Мир сегодня с "Юрий Подоляка"
Мир сегодня с "Юрий Подоляка"
Қарау
Труха⚡️Україна
Труха⚡️Україна
Қарау
Николаевский Ванёк
Николаевский Ванёк
Қарау
Мир сегодня с "Юрий Подоляка"
Мир сегодня с "Юрий Подоляка"
Қарау
Труха⚡️Україна
Труха⚡️Україна
Қарау
Николаевский Ванёк
Николаевский Ванёк
Қарау
Boshqaruvchiga avatar

Boshqaruvchiga

Abdulloh Shamsutdinov tomonidan yuritiladi

@abdullohgayoz_bot
https://t.me/abdulloh_shamsutdinov
TGlist рейтингі
0
0
ТүріҚоғамдық
Растау
Расталмаған
Сенімділік
Сенімсіз
Орналасқан жері
ТілБасқа
Канал құрылған күніВер 24, 2024
TGlist-ке қосылған күні
Бер 09, 2025
Мен каналдың иесімін
Өзгерістер тарихы
Қосылған топ
BO
Boshqaruvchiga Chat
6

Рекордтар

06.04.202523:59
3.9KЖазылушылар
15.03.202523:59
200Дәйексөз индексі
26.04.202523:59
1.8K1 жазбаның қамтуы
26.04.202523:59
1.8KЖарнамалық жазбаның қамтуы
27.03.202523:59
2.36%ER
04.03.202501:26
49.66%ERR

Өсу

Толығырақ
Жазылушылар
Цитата индексі
1 хабарламаның қаралымы
Жарнамалық хабарлама қаралымы
ER
ERR
БЕР '25КВІТ '25
Толығырақ

Boshqaruvchiga танымал жазбалары

Барлық жазбалар
Қайта жіберілді:
Menejer opa | Durdona :) avatar
Menejer opa | Durdona :)
17.04.202513:04
Barcha boshqaruvchilar kelishi kerak!

Sales Clubda har ikki haftada bir marta yig'ilish tashkil qilyapmiz.

⏺ O'tgan yig'ilishimizga o'ylaganimizdan ko'proq ishtirokchilar qatnashishdi.


Bu galgi yig'ilishimiz mehmoni Abdulloh Shamsutdinov — @boshqaruvchiga blogi muallifi va Rahimov School hammuassisi va boshqaruvchisi.

Yig'ilishimiz mavzusi - menejment. Uchrashuvda jamoa yig'ish, uni boshqaruvi, lider shaxsiyati, boshqaruv ko'rsatkichlari haqida gaplashamiz.

Bundan tashqari o'zingizda mavjud savollarni yozib kelsangiz birgalikda suhbatlashamiz.


Doimgidek uchrashuvning 2-qismida club a'zolari bilan jamoaviy o'yinimiz bo'ladi.

Club yig'ilishi 20-aprel | 15:00 da bo'lib o'tadi.

✈️ Joyingizni band qilsh uchun adminga yozing:
@Menejerr_opa
05.04.202514:32
G‘ayrat, mijozning xatosini qidirma.

Bu senga ham, kompaniyaga ham hech qanday foyda bermaydi.

Aksincha, hatto haqsizdek tuyulgan shikoyatlar orasidan ham o‘sish uchun imkoniyat qidirishing kerak.

Yaqinda bir mijozimizni maktabga chaqirib, mas’ullar bilan birga shikoyatlarini muhokama qildik.

Ochig‘i, u kishining asosli e’tirozlaridan tashqari, yaxshilanishimiz uchun 6 ta kamchilik topdik.

Ha, mijozda ham kamchiliklar bor edi — buni o’zlari ham, biz ham ichimizdan sezib turdik. Lekin gapni o‘sha tomonga burmadik, burdirmadik.

Buning o‘rniga, u kishining farzandi misolida boshqa o‘quvchilarimizga yanada yaxshiroq sharoit yaratish va sifatli ta’lim berish haqida gaplashdik, vazifalar chiqardik.

O‘sha suhbatda qilgan yaxshi ishlarimiz yoki yutuqlarimiz haqida ham og‘iz ochmadik. Chunki norozi mijozga bu haqida gapirishdan foyda yo‘q edi.


Unutma, sen mijozga ko‘pi bilan maslahat bera olasan, ammo kompaniya ichida esa haqiqiy o‘zgarish qilishing mumkin.

O’zgartiroladigan muammolaring haqida bosh qotir, shu orqali o’sasan, kompaniyani ham o’stirasan.

