Pep Gvardiola Abduqodir Husanov haqida:
“Menga eng yoqqan narsa, u allaqachon jamoa kiyim almashtirish xonasidagi hammaning yoqimtoyiga aylanib boʻlgan. Bugun u hatto tish choʻtka va boshqa lash-lush soladigan sumkasiz, hech narsasiz keldi. Futbol o‘ynash uchun keldi. U bilan gaplashganingizda, faqat kulib turadi, har doim shunday”.
“Lekin u ishonchli futbolchi; u shunchalik tez, shunchalik tezki, to‘p bilan muomalasi, uzatmalari ajoyib. U chiziqlarni buza oladigan qobiliyatga ega. Albatta, u hali rivojlanishi kerak, lekin u 20 yoshda, juda yosh. Men tezligi yuqori bo‘lgan koʻp futbolchilarni ko‘rganman, Husanov ulardan biri”.
“Hamma uni yaxshi ko‘radi; u juda bosiq, hech narsadan nolimasdan mehnat qiladi, shunaqangi kamtarki, ishonchim komil, muxlislarimiz uni yaxshi ko‘rib qoladi! “Chelsi”ga qarshi debyut o‘yinida qabul qilib olgan “zarba”dan so‘ng o‘ziga kelish oson emasdi. Lekin u keyingi oʻyinlarda xotirjam harakat qildi. So‘nggi kunlarda esa, albatta, juda, juda yaxshi o‘yinlar o‘tkazdi”.
⚽️ @Bugun_Futboli ✅
