Мир сегодня с "Юрий Подоляка"
Мир сегодня с "Юрий Подоляка"
View
Труха⚡️Україна
Труха⚡️Україна
View
Николаевский Ванёк
Николаевский Ванёк
View
Мир сегодня с "Юрий Подоляка"
Мир сегодня с "Юрий Подоляка"
View
Труха⚡️Україна
Труха⚡️Україна
View
Николаевский Ванёк
Николаевский Ванёк
View
Korrupsiyaga qarshi kurashish agentligi avatar
Korrupsiyaga qarshi kurashish agentligi
Korrupsiyaga qarshi kurashish agentligi avatar
Korrupsiyaga qarshi kurashish agentligi
​
05.05.202518:50
#videodayjest
Oʻtgan hafta davomida Korrupsiyaga qarshi kurashish agentligi faoliyatida ro'y bergan eng muhim xabarlar bilan hafta videodayjestida tanishing!
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
03.05.202510:07
Korrupsiyaga qarshi kurashish agentligi direktori Akmal Burxanov va Respublika Ishchi guruhi tomonidan Surxondaryo viloyatining Angor, Qiziriq va Sherobod tumanlarida korrupsiya xavfi yuqori sohalarda o‘rganishlar olib borildi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
Post media background
Post media
Post media background
Post media
Post media background
Post media
+1
29.04.202515:08
Surxondaryo viloyatida korrupsiyaga qarshi kurashish ishlari holati o‘rganilmoqda

Korrupsiyaga qarshi kurashish agentligi direktori Akmal Burxanov va Respublika Ishchi guruhi tomonidan Surxondaryo viloyatining Angor, Qiziriq va Sherobod tumanlarida korrupsiya xavfi yuqori sohalarda o‘rganishlar olib borilmoqda.

Tibbiyot muassasalaridagi o‘rganishlarda pullik va bepul tibbiy xizmatlar ko‘rsatish, dori-darmonlar bilan taʼminlash, ishga qabul qilish, davlat xaridlari va moliyaviy xarajatlar bo‘yicha korrupsiyaga olib keluvchilar omillar aniqlandi.


Banklarning hududiy filiallari tomonidan ko‘rsatilayotgan ayrim xizmatlarda inson omili yuqori ekanligi va raqamlashtirish ishlarining sustligi maʼlum bo‘ldi.

Ochiq tanlovlar yetarlicha tashkil etilmagani va aholiga bo‘sh ish o‘rinlari haqida maʼlumotlar o‘z vaqtida va to‘liq darajada yetkazilmayotgani bandlik bo‘limlari sustkashlik va masʼuliyatsizlik sifatida tanqid qilindi.

O‘rganishlar viloyatdagi taʼlim va tarbiya jarayonida ham shaffoflik, byudjet mablag‘larining maqsadli sarflanishi, pedagoglarga munosib shart-sharoitlar yaratish va raqamli texnologiyalarni joriy etish kabi yo‘nalishlarda yechimini kutayotgan masalalar borligini ko‘rsatdi.


Aniqlangan kamchiliklarni samarali hal etish bo‘yicha masʼullar bilan birgalikda zarur chora-tadbirlar belgilab olindi. Ularning ijrosi Agentlik tomonidan qatʼiy nazoratga olinadi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
Post media background
Post media
Post media background
Post media
Post media background
Post media
+2
25.04.202504:52
Joriy yil baholashda o‘tgan yilga nisbatan “yashil” toifada baholangan davlat idoralari ko‘lami 21 %ga ko‘payib, “qizil” toifadagilar 15 %ga (ijobiy o‘sish ko‘rsatkichlari bo‘yicha) kamaygan.

Tahlillar ko‘rsatishicha, bu yil reyting natijalari o‘rtacha 70 ballni tashkil etib, 2023-yilga nisbatan 8 ballga oshgan.

Eng yuqori samaradorlik ko‘rsatkichlari “Olmaliq kon-metallurgiya kombinati” AJ (91 ball), Soliq qo‘mitasi (90 ball), “O‘zavtosanoat” AJ (89 ball) va “Navoiy kon-metallurgiya kombinati” AJ (89 ball) tomonidan ko‘rsatilgan.

Eng yuqori ijobiy o‘sish “Uzbekistan Airways” AJ (+42 ball), Transport nazorati inspeksiyasi (+46 ball), Sport vazirligi (+47 ball), Qurilish va uy-joy kommunal xo‘jaligi vazirligi (+52 ball) tomonidan qayd etilgan.

Respublika darajasida Farmatsevtika tarmog‘ini rivojlantirish agentligi (32 ball), Gidrometeorologiya xizmati agentligi (45 ball), Oila va xotin-qizlar qo‘mitasi (50 ball) va Elektr energiyasi, neft mahsulotlari va gazdan foydalanishni nazorat qilish inspeksiyasi (51 ball) qayd etib, “qizil” toifada baholangan.

