ما بــين نــصر اللـه والانـــصار
رابِط ، كما بــين الـجسد والراس
كـانت عـلاقة حـــرية باحــرار
كـانت عـلاقة باس باهل الباس
واضحت عـلاقة ثار باهل الثار
ماشي معـاها حـجم او مقياس
لن تــنقطع لو صــار مهما صـار
حــتى ولو تتـــقطع الانفــــاس
شــهيد الاسـلام الشجاع البــار
الــمنهل الصافي عريق الـساس
وارث شــجاعة "جـــده الــكرار"
وعنـفوان "حـسين" و"الـعباس"
وابن الأمــين الـصادق المختار
أميـن حـزب اللـه ظهرَ "حماس"
ذي جانب الطوفان كان اعصار
ما يــضرب الا الــموقع الحساس
وجــنب غــزة في خطوط النار
من ثــامن اكتــوبر وله مـتراس
لو يـــجتمع في وصفه الشعــار
في جوف شاعر مرهف الإحساس
لابــد مـا يـــعجز ومـا يــحتار
وتـــشعر اشــعاره بــحالة ياس
ما يــعشقوه الا كــرام اطهـــار
ما يــبغضوه الا رعــاع انجـاس
واحــد بــرز للــصهينة باصـرار
ولا خــذل "غـزة" ولا "طــوباس"
يـــوم امـة الــــمليار والــــمليار
بيــن الــخوالف كــــلهم جـلاس
و جــيوشها يا للــخزى والــعار
لاولاد صـهيون اصبحوا حراس
علــى طريق القدس وحده سار
علـى رؤوس"ابناء يهوذا" داس
ولا خشــي من حـلف الاستكبار
في يوم قـال "الناس إن الناس"
واوفـى بـعهده لاخر الـــمشوار
واصبح للامه فـ الـــفداء نبراس
و الــعهد له و الــعهد للــــسنوار
لو مـا بـقي طلـــقة و لا ترباس
لـن ننــثني لو بـا نــطير اعـشـار
واجـسادنا ترجع قطع فـ اكياس
#ياسين_الفروي
