Uchinchi kun o‘tayapti. Samimiy tabriklar, aniq tilaklar, shunchaki qo‘llab-quvvatlovchi so‘zlar kelishda davom etmoqda. Oilam, do‘stlarim, yaqinlarim, xizmatdoshlarim, sohadagi hamkasblarim, muxlislarim, obunachilarim, futbol jamoatchiligi Hukumat, Bosh vazir va Davlatimiz rahbarining kamtarona mehnatimizga qaratayotgan e’tiborini mana shunday kutib olishmoqda.
Rostini aytaman, har doimgidek. Mening ishimga berilgan baho meni judayam hayratda qoldirdi. Aynan, mening (!) ishimga. Sharhlovchining ishi oson emas. Hatto murakkab ham. Ba'zida juda ham. Ayniqsa, jamoalarimiz bilan birga efirda bo‘lganingizda. Klublar. Milliy terma jamoalar! Shuning uchun bu kasb donalab mutaxassis chiqaradi. Ammo bizning ishimizga jamoatchilikning, xususan, sport jamoatchiligining e’tibori baland.
Aytmoqchi bo‘lganim, “Sport” yoki “Futbol TV” telekanalidagi boshqa hamkasblarim e’tirofga sazovor bo‘lganida, bu menga tushunarliroqdek tuyularmidi balki. Bu yerda gap katta salohiyatga ega sharhlovchi, har mavsumda izchillik bilan o‘sib borayotgan va munosib tarzda medal olgan Orif Tolipov haqida ham emas. Men Parijdagi, Tokiodagi o‘yinlarda va boshqa yirik musobaqalarda, jahon chempionati finallarida va boshqa brend turnirlarda ajoyib ishlagan kasbining mastodontlari haqida gapiryapman.
Mayli. Demak, bu qismat, taqdir, qadar. Alhamdulillah, cheksiz!
Hamkasblarim, jumladan, boshqa kanal va platformalardagi hamkasblarimga ham yuqori natijalarga erishishlarini tilayman. Allaqachon duo qildim. Meni doimo qo‘llab-quvvatlayotgan, umuman, doim yonimda bo‘lgan hamma-hammaga yana bir bor, yuz marta, ming marta o‘z minnatdorchiligimni bildiraman. Barcha o‘qituvchilarim, murabbiylarim, aziz Ustozlarimga katta rahmat!
Ha... ota-onam haligacha xursandlar. Men kutmagan edim, hatto shokdaman. Hukumatga, Bosh vazirga, Prezidentga onamning his-tuyg'ulari uchun katta rahmat! Bu uning e’tirofi, bu uning medali!
@djuraevotabek
