တချိန်က ပြည်ထောင်စုဝန်ကြီးဖြစ်ခဲ့တဲ့ ဦးအောင်မင်းက ကျနော်တို့လည်း တရုတ်ကြောက် ရပါတယ်ဆိုတဲ့စကားလုံးက မီဒီယာတွေထက်မှာ ရေပန်းစားခဲ့ဖူးတယ်။ တချို့ပြည်သူတွေကတော့ ကိုယ့်တိုင်းပြည် ဝမ်းရေးအထာမသိတော့ ဒီစကားကို မမှန်ဘူးလို့ ဆိုကောင်းဆိုပါလိမ့်မယ်။ သို့သော် မမှားဘူးဆိုတဲ့ အချက်တွေလည်း တိတိကျကျ ရှိနေပြန်ပါသေးတယ်။
----
ဆိုပါစို့…လက်ရှိ ၁၀၂၇ စစ်ဆင်ရေးရဲ့နောက်ကွယ်မှာ ဘယ်သူပါသလဲဆိုတာ အရှင်းကြီးပါ။ ကိုးကန့်မှာ အုပ်ချုပ်နေတဲ့ ပယ်မိသားစုကို ရန်ငြိုးနဲ့ဖယ်ချင်တဲ့ ဖုန် မိသားစုအပေါ် လက်နက်တပ်ဆင်ပေးလိုက်သလို ကျားဖြန့်ကိစ္စ စုံစမ်းဖို့ ရောက်နေတဲ့ တရုတ် ထောက်လှမ်းရေးတွေ လောက်ကိုင်မှာပစ်ခတ်မှုဖြစ်ခဲ့ရင်း သေဆုံးကုန်တဲ့ ဖြစ်ရပ်တွေက ၁၀၂၇ စစ်ဆင်ရေးစတင်ဖို့အတွက် မြစ်ဖျားခံတယ်လို့ ပြောရင်… ဘယ်သူမှ ငြင်းမယ်မထင်ပါဘူး။
----
အဓိက ရမခနဲ့ လောက်ကိုင် ဒကစတွေရဲ့ ဆက်သွယ်ရေး ကွန်ရက်တွေနဲ့ တပ်တည် တပ်လှုပ်တွေကို အင်အားကြီးနိုင်ငံတစ်ခုကမှ မဟာဗျူဟာကျကျ မပံ့ပိုးခဲ့ရင် သာမန် လက်နက်ကိုင် EAO တွေအနေနဲ့ ဒရုန်းစစ်ဆင်ရေးကို ဟန်ချက်ညီညီ စစ်ဆင်နိုင်ဖို့ မလွယ်ပါဘူး။ ဒီစစ်ဆင်ရေးစတင်ဖို့အတွက် ဘတ်ဂျက်လိုပါတယ်။ လူအင်အား စုဖွဲ့ဖို့ လိုပါတယ်။ ဒါတွေကို အပြန်အလှန်အပေးအယူနဲ့ “ဝ”ဆီ မြို့ ၂ မြို့ သေနတ်သံတချက် မဖောက်ဘဲ ရောက်သွားတာကိုကြည့်ရင် ဒီစစ်ဆင်ရေးရဲ့ မာစတာ ပလန်ကို မြင်ကြည့် လို့ ရပါတယ်။
-----
မဲခေါင်-လျန်ချန်းမှာ ဝမ်ယိ ပြောခဲ့တဲ့ စကားကို အနက်ကောက်ရင် မြန်မာ့ ပြည်တွင်းရေးကို ဘယ်နိုင်ငံမှ မပါနဲ့ ။ ငါပဲဦးဆောင်မယ်လို့ မပြောရုံတမယ်ပါပဲ။ လက်ရှိ ကမ္ဘာ့နိုင်ငံရေးမှာ အမေရိကန်သည်သာ ပထမ လုပ်မယ့် ထရမ့်လက်ထက်မှာ မြန်မာရဲ့ အနာဂတ်ဟာ တရုတ်လက်ထဲမှာပါလို့ ပြောရင် နာလို့ မဖြစ်တဲ့ အချက်တွေ အများကြီး ပါပဲ။ ဥပမာ ရှမ်းမြောက် စစ်ဆင်ရေးမှာ တရုတ်လုပ်ခဲ့တဲ့ ရည်မှန်းချက် (၃)ချက်တည်း ရှိပါတယ်။
