Bugun menga bir talabadan hayotda har kuni ham uchrayvermaydigan gʻaroyib bir holat boʻyicha murojaat kelib tushdi.
Shallaqi ayollar yoki erkaklarning birga yalangʻoch tushgan suratini tarqatish bilan qoʻrqitib pul talab qilganligini koʻrganman, lekin talabaning telefonini tortib olib uning ichidagi talabaning shaxsiy suratlarini dekanga koʻrsatish bilan qoʻrqitayotgan profilaktika inspektorini birinchi bor koʻrishim 🤷🏻♂
Talaba tahlikaga tushib qoʻrquv ichida qolib ketganligi bois oʻziga biron bir ziyon yetkazib qoʻymasligi va koʻnglini xotirjam qilish uchun Konstitutsiyadagi quyidagi huquqini eslatib oʻtishni lozim deb topdim:
Oʻzbekiston Respublikasining Konstitutsiyasi
31-modda.
Har bir inson shaxsiy hayotining daxlsizligi, shaxsiy va oilaviy sirga ega bo‘lish, o‘z sha’ni va qadr-qimmatini himoya qilish huquqiga ega.
Har kim yozishmalari, telefon orqali so‘zlashuvlari, pochta, elektron va boshqa xabarlari sir saqlanishi huquqiga ega. Ushbu huquqning cheklanishiga faqat qonunga muvofiq va sudning qaroriga asosan yo‘l qo‘yiladi.
Har kim o‘z shaxsiga doir ma’lumotlarning himoya qilinishi huquqiga, shuningdek noto‘g‘ri ma’lumotlarning tuzatilishini, o‘zi to‘g‘risida qonunga xilof yo‘l bilan to‘plangan yoki huquqiy asoslarga ega bo‘lmay qolgan ma’lumotlarning yo‘q qilinishini talab qilish huquqiga ega.
