Иннокентьев Алексей Михайлович
30.01.202503:22
Дьокуускайтан "АПК Ресурснай хааччыйыы киинэ" ГКУ салайааччыта Илья Степанов, Тыа хаһаайыстыбатын министиэристибэтин Экэниэмикэ уонна стратегическай былааннааһын департаменын салайааччыта Инна Оконешникова, "АПК Ресурснай хааччыйыы киинэ" ГКУ кылаабынай экэнэмииһэ Майя Гуляева Ньурбаҕа кэлэн үлэлии сылдьаллар. Бу сылтан улуустарга тыа хаһаайыстыбатын боломуочуйалара бэриллиитинэн сибээстээн саҥа уларыйыылар, "Электроннай бүддьүөт" туһунан сэминээр ыыттылар. Нэһилиэктэр тыа хаһаайыстыбатын исписэлиистэрэ, тыа хаһаайыстыбатын тэрилтэлэрэ, улуустааҕы тыа хаһаайыстыбатын департаменын үлэһиттэрэ кыттыыны ыллылар. Сэминээр үөрэтэр хайысхалаах буолан, үлэһиттэргэ улахан туһалаах буолла.
24.01.202505:31
Хаҥаласка тус боппуруостарынан приемҥа 7 киһи, ол иһигэр миэхэ 3 киһи сырыттылар. В.А.Петрова аатынан кыраайы үөрэтэр түмэл дьиэтин өрөмүөнүгэр, хотон тутуутугар уонна олорор дьиэҕэ толору хааччыллыы киириитигэр сыһыаннаах боппуруостаахтар. Отчуоттуур мунньахха 64 киһи кытынна. Элбэх ыйытык киирдэ, ол иһигэр ОДьКХ, тыа хаһаайыстыбатын, доруобуйа харыстабылын, социальнай көмүскэл уо.д.а. туһунан. Ньурбаҕа саҥа кэлбит быраастартан Хаҥалас быраас үлэлии кэлэрэ кыаллыбат, тоҕо диэтэххэ, нэһилиэк бырааһа дэкириэтинэй уоппускаҕа олорор. Инбэлииккэ расходниктарыгар ороскуоттары толуйуу боппуруоһугар социальнай көмүскэл управлениетыттан тахсан билсэллэригэр эттим. Балыыһа дьиэтин өрөмүөнүн туһунан ыйыталлар, саҥа балыыһа дьиэтэ тутуллуохтааҕа бырагыраамаҕа киирэн сылдьар, тутуллар болдьоҕо үбүлээһин источнига билиннэҕинэ чуолкайданыаҕа. Невролог быраас Ньурбаҕа кэлэн үлэлии сылдьар. Итини таһынан Хаҥаласка бэтэринээр наадатын эттилэр, мелиорация боппуруоһа эмиэ таарылынна.
13.01.202508:08
Саҥа сылга киирэн баран, бүгүн улуус салайааччыларын бастакы былаанныыр мунньаҕын салайан ыыттым. Арассыыйаҕа – Аҕа дойду көмүскээччитин уонна Саха сиригэр – Ийэ дойду көмүскээччитин сылларыгар үктэннибит. Быйыл – Улуу Кыайыы үбүлүөйдээх 80 сыла. Сылбыт СВО-ҕа уһулуччу хорсун быһыытынан бүтүн Арассыыйаҕа, аан дойдуга тиийэ сураҕырбыт, киэн туттар биир дойдулаахпыт Андрей Григорьев РФ Геройун үрдүк аатын ылбытынан саҕаламмыта олус символичнай. Геройбутугар уонна кини дьиэ кэргэнигэр барыта этэҥҥэ буоларыгар баҕарабыт. Быйыл улууска – Олох-дьаһах эйгэтин тупсарыы, Ньурба куоракка – Тупсаран оҥоруу сыллара салҕаналлар. Тохсунньу 20-27 кк. улуус ситэриилээх былааһын ааспыт сыллааҕы үлэтин отчуоттара ыытыллыахтара. Улуус бары нэһилиэктэригэр барытыгар туһааннаах салайааччылары кытта бэйэм сылдьан отчуоттуом. Оттон Саха сирин ситэриилээх былааһын 2024 с. үлэтин отчуота олунньу 17-22 кк. ыытыллара былааннанар.
13.10.202400:05
Ытыктабыллаах тыа хаһаайыстыбатын уонна астыыр-үөллүүр салаа үлэһиттэрэ, бэтэрээннэрэ!
