Sohibqiron Amir Temur tavalludining 689 yilligi munosabati bilan ehtirom bilan yod etamiz
Buyuk lashkarboshi, yengilmas sarkarda, novator tashkilotchi va uzoqni ko‘ra oluvchi davlat arbobi – Hazrat Amir Temur Ko‘ragoniy bobokalonimizning tavalludlariga 689 yil to‘ldi.
Sohibqiron o‘z davrining harbiy san’atini mukammal egallagan holda, o‘ta intizomli, bir yoqlama emas, balki har tomonlama puxta tashkil etilgan armiya tuzishga erishgan. Muhoraba chog‘ida qo‘shin qismlarini san’atkorona boshqarish, jang taqdirini hal etuvchi nuqtalarga harbiy kuchlarni o‘z vaqtida ustalik bilan yo‘llash, har qanday to‘siq va g‘ovlarni tadbirkorlik bilan yengib o‘tish – bu Sohibqironga xos jihatlar edi. U jangovar ruhni yuqori darajada ushlab turish san’atini mukammal bilgan va qo‘shinini doimo ilhomlantirib turgan.
Sohibqiron ushbu yengilmas qo‘shini bilan Osiyo qit’asining yarminidan ko‘proq hududini zabt etib, buyuk saltanat asoschisi bo‘ldi. Zamonasining eng kuchli kuchlari – mo‘g‘ullar, Usmonli turklar (Yanicharlar), forslar, mamluklar, hindlar va serb ittifoq qo‘shinlarini mag‘lub etib, o‘z yurtini ulug‘ qudratga olib chiqqan.
Bugun Qashqadaryo viloyatida Sohibqiron tavalludining 689 yilligi munosabati bilan ehtirom tadbiri bo‘lib o‘tdi. Tadbir davomida Xalqaro Amir Temur jamoat fondi Qashqadaryo viloyati boʻlimi ham Amir Temur haykali poyiga gulchambar qo‘yildi, Sohibqiron hazratlarining muborak xotiralari ehtirom ila yod etildi.
Bu ulug‘ shaxsning jasorati, donishmandligi va siyosiy tafakkuri – biz uchun ibrat maktabi bo‘lib qoladi.
#AmirTemur689 #SohibqironXotirasi #BuyukTarix #Qashqadaryo #XalqaroTemurFondi
👉@qarshimtuyoshlar👈
