Davlat tashkilotlari bilan ishlash nega qiyin? 🚧
Davlat sektori bilan ishlashda AT soha vakillari uchun yuqori darajadagi murakkab o‘yinga o‘xshaydi. Bir tomondan, yirik loyihalar, barqaror byudjet va katta imkoniyatlar. Ikkinchi tomondan esa — byurokratiya, cho‘zilishlar va kutilmaganda o‘zgarib ketadigan "qoidalar".
- Muddatlar. Xususiy sektorda qarorlar kunlar yoki haftalar ichida qabul qilinadi. Davlat idoralarida esa kelishuv jarayonlari oylar davom etishi mumkin. Bozor o‘zgaradi, texnologiyalar rivojlanadi, lekin loyiha tender bosqichida qolib ketishi ehtimoli yuqori.
- Byurokratiya. Hujjatlar, hisobotlar, rasmiy talablar – hammasiga e’tibor berish kerak. Ba’zan natijadan ko‘ra, jarayonning o‘zi muhimroqdek tuyuladi.
- To‘lovlar. Davlat buyurtmalarining eng katta kamchiliklaridan biri – to‘lovning kechikishi. Loyiha tugatilgan bo‘lsa ham, pul o‘z vaqtida kelmasligi biznes uchun katta xavf tug‘diradi.
- Vazifalar o'zgarib qolishi. Bugun bir narsa kerak bo‘lsa, ertaga boshqasi talab qilinishi mumkin. Davlat sektori dinamik emas, lekin ichki talablar o‘zgarib turadi, bu esa loyihani kechiktiradi va xarajatlarni oshiradi.
- Tenderlar va raqobat. Tender yutish uchun faqat yaxshi mahsulot yetarli emas. Rasmiy talablarga mos kelish ham juda muhim. Natijada, kichik kompaniyalarga katta raqobatchilar bilan bellashish qiyin bo‘ladi.
👀 Lekin ijobiy tomonlari ham bor
Davlat buyurtmalari yirik loyihalar olib borish va infratuzilmaga ta’sir qilish imkoniyatini beradi.
Muhimi — tizimni tushunish, moslashish va to‘g‘ri odamlar bilan ishlash.
Siz davlat tashkilotlari bilan ishlaganmisiz? Qanday qiyinchiliklarga duch kelgansiz?
@s_berdiyev