Эһигини идэлээх бырааһынньыккытынан итиитик-истиҥник эҕэрдэлиибин! Сылын аайы алтынньы иккис өрөбүлүгэр Арассыыйа үрдүнэн Тыа хаһаайыстыбатын уонна астыыр-үөллүүр салаа үлэһиттэрин күнэ бэлиэтэнэр.
Тыа хаһаайыстыбата – норуот өр сыллар тухары илдьэ кэлбит сүрүн салаата. Хаһан баҕарар дойду аһын-үөлүн бэйэтэ оҥорон таһаарар буоллаҕына, ас-үөл өттүнэн куттала суох буолуутун хааччынар. Бу – дойдуга тыын боппуруос. Онон тыа хаһаайыстыбатын эйгэтин үлэһиттэрин оруола сүҥкэн. Эһиги улуус тыатын хаһаайыстыбатын үлэтэ туруктаах буоларын туһугар кыһаллан үлэлии-хамсыы сылдьаҕыт. Улууска бу салааҕа үлэ былааннаахтык барар. Оттооһуҥҥа улууска тиэрдиллибит былааны толордубут. Үүт соҕотуопкатыгар көрдөрүү эмиэ тубуста, өрөспүүбүлүкэтттэн эбии квота көрдөөн олоробут. Хорулаҕа, Хаҥаласка саҥа хотоннор тутуллан үлэҕэ киирэн эрэллэр. «Ньурба-Агро» МТС-ка 400 туонна оту харайар сеновал тутулунна, 1000 туонналаах сиилэс транщеята бүтэн эрэр. Ньурбатааҕы сүөһү аһылыгын хампаанньатыгар уотурба собуота үлэтин саҕалыаҕа. Улууска мэлдьи буоларын курдук, тыа хаһаайыстыбатын үлэһитин Күнүн суол турбутун кэннэ сэтинньигэ бэлиэтиир үгэстээхпит.
Ытыктабыллаах тыа хаһаайыстыбатын уонна астыыр-үөллүүр салаа үлэһиттэрэ, бэтэрээннэрэ! Эһиэхэ кытаанах доруобуйаны, олоххутугар-үлэҕитигэр ситиһиилэри, дьолу-соргуну уонна этэҥҥэ буолууну баҕарабын.
"Ньурба улууһа" МО баһылыга А.М.ИННОКЕНТЬЕВ.
Эһигини идэлээх бырааһынньыккытынан итиитик-истиҥник эҕэрдэлиибин! Сылын аайы алтынньы иккис өрөбүлүгэр Арассыыйа үрдүнэн Тыа хаһаайыстыбатын уонна астыыр-үөллүүр салаа үлэһиттэрин күнэ бэлиэтэнэр.
Тыа хаһаайыстыбата – норуот өр сыллар тухары илдьэ кэлбит сүрүн салаата. Хаһан баҕарар дойду аһын-үөлүн бэйэтэ оҥорон таһаарар буоллаҕына, ас-үөл өттүнэн куттала суох буолуутун хааччынар. Бу – дойдуга тыын боппуруос. Онон тыа хаһаайыстыбатын эйгэтин үлэһиттэрин оруола сүҥкэн. Эһиги улуус тыатын хаһаайыстыбатын үлэтэ туруктаах буоларын туһугар кыһаллан үлэлии-хамсыы сылдьаҕыт. Улууска бу салааҕа үлэ былааннаахтык барар. Оттооһуҥҥа улууска тиэрдиллибит былааны толордубут. Үүт соҕотуопкатыгар көрдөрүү эмиэ тубуста, өрөспүүбүлүкэтттэн эбии квота көрдөөн олоробут. Хорулаҕа, Хаҥаласка саҥа хотоннор тутуллан үлэҕэ киирэн эрэллэр. «Ньурба-Агро» МТС-ка 400 туонна оту харайар сеновал тутулунна, 1000 туонналаах сиилэс транщеята бүтэн эрэр. Ньурбатааҕы сүөһү аһылыгын хампаанньатыгар уотурба собуота үлэтин саҕалыаҕа. Улууска мэлдьи буоларын курдук, тыа хаһаайыстыбатын үлэһитин Күнүн суол турбутун кэннэ сэтинньигэ бэлиэтиир үгэстээхпит.
Ытыктабыллаах тыа хаһаайыстыбатын уонна астыыр-үөллүүр салаа үлэһиттэрэ, бэтэрээннэрэ! Эһиэхэ кытаанах доруобуйаны, олоххутугар-үлэҕитигэр ситиһиилэри, дьолу-соргуну уонна этэҥҥэ буолууну баҕарабын.
"Ньурба улууһа" МО баһылыга А.М.ИННОКЕНТЬЕВ.
