Бугуннинг мавзуси
Бугундан глобал тармоқнинг футболга оид хабарларини жиддийроқ кузатиб туринг.
Зотан, ёқимли бир ҳолатга гувоҳ бўласиз. Бугун Абдуқодир Европанинг гранд жамоасидаги дебютини амалга оширади. Ва сиз минтақа давлатларида яшовчи қардошларимизнинг футболчимизга қандай меҳру муҳаббат кўрсатишини кузатасиз: барча қардошларимиз Абдуқодирни худди ўзлариникидек, ўз халқининг боласидек ардоқлашади.
Бу юз йиллар айролиқда яшаган, кечагача бир-бирини камситган, сендан мен зўрман, қабилида айирмачиликка муккасидан кетган ва бу билан катта "оға"сидан сийлов олишга интилган халқларимиз ҳаётидаги тарихий бурилиш даври, десак бўлади.
Чунки бирлик, интеграция, деган ҳодисалар айни шундай самимий муносабатлардан униб чиқади.
@platformauzb
