Усмон Азим ижоди

Ўзбекистон ҳалқ шоири Усмон Азим ижодидан баҳраманд бўламиз

TGlist रेटिंग

प्रकारसार्वजनिक

सत्यापन

असत्यापित

विश्वसनीयता

अविश्वसनीय

स्थानУзбекістан

भाषाअन्य

चैनल निर्माण की तिथिJan 05, 2025

TGlist में जोड़ा गया

Feb 20, 2025

मैं चैनल का मालिक हूँ

बदलावों का इतिहास

संलग्न समूह

УА

#фикр Усмон Азим ижоди

टेलीग्राम चैनल Усмон Азим ижоди का आंकड़ा

विवरण

सदस्य

4 412

24 घंटों

591.4%सप्ताह

1734.1%महीना

1 27140.5%

उद्धरण सूचकांक

0

उल्लेख5चैनलों पर शेयर0चैनलों पर उल्लेख5

प्रति पोस्ट औसत दृश्य

1 036

12 घंटों878

43.3%24 घंटों1 0360%48 घंटों1 6010%

सगाई (ER)

5.69%

रिपोस्ट21टिप्पणियाँ0प्रतिक्रियाएँ38

सगाई दर (ERR)

23.8%

24 घंटों0%सप्ताह

3.95%महीना

10.88%

प्रति विज्ञापन पोस्ट औसत दृश्य

1 036

1 घंटा11310.91%1 - 4 घंटे16716.12%4 - 24 घंटे75372.68%

विवरण

हमारे बॉट को चैनल में जोड़ें और इस चैनल की दर्शक संख्या जानें।

24 घंटों में कुल पोस्ट

3

डायनेमिक्स

समूह "Усмон Азим ижоди" में नवीनतम पोस्ट

सभी पोस्ट

23.04.202519:20

***
Жавонларда идишлар янги,
Янги рангда товланар девор.
Янгиликни рўмолдай танғиб,
Ивирсийди хонада рўзғор.

Уйимизда салқин устивор –
Паст келмайди совутгич ёзга.
Супурилар уй. Кечаги ғубор
Хокандозга тушади аста.

Хиргойида билмаганим куй –
Ўтган ғамнинг сўкилган чоки.
Қайтиб келар уйдан кетган уй –
Ошхонада чой ичар сокин.

Енгил тортиб – ариб эскидан –
Чарақлайди рўзғорим маним...
Кароватда ётар юзтубан
Илдиз отиб ҳориган таним.

Усмон Азим
“Куз” китобидан

https://telegram.me/dilgamaktublar

23.04.202519:12

***

Билмадим, қаердан келар бу овоз,
Гўё тун қўйнидан талпиниб нурга,
Ярадор кабутар қилади парвоз —
"Севгилим, бир умр бўламиз бирга!"

Эрингнинг кўйлагин дорга осасан,
Енглари шалвираб чўзилар ерга.
Нимани ўйлайсан? Нега қотасан?—
"Севгилим, бир умр бўламиз бирга!"

Бегона бу сочлар қоп-қора гулхан,
Силасам, куйдириб отар хотирга.
Мен ҳам эшитяпман, мен ҳам ўтдаман —
"Севгилим, бир умр бўламиз бирга!"

Бешикни қучоқлаб енгил ухлайсан,
Тушингда бир ҳаёт — менгзайди шеърга.
Кулиб такрорлайсан, кулиб тинглайсан:
— Севгилим, бир умр бўламиз бирга!

Умрдан гапирма. Унда айб йўқдир.
Ўтган умр асов — кўнмас таҳрирга,
Сен ҳозир чорлагин, ёшимни тўкдир:
— Севгилим, бир умр бўламиз бирга!

Айвон устунига суяниб оғир
Боқасан: фалакда ёлғиз бир турна...
Турна йиғладими, ёғдими ёмғир
"Севгилим, бир умр бўламиз бирга!...

Бизни таъқиб қилар бу савдо мангу,
Умримизни абад ўрайди нурга.
Учрашсак, наҳотки, етим қолар у —
"Севгилим, бир умр бўламиз бирга..."

Усмон Азим

https://t.me/UsmonAzimijodi

23.04.202504:39

📀 GʻOZ (hikoya).
✍ Usmon Azim.

