FORISH TUMANIDA YANGI OHAK ZAVODI QURILISHIGA START BERILDI
✅ So‘nggi yillarda tumanda ko‘plab xorij mamlakatlari bilan iqtisodiy hamkorlik yo‘lga qo‘yilmoqda. “Yoshlik-1” konini o‘zlashtirish investitsiyaviy loyihasi doirasida yangi ohak korxonasining qurilishiga start berildi.
✅ Ushbu koronaning qurilishini boshlash tadbirida viloyat va tuman hokimliklari, Olmaliq kon metallurgiya kombinati rahbarlari, Xitoy Xalq Respublikasining “Jiangsu Peygfei Group Co. Ltol” pudrat tashkiloti rasmiy vakillari, mehnat faxriylari ishtirok etishdi.
✅ Tadbirda Olmaliq kon metallurgiya kombinati boshqaruvi raisi o‘rinbosari Sa’di Shermatov, pudrat tashkiloti vakili Shi Pengyu, O‘zbekiston Qahramoni Saydali Rahmonov, viloyat hokimining kapital qurilish, kommunikatsiyalar va kommunal xo‘jalik masalalari bo‘yicha o‘rinbosari Hamid Hasanovlar so‘zga chiqishib, mazkur korxonaning respublikamiz ishlab chiqarish zanjiridagi ahamiyati haqida gapirishdi. Shundan so‘ng tasma kesilib, ramziy kapsula belgilangan joyga qo‘yildi va korxonaning qurilishi rasman boshlandi.
✅ Ushbu korxona mis boyitish, eritish fabrikalari va Angren, Chodak hamda Xonjizza kon boshqarmalarini texnologik jarayonlar uchun zarur bo‘lgan reagent – ohak bilan ta’minlaydi.
Korxona Xitoy kompaniyasi tomonidan qurilib, quvvati sutkasiga 2200 tonna, yiliga 737 ming tonna mahsulot ishlab chiqaradi. Xomashyo tumandagi “Chimqo‘rg‘on-1”, “Chimqo‘rg‘on-2” ohaktosh konlaridan olinadi.
✅ E’tiborlisi, ushbu korxonaning ishga tushishi natijasida 323 ta yangi ish o‘rinlari yaratiladi.
Forish tuman hokimligi axborot xizmati.
