⛺️2024 жылы Қазақстанның орналастыру орындарын 9,1 млн қонақ қабылдады, бұл алдыңғы жылмен салыстырғанда 12% артық
Қазақстанда барлығы 4 303 орналастыру орны бар, бұл 2023 жылмен салыстырғанда 311 бірлікке көп (2023 ж. – 3 992).
Орналастыру орындарының жалпы санының 2 485-і қалаларда, қалған 1 818-і ауылдық жерлерде орналасқан. Барлық орналастыру объектілерінің 4 161-і жеке меншікте, 96 – мемлекет, 46 – шетел меншігінде.
Орналастыру орындарының басым бөлігі Жетісу облысы (390) және Алматы қаласында (387) шоғырланған. Ең азы — Ұлытау облысында (28 нысан).
Қабылданған қонақтар саны бойынша бірінші орында Алматы тұр, онда 2,3 млн келуші тоқтаған. Екінші орында – 1,4 млн туристі болған Астана, ал үшінші орында – 533 мың қонағымен Ақмола облысы. Ең аз баратын өңір Ұлытау болды, онда 31,2 мың адам барған.
Қызмет көрсетілген келушілердің жалпы санының 14,2% – шетелдіктер, олардың 53,8% - ы Қазақстанға жеке мақсатта, қалғандары іссапарға келген.
Қонақтары жиі келген елдердің ішінде бірінші орында Ресей (401 мың адам), одан кейін Қытай (173,9 мың адам) және Үндістан (126 мың адам).
2024 жылы барлық орналастыру орны көрсеткен қызметтер көлемі 299,8 млрд теңгені құрады, өсім – 22,6%.
* Орналастыру орындары – қонақ үйлер, мотельдер, кемпингтер, туристік базалар, демалыс үйлері, пансионаттар және келушілерді орналастыру мен оларға қызмет көрсету үшін пайдаланылатын басқа да ғимараттар.