मीडिया सामग्री तक पहुँच नहीं हो सकी
24.01.202511:45
Киэһэ Маарга үлэлээтибит. Приемҥа 6 киһи сырытта. Улуус Геро й-ийэлэрин туһунан тахсыбыт кинигэ, саҥа киирбит эбийиэктэргэ замер оҥоруутун, доруобуйа харыстабылын туһунан кэпсэттибит. Отчуоттуур мунньахха 75 киһи кытынна. Ксенофонт Васильевка киин улуустарга "Сахабэчээт" ГАУ 2024 с. общественнай корреспонденнарын ортотугар 2-с миэстэ буолбутун туоһулуур наҕараадатын туттардыбыт. Мунньахха Накыыҥҥа сокращение, ОДьКХ хочуолунайыгар симиэнэҕэ эбии хачыгар көрүллэрэ наадатын, саҥа киирбит таас дьиэлэргэ вентиляция, Маарга оскуола тутуутун, водовозка ылыллыытын, сылгы маркировкатын, спорт саалатын өрөмүөнүн уо.д.а. боппуруостар киирэн хоруйданнылар. Тарифнай дуогабарынан кыра хочуолунайга симиэнэҕэ 1 эрэ хачыгаар көрүллэр. Саҥа киирбит таас эбийиэктэргэ барыларыгар вентиляция баар. Маарга оскуола тутуута 2027 сыл кэннэ былааннанар. Маарга водовозка ыларга "ОДьКХ" ГУП Ньурбатааҕы филиалыттан сайаапка үөһээҥҥи тэрилтэҕэ баран турар, онон кэтэһэбит. Бүгүн 4 нэһилиэк олохтоохторо улуус үлэтин отчуотун биһирээтилэр.
24.01.202502:23
Бүгүн улуус оробуочай бөлөҕүн салайан Хаҥаласка үлэлии сылдьабыт. Хаҥаластан видеоконференц-сибээс нөҥүө СӨ Бырабыыталыстыбатын Бэрэссэдээтэлин солбуйааччыта Георгий Михайлович Степанов салайан ыыппыт сүбэ мунньаҕар кытынным. Олунньу 17-22 күннэригэр улууспутугар өрөспүүбүлүкэ ситэриилээх былааһын отчуота ыытыллыахтаах. Улуус олохтоохторуттан былырыыҥҥы өрөспүүбүлүкэ отчуотун кэмигэр киирбит боппуруостары уонна сорудахтары толоруу хаамыытын дьүүллэстибит.
11.01.202512:48
Биһиги биир дойдулаахпыт, СВО-ҕа уһулуччу хорсун быһыыны оҥорон бүтүн аан дойдуга соторутааҕыта киэҥник биллибит байыаспыт Григорьев Андрей Николаевич Арассыыйа Геройун үрдүк аатын ылла! РФ Бэрэсидьиэнэ Владимир Путин Ыйаахха бүгүн илии баттаата. Андрей Николаевиһы ис сүрэхпиттэн, итиитик-истиҥник эҕэрдэлиибин!
24.01.202508:08
Отчет исполнительного органа муниципального района "Нюрбинский район по итогам деятельности за 2024 год перед населением
🔺 СП «Хорулинский наслег»
🔺 СП «Таркайинский наслег»
🔺 МО «Жарханский наслег»
🔺 СП «Хорулинский наслег»
🔺 СП «Таркайинский наслег»
🔺 МО «Жарханский наслег»
23.01.202511:48
Киэһэ Дьаархаҥҥа отчуоттаатыбыт. Приемҥа 9 киһи сырытта, отчуоттуур мунньахха 63 киһи кытынна. Бааһынай хаһаайыстыба салайааччыта Г.Д.Прокопьев СВО-ҕа кыттыбыт уоллааҕынан сибээстээн, үүт туттарарга медосмотрга уонна Роспотребнадзор көҥүлүгэр чэпчэтии баар буолуоҕун туһунан ыйытта. Бэйэбит быраастарбыт тоҕо үлэлии кэлбэттэрин, Дьаархан оскуолатын дириэктэрэ хаһан быһаарылларын, үүт туттарыытын туоһуластылар. Үүт собуота кыра, "Дьулуур" дириэктэрэ С.Б.Андреева олохтоох дьаһалта көмөтүнэн 1 мөл. солк. үлэни ыыппыттарын, улуустан эбии көмө наадатын эттэ. Улуус дьаһалтатын экономикаҕа управлениетын уонна т/х департаменын кытта үлэлэһэллэригэр эттим. Федеральнай суолга дьиэ кыыла диэн суол бэлиэлэрин туруорарга, сааскы халааны утары үлэни ыытарга эттилэр. Подстанция үрдүк сиргэ көһүөхтээҕэ көһөрүллэ илик. 5 уонна итинтэн элбэх оҕолоох ыаллары, тулаайах оҕолору дьиэнэн хааччыйыы туһунан уо.д.а. ыйытыктар киирэн хоруйданнылар. Бүгүҥҥү үс нэһилиэккэ отчуокка олохтоохтор улуус үлэтин биһирииллэрин биллэрдилэр.
