မန်းလေးက ပြိုကျသွားတဲ့ ကန်ထရိုက်တိုက်တစ်ခုမှာ
တချို့လူတွေက အုတ်ပုံနား
ဖြည်မဆည်နိုင်လို့ ငိုယိုတဲ့သူကငို
အရူးမီးဝိုင်းသလို ယူနီဖောင်းဝတ်လာသူမှန်သမျှ
ကယ်ပေးပါ ကယ်ပေးပါနဲ့ လိုက်တောင်းပန်နေတဲ့သူက တောင်းပန်နဲ့ဗျာများနေတဲ့အချိန်
အဲ့လူတွေနဲ့ ခပ်လှမ်းလှမ်းမှာ ဦလေးကြီးတစ်ယောက်
ငိုင်ငိုင်လေးထိုင်ပြီး လက်မှာလဲလက်ဖက်ရည်တွေနဲ့မုန့်တွေကိုင်ပြီး တိုက်အုတ်ပုံကြီးကိုကြည့်ရင်း
တီးတိုးလေးတစ်ယောက်တည်းပြောနေတာနဲ့
သတင်းမေးရင်း အားပေးမလို့ အနားကပ်သွားမေးကြည့်တော့
မင်းအန်တီက အရမ်းတစ်ကိုယ်ကောင်းဆန်းသွားပြီတဲ့
ငါ့ကိုစိတ်ချလက်ချနဲ့ ထားခဲ့တာပဲ
ငါ့မှာတော့ သူစားချင်တယ်ဆိုလို့ ပူရတဲ့အထဲသွားဝယ်တာလေ
ငါဝယ်လာတာလေးတောင် မစောင့်ပဲစားတောင်မစားသွားဘူး
ငါ့ကို ဘာလို့စိတ်ချသွားတာလဲ ငါ့ကိုကျဘာလို့အတူတူမခေါ်သွားတာလဲ ငါတို့မှာကလေးလဲရှိတာမဟုတ်ဘူး
နှစ်ယောက်တည်းဖေးမနေရတာလေ ငါ့ကိုလဲခေါ်သွားသင့်တာပေါ့
အခုသူတစ်ယောက်တည်းအဆင်ပြေရဲ့လားစိတ်ပူတယ်
သူကငါမပါရင် ဘယ်တော့မှအဆင်ပြေတာမဟုတ်ဘူး
အခုတော့ ငါ့မှာ သူပဲရှိတာပါနဲ့....
ဆက်တိုက်တီးတိုးလေးပြောနေရှာတာ
မျက်ရည်လဲမထွက် အုတ်ပုံကြီးကြည့်ပြီး ငိုင်ငိုင်ကြီးနဲ့
အားပေးစကားတွေနဲ့လဲ မထိရောက်နိုင်တော့ပါဘူး
တချို့နာကျင်မှုတွေက မျက်ရည်လဲမထွက်နိုင်တော့.......💔
- Sai zwe pyae
Credit_
