((اعظم شهر))
رمــض وصـفـي نـيـتك خـليك ذكـار
وانـك مـعردد فانصحك لا عد تصوم
هـو شـهر من عمرك ولا قد سار سار
يــا تـسـتغله يــا قــرح سـمره ونـوم
نـستقبل اعـظم شـهر بـاستقبال حار
والـمـعـنويه عـالـيـه فـــوق الـغـيـوم
نـحـيـي بـتـقـوى الله لـيـلـه والـنـهار
ويـا رعـى الله مـن تـجمل فـيه يـوم
يـخـوضـه الـصـايم ثـلاثـين اخـتـبار
حـسبة نـجاح اهـله على قدر العزوم
لـيـله مــن الـدهـر ادخـرنـاها ادخــار
وخـيرها مـن الـف شـهر امـره يـدوم
ســلام حـتـى مـطـلع الـفـجر اعـتبار
والـروح فـيها والـملك طـافت قدوم
مــن يـمـنة الـسـبع الـطـرايق لـليسار
وفـود مـن ذا الـشان تـزحمها زحـوم
ويـنسدل عـن سـدرة الـغيب الـستار
لا سـربلت كـف الـرضا بـعد الـضموم
وحــايــم الــغـفـران طـــوف دار دار
ومـــن مــشـارق لا مـغـاربـها يـحـوم
يـنثر نـسيم الـفجر مـن عـقد الـمدار
عـلـى دثــار الـغـيم واكـلـيل الـنجوم
تـقـويـم بـرنـامج رجــال الله مـسـار
ولـخـيـر دور الـسـيـد الـمـلهم يـقـوم
مــن يــوم لا يــوم انـتظرناه انـتظار
من ساع لاساع ازفر الشوق الضروم
مـن درس لا درس اقـتدا ثـم اقتدار
مـن عسر لا يسر المسار اصبح لزوم
ومــن خـيـارٍ مــن خـيـارٍ مــن خـيار
ولـسـيد الـكـونين خـيـر امــه وقـوم
ويـجني الـمؤمن بـكور احـلى الـثمار
والـنـاصبي مــا شـمـها حـتى شـموم
حسن المهدي
19 شعبان 1446هـ