🎙 Oʻqidi: Dadaxon Muhammadiy.

https://t.me/UsmonAzimijodi
@Audio_kitob_javoni

22.04.202518:54

ФОЖИА
Келинг, яшамаймиз энди.
Яшаш чарчатди.
Бир бизми осмонни кўтариб турадиган,
Юлдузларни ёқадиган,
Шеърлар ёзадиган,
“Севаман” деб йиғлайдиган бир бизми?!

Келинг, яшамаймиз.
КУН КЎРАМИЗ энди.
Худо ургандай кун кўрамиз.

Хеч ким бу кунларни кўрмайди.
Бу кўнлар ҳам ҳеч кимни кўрмайди.
Биз эса кўри-и-иб ўтирамиз бу кунларни.

“Қандай кун кўраётганларини
Билмайди бу одамлар...”, деб
Йиғла-а-аб ўтирамиз!..

Усмон Азим
"Коллаж" китобидан

https://t.me/UsmonAzimijodi

22.04.202509:11

* * *

Ҳа, ҳатто чайла ҳам
Қурмадим боғда,
Бир парча томорқа
Олмадим сотиб,
Одамлар ёлғони
Бездирган чоғда,
Шеърлар ёзавердим,
Ўзимга ботиб.

Ботдим... Ботавердим...
Қалбнинг қаъридан –
Миям фалакининг
Тоқидан нари;
Руҳнинг сарҳади йўқ
Чексизлигидан –
Ўн саккиз минг олам
Сарвари сари.

гулу япроқликка
йўқ эди раъйим.
Ботдим қаро ерга,
Қоронғу тошга,
Илдизлик қисматин,
Буюрди қайюм...
Менга не керакдир
Хўш, бундан бошқа?

Илдизлик куч олар –
Қанча чоҳласа!
О, неча боғларим
Шовуллайди шаън!
Руҳим дардга тўлди!..
Худо хоҳласа,
Дунё гўзал қолур
Мендан кейин ҳам.

24. 09. 2020
Ўзбекистон халқ шоири Усмон Азим

https://t.me/UsmonAzimijodi

19.04.202504:32

***
“Йўқ” десанг – йўқликдаман,
“Ха” десанг – жоним борлик.
Сендан бошқа кенгликлар
Руҳимга этгай торлик.

Сенинг ёруғ шуълангга
Фақат жонимни сотсам.
Бор дунёмни йўқотиб,
Ёлғиз сени-да топсам!..

Усмон Азим

https://t.me/UsmonAzimijodi

17.04.202516:06

Шабнам.

Дарёдай оққаним,қайдасан,
Юлдуздай боққаним,қайдасан?

Дарёсан-тўхташни билмадинг,
Юлдузсан-йўқлашни билмадинг.

Мен эса тун ичра бир шабнам,
Бир томчи кўзёшман-бир олам.

Дарё жим шовиллар жисмимда,
Бир юлдуз ловиллар жисмимда.

Соғинчинг етгандир жонгача,
Англагин, бор умрим тонггача...

31.01.2019.
Усмон Азим

https://t.me/UsmonAzimijodi

17.04.202515:55

***
Олов туйғулардан ажиб мунг қолди,
Кўзгу ёруғимда ойдин руҳ - ҳазин.
Неча йил, неча ой, неча кун қолди -
Ижро айлагани бандалик расмин?

Супуриб-сидириб кўнгил уйини,
Турмушим уйини айлаб саришта -
Тинглайман дунёнинг мангу куйини,
Тайёрман - энг сўнгги йўлга боришга.

Жончиқар мақомда телбавор куйлаб,
Сўзларни шеъримга тизиб устувор,
Бу дунё мендан ҳам қолишин ўйлаб -
Юрибман бахтиёр, жуда бахтиёр.

Усмон Азим

https://t.me/UsmonAzimijodi

15.04.202503:13

.. Изиллаб йиғладим:
- Эй, келасанми?
Келгин бемуҳаббат!
Беолов! Бечўғ!
Келгин!
Изғирин ғам ўртади танни...
Баҳорни кутмагин, баҳоримиз йўқ.

Усмон Азим

https://t.me/UsmonAzimijodi

14.04.202504:36

ШАЪН ҲАҚИДА ҚАДИМ
БАЛЛАДА
Замбараклар гумбири - жўшқин,
Ноғоралар солар овоза.
Очилади нақшин дарвоза.
Дарвозадан чиқади қўшин –
Ярақлайди – анжоми тоза.

Даста-даста навкарлар борар,
Ёнларида қилич – ярашиқ.
Теваракка ўйчан қарашиб,
Беклар – вазмин раҳбарлар борар,
Панжа билан соқол тарашиб.

