“Har bir bola mehr va e’tiborga loyiq”
Xizmat safari doirasida navbatdagi manzil – 6-son oilaviy bolalar uyi bo‘ldi. Bu yerda “Tutingan ota-onalar kursi”ni tamomlab, oilaviy bolalar uyi tashkil etishni maqsad qilgan fuqarolar bilan uchrashib, bolalar uchun yaratilgan sharoitlar bilan tanishib, bollalar bilan suxbatlashdik.
Yosh avlod ta’lim-tarbiyasi – davlat siyosatining ustuvor yo‘nalishidir. Davlat rahbari boshchiligida amalga oshirilayotgan ijtimoiy sohadagi islohotlarning markazida aynan inson qadri, bolalarning baxtli hayoti va ularning sog‘lom oila muhiti tarkibida ulg‘ayishi turibdi.
Ayniqsa, ota-onasidan ayrilgan, mehr va e’tiborga muhtoj bolalar uchun oilaviy modeldagi parvarish tizimini rivojlantirish – Agentlikning ustuvor yo‘nalishlaridan biridir.
Hamida opa Homidova bunday ezgu ishga qo‘l urgan insonlardan biri. U hozirda 5 nafar yetim va ota-ona qaramog‘idan mahrum bo‘lgan bolaga mehr bag‘ishlab, chinakam oila muhiti yaratgan.
Bunday fidoyilik – Yangi O‘zbekiston taraqqiyoti yo‘lida mustahkam poydevordir.