Yakuniy natijalar bilan https://index.aca.uz/rating orqali tanishish mumkin.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
22.04.202504:58
Korrupsiyaga qarshi kurashish agentligi direktori Akmal Burxanov va respublika ishchi guruhining sog‘liqni saqlash, bandlik, bank, maktabgacha va maktab taʼlimi sohalarida korrupsiyaga qarshi kurashish ishlari holati yuzasidan o‘rganishlari davom etmoqda.

Bu galgi manzil — Samarqand viloyatining Urgut tumani.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
21.04.202514:56
Korrupsiyaga qarshi kurashish agentligi korrupsiyaga qarshi kurashish bo‘linmalari faoliyatini muvofiqlashtirish va uslubiy taʼminlash, ularning xodimlarini stajirovka va attestatsiyadan o‘tkazish hamda malakasini oshirish bo‘yicha maxsus vakolatli organ etib belgilandi.

- markaziy apparatdagi korrupsiyaga qarshi kurashish bo‘linmalariga ilk marta lavozimga tayinlangan rahbar xodimlar – Agentlikda;

- hududiy va tizim tashkilotlarining korrupsiyaga qarshi kurashishga masʼul xodimlari –  markaziy apparatdagi korrupsiyaga qarshi kurashish bo‘linmalarida ikki haftalik stajirovka o‘taydi.

Agentlik:

- bo‘linmalar rahbar va xodimlarining har yili qisqa muddatli malaka oshirish kurslari hamda har uch yilda attestatsiyadan o‘tkazilishini tashkil etadi;

- bo‘linmalar rahbar va xodimlarini lavozimga tayinlash va ozod etishni Agentlik bilan kelishish tartibini, ular faoliyatining eng muhim samaradorlik ko‘rsatkichlari (KPI) hamda xodimlarning kasbiy standartlarini tasdiqlaydi.

Joriy yil 1-iyulga qadar “E-anticor.uz” elektron platformasida quyidagilar amalga oshirilishi ko'zlangan:

▫️korrupsiyaga qarshi kurashish bo‘linmalari rahbar va xodimlari elektron reyestrini yaratish;

▫️korrupsiyaga qarshi kurashish bo‘yicha qilingan ishlar haqidagi hisobotni elektron shaklda taqdim etish;

▫️anonim so‘rovnomalar o‘tkazib, natijalarini jamoatchilikka eʼlon qilish imkonini beruvchi elektron modulni ishga tushirish.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
Post media background
Post media
Post media background
Post media
Post media background
Post media
+2
05.05.202509:53
Qashqadaryo viloyatida korrupsiyaga qarshi kurashish ishlari holati bo'yicha o'rganish o'tkazildi

Qarshi shahri, Chiroqchi, Ko‘kdala, Yakkabog‘, G‘uzor tumanlarida sog‘liqni saqlash, bandlik, bank, qurilish, kadastr va maktabgacha taʼlim sohalarida korrupsiyaning oldini olish va unga qarshi kurashish yo‘nalishida bir necha muhim masala o‘z yechimini kutmoqda.

Korrupsiyaga qarshi kurashish agentligi direktori o‘rinbosari Umed Mavlyanov boshchiligidagi Ishchi guruhning Qashqadaryo viloyatida o‘tkazilgan o‘rganishlari natijasi shundan dalolat bermoqda.

O‘rganishlarda yuqorida qayd etilgan
korrupsiya xavfi yuqori sohalardagi 65 ta hududiy bo‘linma va mahallalar faoliyati qamrab olindi.

Ular tomonidan korrupsiyaga qarshi kurashish bo‘yicha olib borilayotgan ayrim ishlar samarali tashkil etilmaganligi, aholiga davlat xizmatlarini ko‘rsatish jarayonlarida “inson omili” hamon saqlanib qolayotganligini ko‘rsatdi.

Shu bois
davlat rahbari tomonidan belgilab berilgan vazifalardan
kelib chiqib, ushbu hududlarda korrupsiyaga qarshi kurashish tizimini tubdan qayta ko‘rib chiqish bo‘yicha masʼullar bilan zarur vazifalar belgilab olindi.


Ushbu vazifalar sohalarda aniqlangan korrupsiyaviy omillarni bartaraf etish, raqamlashtirish ishlarini kuchaytirish, byurokratik tartiblarni bekor qilish, qonun ustuvorligini taʼminlash, aholining korrupsiyaga qarshi murosasizligini oshirish bo‘yicha aniq chora-tadbirlarni nazarda tutadi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
Post media background
Post media
Post media background
Post media
Post media background
Post media
+2
02.05.202515:07
Bugun "Yangi O‘zbekiston" universitetida "Korrupsiyaga qarshi kurashish bo'yicha xakatonga start berildi

Mazkur tadbir Korrupsiyaga qarshi kurashish agentligi tomonidan IT-Park, "Yangi O‘zbekiston" universiteti va “Navoiy kon-metallurgiya kombinati” AJ hamkorligida tashkil etildi.