Ёш бошида қадимий савдо –
От устида борар валиаҳд.
Эл ишига улуғ умри тахт,
Салтанатнинг қуршовида шоҳ -
ёв устига отлангандир шаҳд.

Қўрғон узра чувиллаб қатор,
Хотин-халаж айтар “оҳ”ини:
- Равон айла лашкар роҳини!
Элни этма душманига хор,
Фалокатдан асра шоҳини.

Қўл очади чоллар дуога,
Келинчаклар артар ёшини.
Кафтларига қўйиб бошини
Илтижолар айлар Худога –
Маликанинг ғами тошиниб.

Лашкар кетар. Кунлар овора...
Соғинч – узун. Айрилиқ - узун.
Шаҳарнинг тинч уйқусин бузиб,
Гумбирлайди ногоҳ ноғора –
Хавотирда юракни узиб.

Тошқўрғондан боқар халойиқ:
Улуғ лашкар – навкарлар йўқдир,
Беклар – вазмин раҳбарлар йўқдир,
Валиаҳд йўқ... Қудратли Холиқ!
Подшоҳ - камтар халқпарвар йўқдир.

Қўрғонда халқ “ув” тортар – айтар –
Дунёларга ғамдан овоза...
Очилару нақшин дарвоза,
Кўк либосли Шон-Шуҳрат қайтар –
Ярақлайди – юракдай тоза.

Чанг юзида босиқ бир ҳолат,
Яйдоқ отда келади Мардлик –
Ўлим кўрган кўзлари дардлиғ.
Бир ёнида ҳазин Жасорат –
Тулпорининг ёллари гардлиғ.

Келаётир уч оға жонбоз –
Уч улуғ руҳ - қурбон – бекафан –
Ғолиб юртда мудом тирик шаън...
Учовига чиқади пешвоз –
Елкалари титраниб Ватан.

Усмон Азим

https://t.me/UsmonAzimijodi

12.04.202502:45

БУЮМЛАР ҲАҚИДА БАЛЛАДА

Бурилиб бўлмайди хонамиз ичра,
(Эҳтиёт бўлсанг-чи!) тўрт тараф буюм,
Оламда кезаман кўзларим хира,
Теграмда айланар буюмдан қуюн.

— Ишла— Нима учун?— Югур!— Нимага?
— Телевизор керак!— Машина!— Буюм...
Бир йилки, боқмадим тўйиб дунёга,
Севгилим, унутдим майсалар бўйин.

— Жавон келган экан...Юринг...Кетдик...Тез!
Усиз одаммиз деб айтоламизми?
— Севгилим, олислаб кетмаймизми биз,
Севгилим, орқага қайтоламизми?

Яхшилаб кўтаринг, ерга тегади,
Бу — йиллик меҳнатга тўланган товон.
— Севгилим, залвори қаддим эгади,
Ерга киргизай деб босади жавон.

— Танишлар ўтмоқда — беришиб салом,
Сиз ҳам бош силкитинг, жилмайинг майин...
— Кўзим тинияпти. Елкамда жавон,
Жоним, одамларни қандай кўрайин?

— Болажон, сен мени танимадингми?
Мен сени туққанман. Қўзим, онангман!
— Онажон, бу жавон шунчалар улкан,
Мени тўсиб қўйди ёруғ оламдан!

— Келдингми?
О, болам, сенда гапим бор...
Биргина сўзингни интизор кутдим!
— Шошяпман... Дўкондан мол олмоқ даркор...
Сенга нега келдим? Унутдим...

Усмон Азим

https://t.me/UsmonAzimijodi

11.04.202518:30

…Умуман, Ҳаётда ҳам, Адабиётда ҳам “бошқа гаплардан” суҳбат кўпроқ бўлади. Бироқ Адабиётнинг бир қонуни бор – ҳамма гапни аралаштириб гапириб бўлмайди. Худо умр берса, бошқа гаплардан ҳам гаплашармиз. Аммо айтиб қўяй, қайдан келиб, охир-оқибат қайга бориш ҳақида ўйламоқ ҳам арзирли суҳбатдир.

Усмон Азим
«Сўнгсўзлар” китобидан

https://t.me/UsmonAzimijodi

10.04.202512:23

***
Кўришдик яшамай,
Кўришдик ўлмай.

Дўст, энди ичайлик
Бир пиёла май.

Нимадан сўзлаймиз,
Не дард тубсиз баҳс?

