oshiriladi. Bu uslubda har bir aloqador insonning lavozimi yoki yoshidan qat'iy nazar fikri olinadi, muhokamalar qayta-qayta olib boriladi va yakuniy qarorga kelinadi. Dono xalqimizdagi "Yetti o‘lchab, bir kes" maqoli aynan yaponlarga mosday nazarimda. Natijada xatoliklar kam bo‘ladi, lekin jarayon uzoq davom etadi.

O‘zbeklarda esa qaror qabul qilish odatda tezroq kechadi. Rahbar yoki katta odam mas’uliyatni o‘z zimmasiga olib, muhokamaga ortiqcha vaqt sarflamay, yakuniy qarorni tez chiqargani ma’qul deb biladi. Bu uslub ishlarni tez oldinga siljitadi, lekin ba’zan noto‘g‘ri qarorlar ham chiqishiga ham olib kelinadi.

Uzoq muddatda esa bu ijtimoiy passivlik va fikr bildirishdan cho‘chish kabi oqibatlarga ham olib kelishi mumkin. Jamiyatda "mening fikrim hech narsani o‘zgartirmaydi" degan tushuncha shakllansa, u asta-sekin diktaturaga yo‘l ochishi ehtimoli bor.

Xulosa o'rnida,
Yaponlarning puxta muhokamaga asoslangan qaror qabul qilish uslubi va o‘zbeklarning tezkor harakat qilish yondashuvi uyg‘unlashsa, eng optimal natijaga erishish mumkin.
Axir: "Bir kalla – kalla, ikki kalla – tilla!"

Siz qanday fikrdasiz? Qaysi uslub samaraliroq? Fikrlaringizni izohlarda kutib qolaman!

t.me/Mirjalol_Mengboev

02.04.202515:24

Yaponiyada Katta Zilzila Kutilayotgani Rostmi?

So‘nggi kunlarda O‘zbekistonda “Yaponiyada 9 ballik zilzila bo‘lishi kutilmoqda” degan xabar keng tarqalgan ko‘rinadi. Ko‘plab tanishlarim xavotir bilan ushbu xabarni menga yuborishdi.

Qizig‘i shundaki, bu xabar qayerdan chiqqani va qaysi manbaga asoslanganini hech kim bilmaydi. Aslida, Yaponiyada bunday gaplar yillar davomida doim aytib kelinadi. O‘zim bu yerda 10 yildan beri yashayman, va 10 yil oldin ham “30 yildan beri kutilayotgan katta zilzila” haqidagi gaplar mavjud edi.

Albatta, Yaponiyada tabiiy ofatlar tez-tez sodir bo‘lib turadi, shuning uchun yaponlar har doim tayyorgarlikni saqlab kelishadi. Har bir oilada favqulodda vaziyat uchun maxsus sumka bo‘lib, ichida kamida bir haftaga yetadigan oziq-ovqat zaxirasi tayyorlab qo‘yilgan bo‘ladi.

Xullas, Yaponiyada ayni paytda hech qanday xavotirli holat yo‘q. Bunday asossiz xabarlarga ishonishga hojat yo‘q. Qachon va qayerda nima bo‘lishini faqat Yaratganning o‘zi biladi.

Ushbu xabarni boshqa yaqinlaringizga ham ulashing, asossiz vahima tarqalishining oldini olaylik!

t.me/Mirjalol_Mengboev

02.04.202500:04

Yaponlar bilan do‘stlashish: Osonmi yoki qiyin?

Biz, Markaziy Osiyo xalqlari, jumladan, o‘zbeklar, tarixan Buyuk Ipak yo‘li chorrahasida joylashganmiz. O‘sha davrda savdo-sotiq va xizmat ko‘rsatish rivojlangan bo‘lib, ko‘plab savdo karvonlari o‘tgan, ota-bobolarimiz esa turli xalqlar bilan savdo va boshqa sohalarda muloqot qilib kelgan. Bundan tashqari, xalqimiz boshqa millatlar bilan quda-andachilik qilib, aralashib yashashga ham odatlangan. Shu sababli, biz o‘zbeklar har qanday millat vakillari bilan tezda yaqinlashib, til topishib keta olamiz. Boshqalarni o‘zimizga yaqin olib, do‘st sifatida qabul qilamiz.

Xo‘sh, bu holat yaponlarda qanday?

Yaponiya – orol davlati bo‘lib, tarixan hech qanday davlat bilan quruqlik orqali tutashmagan. Bundan tashqari, mustamlaka bo‘lmaganligi bois yaponlar biroz sovuqqon va ehtiyotkor. Ularning tabiatlari bizdan ancha farq qiladi.

Masalan, universitetda yoki ishda bir yapon bilan tanishib, u bilan xushchaqchaq suhbat qurishingiz va yoqimli kun o‘tkazishingiz mumkin. Shu lahzada siz uni do‘st sifatida qabul qilib, “endi yaqin bo‘lib ketamiz” deb o‘ylaysiz. Biroq ertasi kuni o‘sha yaponni uchratganingizda, u sizni xuddi ilk bor ko‘rayotgandek sovuqqon ohangda shunchaki “salom” deb yoningizdan o‘tib ketishi mumkin. Bunday vaziyatga ilk bor Yaponiyaga kelgan aksariyat o‘zbeklar duch kelgan bo‘lsa kerak. Shaxsan men ham buni ko‘p marta boshdan kechirganman.

Shuning uchun yaponlar bilan do‘stlashish oson emas.

Biroq bu ularning sizni yomon ko‘rishini anglatmaydi. Yaponlar tabiatan ehtiyotkor va hech kimga bir ko‘rishda ishonmaydi. Ular ishonch hosil qilish uchun yillar davomida odamni sinab ko‘radi. Agar ular sizni chindan ham tanib, ishonch bildirsa, uzoq muddatli va mustahkam do‘stlikka ega bo‘lishingiz mumkin.