@boshqaruvchiga
21.04.202507:58
G’ayrat, vazifa vaqtida bitishi uchun eslatishing kerak

Topshirding — qutilding degani emas. Bajaruvchining boshqa ishlari ham bor, seniki esdan chiqishi mumkin.

Sen eslatib yordam ber. Yangi xodimlarga tez-tez eslatasan, eski — dinamikasini ko’rgan, ishongan xodimlaringa esa dedlaynga yaqin qolganda bildirsang yetadi.

Sendan boshqalarga ham aloqador bo’lgan ishlar holatini mas’ullar bor guruhda so’rayver — qolganlar ham bilolsin.

Natijasi faqat o’zingga aloqador vazifa bergan bo’lsang uni shaxsiyda so’ragin — boshqalarni chalg’itmaysan, bajaruvchini hijolat ham qilmaysan.

Shu orqali ularni samaraliroq ishlashlariga yordam berasan — kamroq kutilmagan “sovg’alar” olasan.

@boshqaruvchiga
26.03.202518:00
G’ayrat, dam olish ham ish.

Boshqaruv — boshqalarga aniqlik berish. O’zing esa noma’lumlikda yashash.

Kassir nima qilishini biladi. Nima qilmasligini ham. Keladi, to’lov oladi, ketadi. Tanlovi yo’q.

Menejerchi? Nima qilsin? Kuzatsinmi? Gaplashsinmi? Treyning o’tkazsinmi? Qo’llanma yozsinmi?

Tanlov ko’p — bosh og’riydi. Stress oshadi. Qaror qilish, odamlar bilan samimiy bo‘lish qiyinlashadi.

Shuning uchun sportga chiq, yaxshi uxla va to‘g‘ri ovqatlan — stressing kamayadi. Bu ham muhim ish.

Hech bo‘lmasa, suhbatlaringni ochiq havoda yurib o‘tkazgin.

Men ko‘p shunday qilaman. Jobs ham shunaqa qilgan.

@boshqaruvchiga
07.04.202514:57
G’ayrat, majlis kerakmi, deb so’rabsan

Hamma majlisga kirishing shart emas.

Ba’zi majlislar umuman bo‘lmasligi ham kerak.

To’planishni o’zini “ish” deb o‘ylaydiganlar bor.

Kun bo‘yi muhokama qilishadi, g‘oya chiqarishadi – ammo hech narsa bajarilmaydi.

Qachon yig‘ilish kerak?
Nima qilishni bilmay qolganingda, tamom.

Vazifa aniq, resurs bor, dedlayn kelishilganmi? Unda ishni qil — gap sotmasdan.

Jamoani ruhlantirish, muhim xabar yetkazish, yoki birdamlik masalalarida to’planaverasan, albatta.

Lekin har mayda narsa uchun majlis qilib, vaqt sarflash– bu xato.

Aksar masalalar telefonda yoki tgda ham hal bo’ladi, sinab ko’r.

Avval aytganimdek, majlisdan yo vazifa yoki qaror chiqsin — seni harakatga boshlasin.

Majlising bunday emasmi? Kirmasdan ishingni qilganing yaxshi.

@boshqaruvchiga
22.03.202507:46
G’ayrat, xodim tanlash — qimorga o’xshaydi

Rezyume — zo‘r. Gaplari — chiroyli.

Ammo ishlab ko’rmaguningcha aslida kimligini bilolmaysan.

Eng tajribali rahbarlarning ham har 10 ta tanlovidan yarmi noto‘g‘ri chiqadi.

Intervyuda omadingni oshiradigan tavsiyalar bor, xolos.

Tashqaridan olingan rahbarlarning 50% dan ortig’i 18 oyga bormasdan ishdan bo’shaydi.

Shuning uchun rahbar tayinlayotgan bo‘lsang — ichkaridan tanlaganing yaxshiroq. Netflix tajribasi.

Chunki, odamni bilasan. Ish uslubini, kuchli va zaif tomonlarini ko‘rgansan.

U ham seni, jamoani va tizimni biladi. Noldan o‘rgatib o‘tirmaysan.

Kamchiligi bormi? Hammada bor.

Sen nomzodning lavozimni bajarish uchun zarur bo’lgan ko’nikmalariga qara.

Qolganini o’rgatib olasan yoki ziyonini kamaytirasan, o’zaro kelishib.

@boshqaruvchiga
24.03.202507:04
G‘ayrat, tayyorlanib bor

Kimdandir maslahat olmoqchi bo‘lsang yoki yaxshi munosabat qurmoqchi bo‘lsang, oldindan savollaringni tayyorla.