နံပါတ်(၁) ကျားဖြန့် ရှင်းလင်းမယ်။
နံပါတ်(၂) ကူမင်းကနေ တောက်လျှောက်ဖောက်လိုတဲ့ အိန္ဒိယ ထွက်ပေါက်လမ်းပေါ်မှာ သူ့ ဩဇာခံ လက်နက်ကိုင်တပ်တွေကို နေရာချထားလိုတယ်။
နံပါတ်(၃) ဘယ်အစိုးရတက်တက် တရုတ်ကို လွန်ဆန်လို့ မရဘူး။
------
၁၀၂၇ စစ်ဆင်ရေးကြောင့် အစိုးရမှာ ထိခိုက်နစ်နာခဲ့ရတာတွေက စာဖွဲ့မကုန်ပါဘူး။ စီးပွားရေးနဲ့ ပတ်သက်ရင် ….ပထမ ဆုံး သိသာစေတဲ့အချက်က အမေရိကန်ဒေါ်လာ သောင်းဂဏန်းကနေ သန်း ဂဏန်းအထိရှိတဲ့ နယ်စပ်ကုန်သွယ်ရေး စခန်းတွေ အကုန်ပိတ် သွားခဲ့တာပါ။ ဥပမာ ချင်းရွှေဟော်လို နေ့စဉ် သန်းနဲ့ချီတဲ့ ဂိတ်တွေ၊ နေ့စဉ် အမေရိကန် ဒေါ်လာ ၉ သန်းလောက်ဝင်ငွေရှိတဲ့ ကရင်ပြည်နယ်ဘက်က ဂိတ်တွေ အကုန်ပိတ် သွားခဲ့တာက စီးပွားရေးမှာ အတော်လေးထိခိုက်ခဲ့တာ တွေ့ရမှာပါ။ စစ်ရေးအရဆိုရင် လည်း တိုင်းစစ်ဌာနချုပ်တွေ ၊ အခိုင်အမာ ခံစစ်စခန်းတွေ လက်လွှတ်ရတဲ့အထိ ကြီးမား ခဲ့တာပါ။
------
အချုပ်အခြာဟာ ပြည်ထောင်စုရဲ့လက်ထဲမှာဆိုပေမယ့် တရုတ်ကြားဝင် စေ့စပ်လာ တဲ့အခါ EAO တွေ ရပ်ပေးရတာကိုကြည့်ရင်…ဒီဇာတ်လမ်းရဲ့ ဇာတ်ညွှန်းက ဘယ်သူလဲဆိုတာ သိသာပါတယ်။ ဒီနေရာမှာ တရုတ်မပါဘူးလို့ ငြင်းချင်တဲ့သူတွေရှိရင်… တည်ဆဲအစိုးရကို အပြည့်အဝ ပူးပေါင်းပြီး လှေနံနှစ်ဖက် မနင်းဖို့ပဲ တိုက်တွန်းရမှာပါ။ လက်ရှိ မြင်နေရသမျှကလည်း အရင်ခေတ်တုန်းက သောင်းကျန်းသူ အမြစ်ပြတ်ချေမှုန်း ရေး ဆိုတာတွေ ရှိခဲ့ပေမယ့် ဖက်ဒရယ်နဲ့ တိုင်းရင်းသား အရည်ခြုံထားတဲ့ EAO တွေကို တရုတ်ဘက်ကလည်း အမြစ်ပြတ်လိုဟန်မရှိပါဘူး။
----
အီလွန်မတ်တို့လို အမြစ်လှန်မှပဲ ဒီပြည်တွင်း ပဋိပက္ခ ဇာတ်လမ်းက မြေး၊ မြစ် ၊ တီ၊ ကျွတ် လောက်အထိ ဇာတ်လမ်းမရှည်နိုင်မှာလို့ပဲ သုံးသပ်ရမှာပါပဲ။
crd***(နရီမိုး)
#JBT