Lekin shuni ham unutmaslik kerakki, agar biror marta ularning ishonchini yo‘qotsangiz, uni qayta tiklash juda mushkul – deyarli imkonsiz.

t.me/Mirjalol_Mengboevm

31.03.202513:13

Rivojlanishda jamoaning o‘rni muhim

Yaponiyada jamoaviy ishlashga nihoyatda katta e’tibor qaratiladi va bu asosiy tamoyillardan biri sifatida qaraladi. Ilk bor Yaponiyaga kelganimda bu madaniyatning mohiyatini to‘liq anglab yetmagan edim. Ammo yillar davomida tajriba orttirar ekanman, jamoaviy mehnatning naqadar muhimligini chuqur his qildim.

Ko‘pincha biz muvaffaqiyatga erishgan mashhur insonlarni ko‘rganimizda, ularning o‘ta kuchli salohiyat va iste’dodga ega bo‘lgani uchun shu darajaga yetganini o‘ylaymiz. Albatta, bu jihat ham muhim, ammo haqiqat shundaki, ularning orqasida fidoyi va kuchli jamoa ishlagan bo‘ladi. Har qanday muvaffaqiyatga erishgan inson yoki kompaniyaning ortida, albatta, uni qo‘llab-quvvatlagan va bir maqsad sari intilgan jamoa turadi. Bu ilmiy tadqiqot bo‘ladimi, biznes bo‘ladimi yoki ijtimoiy loyihami – farqi yo‘q. Yagona odam ko‘p narsaga qodir bo‘lishi mumkin, ammo chinakam yuksalish doimo kuchli jamoa bilan sodir bo‘ladi.

Jamoa – muvaffaqiyat kaliti.
Mashaqqatdan qo‘rqmaydigan, fidoyi va sodiq hamkasblarga ega bo‘lish – muvaffaqiyat sari eng katta qadamdir. Kompaniyaning eng katta boyligi uning moddiy resurslari emas, balki insoniy kapitalidir.

Xodimlarning axloqiy qadriyatlari kompaniyaning eng muhim kapitalidir.
Moddiy aktivlar muhim, ammo faqat ular bilan uzoq muddatli muvaffaqiyatga erishib bo‘lmaydi. Agar kompaniyada ishlaydigan odamlar halol, mas’uliyatli va jamiyatga foyda keltirishga intiluvchi bo‘lsa, o‘sha kompaniya muvaffaqiyat qozonishi shubhasiz.

Kuchli jamoa yaratish – yetakchilik mahorati.
Har kim ham kuchli jamoa tuza olmaydi. Bu qobiliyat, strategiya va insoniy munosabatlarning uyg‘unligi natijasida shakllanadi. Yetakchi nafaqat biznes yuritishi, balki o‘z atrofida ishonchli va fidoyi insonlarni birlashtira olishi kerak.

Xulosa shuki,
Muvaffaqiyatli biznes yoki loyiha – bu nafaqat individual mehnat, balki jamoaviy intilish natijasidir.
Kuchli jamoa yaratish har qanday kompaniyaning uzoq muddatli muvaffaqiyati uchun eng muhim omillardan biridir.
Yetakchilik – bu odamlarni maqsad sari ilhomlantirish va ularga ishonish san’ati.

Siz qanday fikrdasiz? Kuchli jamoa shakllantirishda eng muhim jihat nima deb o‘ylaysiz?

t.me/Mirjalol_Mengboevm

30.03.202511:04

Natija muhimmi yoki jarayon?

Ko‘pchilik uchun asosiy maqsad – natijaga erishish. O‘zbeklarda ham “Muhimi natija, qanday qilishing esa o‘zingga bog‘liq” degan qarash keng tarqalgan. Bir tomondan, bu to‘g‘ri: kutilgan natijaga erishish – muhim. Lekin jarayon ham natija kabi katta ahamiyatga ega emasmi?

Yapon madaniyatida esa natijadan ko‘ra, unga olib kelgan jarayon ustuvor hisoblanadi. Bir ishni bajarib, yaxshi natijaga erishsangiz ham, ular jarayon haqida batafsil so‘rashadi: Qanday uslubda bajarding? Qancha vaqt sarflading? Nimalarga e’tibor qaratding?

Nega bu muhim?
🔹 Agar har kim ishni o‘z uslubida bajarsa, kelajak avlod yoki yangi xodimlar uchun aniq yo‘riqnoma qolmaydi.
🔹 Xatolar takrorlanmasligi uchun yomon natijalarning sabablari o‘rganiladi.
🔹 Yaxshi natijalarga qanday erishilgani tahlil qilinadi, bu esa tizimni takomillashtirishga yordam beradi.

Men ham natijadan ko‘ra jarayon muhim deb hisoblayman. Chunki mukammal yo‘l topilsa, natijalar ham doimiy ravishda yaxshilanib boradi.

Siz qanday fikrdasiz? Natija muhimmi yoki jarayon?

t.me/Mirjalol_Mengboev

29.03.202522:46

Assalomu alaykum!

Barchangizni Ramazon hayiti bilan chin qalbimdan muborakbod etaman! Bu fayzli kunlar xonadoningizga tinchlik, farovonlik va baxt olib kelsin. Qalbingizdan ezgulik va shukronalik ro’hi aslo tark etmasin!
Ramazonda tutgan ro‘zalaringizni Alloh qabul etib, savob va ajrlarini ziyoda qilsin!

Hayit ayyomingiz muborak bo‘lsin!

t.me/Mirjalol_Mengboev