Bilmaydigan narsalaring haqida ochiq, foydali savollar tuzib bor.

Tayyorgarliksiz odamni kuchli mutaxassislar yoqtirmaydi, chunki vaqtini bekorga olgan bo‘lasan.

O‘zing nimani xohlashingni aniq bilmasang, boshqalar senga nima maslahat bersin?

Suhbatga qanchalik yaxshi tayyorlansang, shunchalik hurmating oshadi.

Shunda qarshingdagi odam ham senga chin dildan yordam beradi.

@boshqaruvchiga
02.04.202507:32
G’ayrat, ba’zida uydan ishlashing kerak

Ishxonada diqqatni jamlash qiyin boʻladigan paytlar boʻladi. Shunaqa paytda uyda ishlash — toʻgʻri qaror.

Oʻzim ham tez-tez shunday qilaman. Lekin samarali boʻlish uchun, ayrim oddiy qoidalar bor:

1. Uydagilarni ogohlantir

Uyda boʻlishing — “xohlagan paytda bezovta qilsa boʻladi” degani emas. Qachongacha chalgʻitmasliklarini avvaldan aytib qoʻy.

2. Partada ishlashga odatlan

Yotoqda ishlasang, uxlab qolasan. Tik oʻtirganingda bel og’rimaydi, qon yaxshi aylanadi, kallang ham yaxshiroq ishlaydi.

3. Asosiy ishlarni ertaroq tugat

Tushlikdan keyin samaradorlik tushadi. Koʻp hollarda qorning toʻyadi, koʻzing uyquga ketadi. Muhim ishlarni tushgacha boshla, majbur tugatasan.

4. Formada ishlashga harakat qil

Kostyum kiymasang ham, yotoqdagi kiyimda qolmagin. Kiyim kayfiyatni oʻzgartiradi. Men ham asta-sekin odatlanyapman.

5. Qayerdaligingni ayt

Jamoadoshlar bilsin: uyda ishlayapsanmi, ofisdamisan — shunda “ko‘rishaylik”, “qayerdasiz” deb kamroq bezovta qilishadi. Diqqat bilan ishlay olasan.

Xulosa: uyda ishlash — zoʻr. Lekin shartli zoʻr. Toʻgʻri yondashilsa, undan katta foyda chiqadi. Bo’lmasa, butun kuningni uxlab yoki o’ynab o’tkazasan.

1 kun ham uydan ishlolmayapsanmi? Unda hali jamoang kuchsiz, tizim yaxshi qurmagansan — ishlar faqat senga bog’liq bo’lib qolgan.

———

Aytgancha, bugun ham uydan ishlayapman.

@boshqaruvchiga
27.03.202508:55
G’ayrat, hurmatingni asra

«Ishda kamchilik bo‘ladi», deb o‘zingni oqlama — odamlar ahmoq emas, ishonch ketadi.

Xato qildingmi — ochiq tan ol. Bu xato nimani o‘rgatganini ayt, uni qaytarilmasligi uchun nima qilishingni tushuntir.

Qo‘l ostingdagilarning xatosiga ham javobgarsan. Ularni ayblash bilan hurmat qozonib bo‘lmaydi.

Aksincha, jamoang xato qilsa himoya qilib, boshqalardan yashirib haqiqiy lider bo‘lasan. Shunday qil.

@boshqaruvchiga
02.04.202506:41
G’ayrat, kalendaringni oʻzing band qil

Boshqarar ekansan, majlis, uchrashuv, intervyu — ko’p vaqtingni oladi, bu tabiiy.

Noma’qul narsa — ularning vaqtini boshqalar belgilashi.

Intervyu bormi? Oʻzingga qulay vaqtlarni rekruterga ayt.

Majlis o‘tkazmoqchimisan? Oldindan kunini va qaysi paytga to‘g‘ri kelishini bildir.

1x1 suhbatlar rejangdami? Qaysi vaqtlarni ajratganingni ayt.

Boshqalar taxmin qilib o‘tirmasin.

Shunda:
– O‘zingga ham, muhim ishlaringga ham vaqt qoladi,
– Jamoa esa “qachon?” degan savol bilan stressga tushmaydi.

Vaqtingni o’zing boshqarmasang, boshqalar boshqaradi.

Boshqalar boshqargan vaqtda esa energiya to‘g‘ri taqsimlanmaydi. Ishing ham, kayfiyating ham buziladi.

Energiyang esa har doim cheklangan.

@boshqaruvchiga
Көбірек мүмкіндіктерді ашу үшін кіріңіз.