Allabergenova gastronomik turizm koʻchasining loyihasi bilan tanishdi
📱 Bugun Yakkasaroy tumani hokimligida uchrashuv bo‘lib o‘tdi. Unda Toshkent shahar hokimi o‘rinbosari Sanjar Tadjiyev, Yakkasaroy tumani hokimi Nilufar Allabergenova, hokim o‘rinbosarlari hamda “Koç Construction” qurilish kompaniyasi rahbarlari ishtirok etishdi.
📱 Uchrashuv davomida Yakkasaroy tumanidagi “Shota Rustaveli” ko‘chasini 24/7 rejimida faoliyat yurituvchi gastronomik turizm markaziga aylantirish loyihasi batafsil muhokama qilindi. Ushbu loyiha doirasida ko‘cha zamonaviy turistik markazga aylantirilishi, u yerda sayyohlar uchun milliy va xalqaro taomlar taqdim etiladigan restoran va kafe tarmog‘i tashkil etilishi rejalashtirilmoqda.
✨ Gastronomik turizm markazi loyihasi qanday imkoniyatlar yaratadi?
✔️ Xorijiy va mahalliy sayyohlar uchun Toshkentning eng jozibali gastronomik maskanlaridan biri yaratiladi.
✔️ Ko‘chada milliy va jahon oshxonasining eng yaxshi namunalari taqdim etiladigan restoran va kafe tarmog‘i shakllanadi.
✔️ Tungi hayot rivojlantirilib, ko‘cha 24/7 ishlaydigan qiziqarli maskanga aylanadi.
✔️ Hududda yangi ish o‘rinlari yaratiladi va tadbirkorlik rivojlanishiga turtki beriladi.
✔️ Tashrif buyuruvchilar uchun zamonaviy infratuzilma, yoritish tizimi, piyodalar zonasi va ko‘ngilochar joylar tashkil etiladi.
📊 Tuman hokimi Nilufar Allabergenova loyiha bilan yaqindan tanishar ekan, mas’ullarga ishlarni tezkor va sifatli olib borish bo‘yicha tegishli ko‘rsatmalar berdi. Ushbu loyiha Yakkasaroy tumanini turizm salohiyatini yanada oshirish, mahalliy va xalqaro mehmonlarga sifatli xizmat ko‘rsatish hamda gastronomik sayyohlikni rivojlantirish yo‘lida muhim qadamlardan biri bo‘lib xizmat qiladi.
🔼 Kelgusida “Shota Rustaveli” ko‘chasi nafaqat mahalliy aholining, balki poytaxtimizga tashrif buyuruvchi sayyohlarning ham sevimli maskaniga aylanishi kutilmoqda.
✍️ Yakkasaroy tuman hokimligi Matbuot xizmati