से पुनः पोस्ट किया:
Улус.Медиа | Новости Якутии
11.01.202512:44
🎖 Владимир Путин подписал указ о присвоении звания Героя РФ ефрейтору Андрею Григорьеву из Якутии за мужество и героизм, проявленные при исполнении воинского долга, передает РИА Новости.
Видео с российским военнослужащим с позывным "Тута", который в рукопашной схватке победил противника из ВСУ, широко разошлось в СМИ и соцсетях.
📲 Подпишись на @ulusmedia
Видео с российским военнослужащим с позывным "Тута", который в рукопашной схватке победил противника из ВСУ, широко разошлось в СМИ и соцсетях.
📲 Подпишись на @ulusmedia
मीडिया सामग्री तक पहुँच नहीं हो सकी
24.01.202508:02
Салгыы Аканаҕа үлэлээтибит. Приемҥа 8 киһи сырытта, улуус бочуоттаах наҕараадатын, кэпэрэтииби тэрийии, үрүҥ аһы оҥорон атыылааһын, субсидияҕа хапсыы бэрээдэгин туһунан ыйыттылар. Отчуоттуур мунньахха 76 киһи кытынна. Уот кыамтатын күүһүрдүү, оттуур ходуһаҕа ууну киллэрии, үөрэх эйгэтин уо.д.а. боппуруостар киирэн хоруйданнылар.
मीडिया सामग्री तक पहुँच नहीं हो सकी
16.01.202506:36
Эмиэ күнүс улуус Сүбэтин бэрэссэдээтэлэ Нюргуяна Михайловна Михайлованы кытта 90-ун ааспыт Дьаархан нэһилиэгин олохтооҕо, тыыл-үлэ бэтэрээнэ Николаева Варвара Ильиничнаны көрсөн эҕэрдэлээтибит. Ытык кырдьаҕаска улуус бочуоттаах олохтооҕун дастабырыанньатын туттардыбыт. Варвара Ильинична өр сылларга холкуоска, онтон "Ньурба" сопхуоска үтүө суобастаахтык үлэлээбитэ. 8 оҕолоох, элбэх сиэннээх, хос сиэннээх Варвара Николаева олоҕо-үлэтэ кимиэхэ баҕарар үтүө холобур буолуон сөп.
05.11.202412:43
Ньурбатааҕы көтөр фабрикатыгар кэлэр сыл кулун тутар 9 күнүттэн Дьокуускайдааҕы көтөр фабрикатыттан ыччат кууруссалары таһыы саҕаланыахтаах.
Барыта 49680 куурусса кэлэрэ былааннанар. Билигин иитиллэн турар кууруссаларын Көтөр фабрикатын үлэһиттэрэ ахсынньы ыйтан саҕалаан кыралаан өлөртөөн барыахтара. Саҥа дьыл уһун өрөбүллэригэр маассабай өлөрүү саҕаланыаҕа. 2-лии сыл буола-буола куурусса уларыйар кэмигэр, саҥа кууруссалар сымыыттыахтарыгар диэри, эргиэн тэрилтэлэрэ улууска кэлии сымыыты аҕалан атыылыыллар. Онон сымыыт син-биир баар буолуоҕа.
Барыта 49680 куурусса кэлэрэ былааннанар. Билигин иитиллэн турар кууруссаларын Көтөр фабрикатын үлэһиттэрэ ахсынньы ыйтан саҕалаан кыралаан өлөртөөн барыахтара. Саҥа дьыл уһун өрөбүллэригэр маассабай өлөрүү саҕаланыаҕа. 2-лии сыл буола-буола куурусса уларыйар кэмигэр, саҥа кууруссалар сымыыттыахтарыгар диэри, эргиэн тэрилтэлэрэ улууска кэлии сымыыты аҕалан атыылыыллар. Онон сымыыт син-биир баар буолуоҕа.
दिखाया गया 1 - 13 का 13
अधिक कार्यक्षमता अनलॉक करने के लिए लॉगिन करें।