MILLIY_SERTIFIKAT_ONA TILI [Opa-singil Jumayevalar]

Milliy liboslarimizning tobora ommalashayotgani ko‘pchilikni quvontirmoqda. Ammo ayrimlar bundan norozi.

Ayrimlar jamoat transportida yurish qulayligini aytmoqdalar. Ba‘zilar yengil avtomashinada yurish tarafdori.

Bugun insonlarning ulovlarsiz yashashini tasavvur qilish ham qiyin. Shunday bir vaziyatda ayrimlar avtobus, metro kabi jamoat transportlaridan foydalanishni afzal ko‘rayotgan bo‘lsa, boshqalar yengil avtomobillarda yurish qulayligini ta'kidlashmoqda. Aslida, qaysi tomon qarashlari o‘rinli?

Muhokama yuzasidan birinchi tomon fikriga ko‘ra, ommaviy transport vositalarida yurishning bir qator ustunliklari bor. Avvalambor, ular bir vaqtning o‘zida ko‘pchilikni manziliga yetkazishi tufayli ekologiyaga kamroq zarar keltiradi. ( Shu yo‘lovchilarning har ikkisi bitta yengil avtomobilda harakatlanishini tasavvur qilib ko‘raylik, unda atmosferaga tarqayotgan gaz miqdori qancha ortishi mumkin?) Ikkinchidan, jamoat transportlari odamlarning shaxsiy byudjetini tejaydi. Masalan, o‘zim ham ishga borish uchun avtobusda 5 ming, kirakash mashinada esa 18 ming so‘m sarflayman.
Ammo yengil avtomobillarda harakatlanish qulay ekanligini aytayotganlarning ham bu borada yetarlicha asoslari bor. Birinchidan, ular odamlarga vaqt tejash imkoniyatini beradi. Xalqimiz bejiz: "Vaqting ketdi - naqding ketdi",- demagan. Ikkinchidan, yengil mashinalar mijozlarini ko‘zlangan manzilgacha olib boradi. Bu esa dars yoki ishga kechikishi mumkin bo‘lgan odamlarning joniga ora kiradi. Shuningdek, ishga ketguncha farzandlarini bog‘chaga tashlamoqchi bo‘lganlar uchun ham avtomashinalar qulay. Jumladan, ukam har kuni ertalab yengil avtomashinada farzandini MTTda qoldirib, ishga boradi. Bundan tashqari, jamoat transportlarida odam gavjum bo‘lganidan badbo‘y hidlar va turli noqulay vaziyatlar yuzaga kelishi mumkinligi ham ularning zaif tomonlaridan biridir.
Nazarimda, ommaviy transport vositalarining afzalliklari ko‘proq. Negaki, bunday vositalar xavfsizligi bilan ham ahamiyatli. Ayniqsa, uzoq masofaga yo‘lga chiqqanimizda kirakash mashinalardan ko‘ra poyezdlar qulay. Temir yo‘llari orqali safarga chiqqanlar erkin harakatlanish, oyoq uzatib dam olish imkoniga ega bo‘lishadi, shu sababli poyezdda harakatlanish qariyalar va yosh bolalilar uchun ham ayni muddao. Qolaversa, jamoat transportlaridan foydalanuvchilar ozmi-ko‘pmi yayov yurishga majbur bo‘ladilar, bu esa ularning sog‘liklariga ham foyda beradi.

Xulosa o‘rnida shuni aytishim mumkinki, odamlarni ko‘proq jamoat transportida harakatlanishga undash lozim. Hukumatimiz esa rivojlangan mamlakatlardagi singari jamoat transportlarining qulayligini oshirishi zarur. Bu orqali ko‘chalarimizdagi tirbandlik muammosiga yechim topish, shu bilan birgalikda, ekologiya ifloslanishini kamaytirish mumkin

Aksariyat yoshlar hashamatli to‘y qilish fikrida. Katta yoshdagilar esa to‘ylarni kamtarona o'tkazish tarafdori.

Hashamatli to‘y tarafdorlari o‘z fikrlarini quyidagicha asoslaydilar. Birinchidan, bu kabi shodiyonalar inson umrida bir necha marotaba bo‘ladi. Shu bois butun mahallaga ovoza bo'ladigan, hammaning tiliga tushadigan to‘y qilish lozim. Ikkinchidan, ota-bobolarimiz ham to‘y qilib elning duosini olishga targ‘ib qilishgan. Qolaversa, kishida havas degan narsa bor. Ijtimoiy tarmoqlarda ko‘z-ko‘z qilinayotgan to‘ylarni ko'rib, shu kabi el og‘ziga tushishni xohlashlari tabiiy. Yaqinda jiyanim ham mashhur san‘atkorlarni chaqirib dabdabali to‘y qildi.
To‘ylarni kamtarona o'tkazish tarafdorlari o‘z fikrlarini shunday asoslaydilar. Avvalo, baxt - bu dabdaba-yu hashamatda emas. Axir ayrim yoshlarimiz elga ovoza bo‘lgan to‘ylaridan hech qancha vaqt o'tmay ajrashib ketishmoqda. Bundan tashqari, hadislarda ham isrofgarchilik qilmaslikka chaqirilgan. Xalqimizda "Nimani qilsang xor, shunga bo‘lasan zor" degan purhikmat naql ham bor. Qolaversa, bir kunlik orzu-havas o'rniga yosh oilaning kelajagi, ta'lim olishiga sarmoya qilish aqldandir. Behbudiy "Bizni ichimizdan kemiradigan illat" deb atagan bu kabi boshi-keti yo'q marosimlarimiz har qanday oilani qarz botqog'iga botirishi tayin. Yaqinda to'y qilgan qo'shnim o'g'lining hoy-u havasi uchun anchagina qarz bo'lib qolganini aytganida ushbu fikrlarda jon borligiga amin bo‘ldim.
Tinch va farovon yurtimizga to‘ylar yarashadi, ammo har xil udumlar-u marosimlarni tartibga solish, behuda sarf-xarajatlarga chek qo‘yish vaqti keldi, nazarimda. Zero, me'yorida, kamsuqum o'tkazilgan to‘ylar yosh oilaning qarzga botishiga, oila boshilarning o‘zga yurtlarda pul topaman deb sarson bo‘lishiga olib kelmaydi.

Xulosa shuki, yoshlar kelajagini ta'minlash, ularning farovon hayoti, ilm olishiga sarmoya qilish har qanday dabdabali to‘ylardan ko'ra manfaatliroq.

Milliy liboslarimizning tobora ommalashayotgani ko‘pchilikni quvontirmoqda. Ammo ayrimlar bundan norozi.

Dars davomida siz