Умрнинг арвоҳи-
Юрак - ёлғиз сас.

Жомлаб май ичамиз,
Тонглаб - беҳадик

Яшамай кўришдик,
Ўлмай кўришдик..

Усмон Азим

https://t.me/UsmonAzimijodi

09.04.202513:57

***
Йўлбарс магар ташланса қўрқма,
Илон чақса олма хавотир.
Бўри қувса тизингни-букма
Ғайри бир ҳол бўлмади содир.

Мунча юксак айлаган парвоз
Мусичами? Даҳшатку турқи!
Сен ундан қўрқ...
Ва яна нохос
Ириллаган қуёндан қўрққин.

Усмон Азим

https://t.me/UsmonAzimijodi

08.04.202518:05

Тўртбурчак дунёни деворга осдим.
(Дераза...
Ташқари...
—суратдан камми?)
Ва сени соғиндим...
Нимадир ёздим...
Эвоҳ, дилга яқин келтирдим ғамни...

Усмон Азим

https://t.me/UsmonAzimijodi

सभी पोस्ट

कुछ नहीं मिला 😢

विवरण

रिकॉर्ड

23.04.202523:59

4.4Kसदस्य

27.03.202515:24

500उद्धरण सूचकांक

25.03.202523:59

1.8Kप्रति पोस्ट औसत दृश्य

25.03.202523:59

1.8Kप्रति विज्ञापन पोस्ट औसत दृश्य

28.02.202522:36

9.02%ER

27.02.202514:30

70.96%ERR

विकास

विवरण

सदस्य

उद्धरण सूचकांक

एक पोस्ट का औसत दृश्य

एक विज्ञापन पोस्ट का औसत दृश्य

ERR

विवरण

Усмон Азим ижоди के लोकप्रिय पोस्ट

सभी पोस्ट

19.04.202504:32

22.04.202509:11

28.03.202513:01

Hali siz yo'qsizu
Sog'inchingiz bor...
Visolga chiqaman yuragim yonib,
Sizga tutqazaman
Yam-yashil bahor,
Yerga tushirasiz-qo'lingiz tolib.

Hali yonimdasiz.
Ammo bir savdo
Boshimda aylanar changalin yozib.
Men tortiq etaman yozni...
Beparvo
O'tasiz-
Avgustning ko'ksini bosib.

Hamon dil talpinar
Sizday olamga.
Ishqning anduhiga hamon jon bog'liq.
Sizga kuz beraman...
Kuzgi olamdan
Olib qololmaysiz biror bir og'riq.

Endi fasllarim qolmadi manim-
Ufqda eng so'nggi kunduzim ado.
- Qishing qayda qoldi?- bo'zlaysiz...
Jonim!
Bilmaysiz,
Uch fasl berganin Xudo.

Usmon Azim

https://t.me/UsmonAzimijodi

26.03.202509:24

* * *
“Мени ҳали эслаб юрасиз”, —
деди бир аёл.
“Йўқ, — деди у. — Сизни
эслайдиганлар жуда кўп.
Мен эса, ҳеч кими йўқ
бир аёлни эслайман,
Худо хохласа;
ҳеч кими йўқ
бир аёлни соғинаман,
Худо хоҳласа”.
Ташқарида —
хазон ёғар.
“Қайси йилнинг хазони?
Бу суҳбат
қаердан келди?
Нега бунча ғуссали? Нега
бирдан соғинч ўртади жонимни?
Ҳеч кими қолмадимикан у аёлнинг?
Бир ўзи юрганмикан дунёда тентираб?
Излаб борсаммикан?..”
Ташқарида —
Хазон. Шамол.
Куз ёмғири.
Нималарни
хоҳлаяпти
Парвардигор?
Йўл эса,
унча олис эмас:
ўттиз беш кузакдан
ўтилса,
бўлди.

Усмон Азим

https://t.me/UsmonAzimijodi

17.04.202515:55

23.04.202519:12

22.04.202518:54

25.03.202517:08

Елади бедов қисмат,
Умр оқади елдай:
Кимдир шамолдай кечар,
Кимдир босади селдай.

Дунё қилмишга қараб,
Такдир йўлин очади:
Кимдир йиғар ютоқиб,
Кимдир элга сочади.

Бировни йўлга солмоқ
Келмас банда қўлидан:
Кимдир қорин деб борар,
Кимдир имон йўлидан.

Кимдир дунё жамлайди,
Кимдир довруғ таратар.
Кимдир элни ямлайди,
Кимдир элни яратар.

