Startupper loyihasidan bir so’m kelsa ham xursand bo’ladi. Kimgadir foydasi tegyabdiki, pul to’layabdi. Bu insonni oldinga yurishga va servisni yaxshilashiga doim turtki beradi.
Muammoni to’g’ri anglash va unga yechim berish, ko’proq bizneslar va mijozlar bilan gaplashish va ular xohlayotgan yechimni qilish, loyihani rivojlanishiga eng asosiy nuqtalardan.
Loyihani ishlab chiqish, investorga pitch qilish, pitchga berilgan mulohazalar asosida pitchdeck, investordeck’ni yaxshilash va yana pitch qilish. Ko’pchilik, mag’lubiyatlar haqida yozmaydi, faqatgina aysbergni uchini ko’radi(xuddi instagram’ga o’xshab). Investitsiya olayotgan loyihalar ortida uyqusiz tunlar, kuchli yaratuvchilar va jamoalar to’g’ri muammo ustida ish olib borgani yotibdi.
Ko’proq loyihangiz haqida aytavering, g’oyamni o’g’irlab qo’yadi, ko’chiradi deganingiz bilan, 99% holatda boshlanib bo’lgan yoki boshlansa ham yarim yo’lda tashlab ketadiganlar ko’p bo’ladi. Loyihangiz haqida ko’pchilik bildi degani, siz haqingizda boshqalarga tavsiya qilish ehtimolligi oshadi degani.
Startup qilmoqchi bo’lsangiz, ustoz toping, hammuallif toping, soha bo’yicha bilimlarni oshiring va kuchli jamoa to’plang, muammolar yechishni boshlang.
