🤍❤️🤍 З Днём Волі, сябры!
25 сакавіка – дзень нашай незалежнасці, годнасці і моцы. Дзень, калі мы ўзгадваем пра адвагу і нязломнае імкненне беларусаў да свабоды.
Свабода – гэта не толькі права, але і адказнасць. Адказнасць за тое, як мы будуем нашую супольнасць, як падтрымліваем адзін аднаго, робім нешта дзеля будучыні, а не чакаем чагосьці ад іншых.
Бізнесоўцы заўсёды былі ў авангардзе перамен.
У Беларусі 2020 год паказаў гэта яскрава: бізнес і фінансава незалежныя ад дзяржавы людзі бралі на сябе рызыкі, падтрымлівалі грамадства, выказвалі пазіцыю.
Мы ў АВВА працуем дзеля таго, каб беларусы не толькі захавалі і развілі свае бізнесы за мяжой, але і працягвалі заставацца часткай беларускай нацыі, былі верныя этычным прынцыпам. Бо наступны шанец, наступнае «акно магчымасцяў» павінна быць выкарыстанае намі па-максімуму.
Дабрабыт беларусаў – моцная будучыня!
Для нас вельмі важна, каб партнёры ва ўсім свеце бачылі Беларусь як частку Еўропы – з павагай да дэмакратыі, правоў чалавека, з адказнасцю і з этыкай. Мы павінны імкнуцца да таго, каб стаць больш адукаванымі, мацнейшымі, багацейшымі, згуртаванымі – з рашучасцю дзейнічаць.
Калі вы хочаце сумленна будаваць уласны бізнес, добра зарабляць, прадстаўляць сваю краіну і нацыю годна на міжнародным узроўні – станавіцеся часткай нацыянальнай бізнес-супольнасці АВВА!
Са святам! Жыве Беларусь!