Дунё эса ҳисобли!
Бори аён Тангрига-
Кимни ютар қаро ер,
Кимни олар бағрига...

Усмон Азим

https://t.me/UsmonAzimijodi

04.04.202518:56

***
Сенсиз маст-аласт айландим дунёни,
Сенсиз тонг каби хушёр кездим
ўша маст- аластликнинг ичида.
Сенсиз яшадим-
бировнинг дунёсида кун кўраётгандай,
Сенсиз ёлғиз кездим одамларнинг орасида,
Сенсиз ҳақиқат қидирдим юрагимни йиртиб!
Сенсиз фарзандли бўлдим
(оҳ, уларни жон дилдан суйдим сенсиз!)
Сенсиз тўйлар қилдим
(фақат шўҳ қўшиқлар айтилди, Мақомдан қўрқади булар.
Иккаламиз учрашмоғимиз мумкинда бирор нолада!..),
Сенсиз кулдим (ўзинг кечир, жондан суйганим!),
Сенсиз сочларимга оқ тушди,
Сенсиз йиғладим,
ва шеърлар ёздим сенсизликдай даҳшатли – англадим:
Умримнинг қолгани ҳам сенсизлик...

Энди... сенсиз яшагим келмаяпти,
Азизим.

Усмон Азим

https://t.me/UsmonAzimijodi

28.03.202519:15

***
Кўмилгансан тонгдан кечгача ишга,
Тақдирни ўзгартмоқ бўлган фаришта.

Ҳаётдан зарра ҳам этмайсан гина,
Гарчи кўйлакларинг иккитагина.

Туфлингга ҳеч қачон қўнмайди ғубор,
Уста умрин чўзган унинг неча бор.

Яшашинг – ҳалолдир, меҳнатинг – ҳалол,
Сўзларинг – таъмизли, ўйларинг – зилол.

Қарашинг – меҳрдир, равишинг – рағбат:
Жонда кўтармоққа арзийсан фақат.

– Уйим бўлса эди! –
“Оҳ” урма туйқус!
Фаришта азалдан яшаган уйсиз…

Усмон Азим

https://t.me/UsmonAzimijodi

15.04.202503:13

23.04.202519:20

27.03.202507:32

***
Ўсдинг, одам, боғлардан ўсдинг
Шонинг ўсиб достонга етди.
Ўсдинг, одам, тоғлардан ўсдинг —
Бошинг ўсиб осмонга етди.

Мақтовларга беравер бардош —
Одам, нега ғамгин юрибсан?
Кимдир сени атади «қуёш»—
Сен кўз ёшсиз йиғлаб турибсан?

Усмон Азим

https://t.me/UsmonAzimijodi

29.03.202517:06

Ҳаёт қўшиғи

Боғ қўйнида икки дарахт -
Бир-бирига интизор.
Сен - бир дарахт,
Мен - бир дарахт,
Куйиб-куйиб ўтдик, ёр.

Аммо баҳор келганида
Очилиш керак экан.
Гулу мева, хазон бўлиб,
Сочилиш керак экан.

Шамолларга дилим ёрдим,
Гул-япроқлар тилида.
Ел кафтида олиб келган
Ҳар шивиринг дилимда.

Аммо баҳор келганида
Очилиш керак экан.
Гулу мева, хазон тўкиб,
Сочилиш керак экан.

Ерга боғлаб қўйилганман,
Илдизим ер остида.
Кечалари шовуллайман,
Боқиб бўйи бастингга.

Аммо яшаш керак экан,
Очилмоқ керак экан,
Гулу мева хазон тўкиб,
Сочилмоқ керак экан.

Боғ қўйнида икки дарахт -
Бир - бирига интизор.
Сен - бир дарахт,
Мен - бир дарахт,
Куйиб-куйиб ўтдик, ёр!

Усмон Азим

https://t.me/UsmonAzimijodi

02.04.202520:02

***
Менга маъқул эмас олти томон ҳам,
Аллақачон аён барча пинҳон сир:
Тўрт тараф девордир, осмон - армон - ғам,
Бизлар тепкилаган замин сабрдир.

Бундай аёнликда яшаш - ғуссали.
Кўнгил дарддан асрор истаган ул дам
Еттинчи тарафга учдим - сен сари.
Қанотсиз парвозни ўргандим, Эгам!

Усмон Азим

https://t.me/UsmonAzimijodi

अधिक कार्यक्षमता अनलॉक करने के लिए लॉगिन करें।