Chalg'imang
Agar siz 20 yosh atrofida bo‘lsangiz, bilingki, bu hayotingizning eng bebaho onlari. Uni behuda sarflamang. Bu yillar hech qachon qaytmaydi va qaytarishning iloji ham yo‘q. 50 yoshga kirganingizda(nasib qilib) afsuslanib qolmaslik uchun hozirdan ongli ravishda qaror qabul qiling. Har bir qilgan harakatingiz, hatto sezmasangiz ham kelajagingizni shakllantiradi.
"Work-life balance" degan gaplarga ortiqcha e'tibor bermang – bu sizni hozir faqat chalg‘itadi. Yoshligingizni ishlashga, o‘sishga va shaxsiy rivojlanishga bag‘ishlang. Kechagiga qaraganda samarali mehnat qiling. Chunki, sizda orzu bor. Aniq maqsad bor.
O‘zingizga xiyonat qilmang va o‘z orzularingizga sodiq qoling.
Hayotda eng muhim bo‘lgan narsalarga diqqat qarating: ibodat, oila, kasb, sport, jismoniy va ruhiy sog‘liq. Kuchli ruhiyat, aql va sog‘lom tanani shakllantirish uchun intiling.
Chalg‘ituvchi narsalar: samarasiz munosabatlar, video o‘yinlar, zararli odatlar va behuda aloqalardan qoching. Bu vaqt siz uchun juda qimmatli.
Bu yo'lda o'zingizni yolg'iz his qilasizmi? Albatta.
Har qanday o'zgarish sinov va qurbonlar bilan birga keladi.
Har bir muvaffaqiyat zamirida sabr va davomiylik turadi.
Shunday ekan, sabrli va qat'iyatli bo‘ling, chalg'imang
