آلْرَغُوثْ .

لا جايني ولا رايح اني
يضحك وانه حزني بمكاني
وضليت اتاني وتشهد الناس
ولو ما احبه ما اتاني .
ورديت تعبان اني رديت
ما عندي بيت وحاسبك بيت
ضيم الله كله بگلبي خليت
مو مال احب شبيه حبيت
حبيت والمفروض ماحاب
مو شعري كلبي من الوجع شاب
من عطري ارشله يرشلي عطاب
متعوب گلبي جفوف حطاب
وادعي الله لا ينطي التريده
الما باچي ماسح دمعه بيده
بيه حچي يتعب الجريده
بحضني وتكلهم ما اريده
وهذا الحچي اول مره اگوله
كاره حياتي من الطفوله
الناس عبرت واني ضليت
محمل حزن بالخطوه الأولى
وهذا الكلب شيطفي ناره
وجهي اصفر گطوف الجكاره
مليت من كثر الخساره
ياهو الأجه وفك بيه ثاره
بشفتي الجكاره تبات كل يوم
وعيوني ما لايحهن النوم
من السهر تعبت الهدوم
يا ساعه وتشوفوني معدوم
وايا تعب روحي وفشلتي
شحچيلك انباگت ضحكتي
تحچي قبل كلشي دمعتي
الوكفت وياي امي وغرفتي .