Maqsad —
korrupsiyaga toqatsiz yangi avlodni tarbiyalash, talaba va yoshlarning korrupsiyaga qarshi loyihalari, startap va innovatsion tashabbuslarini qo‘llab-quvvatlash bo‘yicha davlatimiz rahbari tomonidan belgilab berilgan vazifalar ijrosini taʼminlash.

Tanlovda uch kun mobaynida yosh dasturchilar ochiq ma’lumotlardan foydalangan holda korrupsiyaga qarshi samarali va innovatsion yechimlar — dasturiy ta’minotlar, onlayn platformalar ishlab chiqish bo‘yicha yakka va jamoaviy holda o'zaro bellashadi.

G‘oliblar Gonkongda bo‘lib o‘tadigan
Osiyo yoshlar korrupsiyaga qarshi kurashish xakatoni
(“Coding4Integrity” )da O‘zbekiston nomidan ishtirok etish imkoniyatiga ega bo‘ladi.

Xakaton tafsilotlari rasmiy sahifalarimiz orqali yoritib boriladi.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
28.04.202517:21
#videodayjest
Oʻtgan hafta davomida Korrupsiyaga qarshi kurashish agentligi faoliyatida ro'y bergan eng muhim xabarlar bilan hafta videodayjestida tanishing!
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
Post media background
Post media
25.04.202504:48
2024-yil yakunlari bo‘yicha Ochiqlik indeksi eʼlon qilindi

Korrupsiyaga qarshi kurashish agentligida ochiqlikni taʼminlash sohasida amalga oshirilayotgan ishlarning samaradorligi va natijadorligini baholash komissiyasining yig‘ilishi bo‘lib o‘tdi.

Yig‘ilishda O‘zbekiston Respublikasi Prezidentining PF-154-son Farmoniga muvofiq, 2024-yil yakunlariga ko‘ra davlat organlari va tashkilotlarida ochiqlik bo‘yicha amalga oshirilgan ishlarning samaradorligi va natijadorligini baholashga qaratilgan Ochiqlik indeksi asosida to‘plangan barcha ko‘rsatkichlar atroflicha muhokama qilinib, yakuniy natijalar ko‘rib chiqildi.

Maʼlumot o‘rnida:
 Indeks 84 ta baholash mezonidan tarkib topgan 8 ta indikator asosida shakllantirilib kelinmoqda. Bu yilgi baholashda jami 98 ta ta respublika ijro etuvchi hokimiyat organlari – vazirlik, qo‘mita, agentlik, inspeksiyalar va mahalliy davlat hokimiyati organlari faoliyati qamrab olindi.

Baholash natijalariga ko‘ra, 50 ta davlat organi “yashil” (2023-yilda 31 ta), 35 tasi “sariq” (43 ta) va 13 tasi “qizil” (29 ta) samaradorlik ko‘rsatkichlarini qayd etdi.

Yakuniy natijalar bilan https://index.aca.uz/rating orqali tanishish mumkin.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
21.04.202515:45
2026-yil 1-yanvarga qadar vazirlik va idoralar, mahalliy hokimliklar tomonidan ko‘rsatiladigan barcha davlat xizmatlarini tuman (shahar) kesimida aholining o‘zi baholaydigan tizim joriy etiladi.

Aholi tomonidan “qoniqarsiz” deb baholangan davlat xizmatlarini ko‘rsatuvchi vazirlik, idora rahbarlari hamda tuman (shahar) hokimlarining shaxsiy javobgarligi belgilanadi.

Sunʼiy intellekt asosida aholining kundalik hayotida uchraydigan savollariga mobil telefon orqali sodda va qulay shaklda javob olish imkoniyatini beradigan onlayn platforma ishga tushiriladi.

Shuningdek, Farmon bilan korrupsiyaga qarshi kurashish samaradorligini oshirish bo‘yicha yil yakuniga qadar ishlab chiqilishi lozim bo‘lgan 21 ta normativ-huquqiy hujjat loyihalari ro‘yxati tasdiqlandi.

Vazirlik va idoralar rahbarlari mazkur Farmon va uning doirasida belgilangan vazifalarni sifatli, o‘z vaqtida va so‘zsiz bajarilishi yuzasidan shaxsan javobgar bo'ladi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
21.04.202514:47
2027-yil 1-yanvargacha huquqiy eksperiment tariqasida:

▫️Sog‘liqni saqlash, Qurilish va uy-joy kommunal xo‘jaligi , Suv xo‘jaligi vazirliklari, “O‘zbekneftgaz” va “O‘zsuvtaʼminot” AJlarning korrupsiyaga qarshi kurashish bo‘linmalari Korrupsiyaga qarshi kurashish agentligiga o'tkaziladi;

Ular bevosita Agentlikka bo‘ysunadi, shuningdek, faoliyatini tashkil etish, muvofiqlashtirish va monitoring qilish eksperiment o‘tkaziladigan tashkilotlar bilan birgalikda amalga oshiriladi;

Mazkur bo'linmalar rahbarligiga Agentlik xodimlari tayinlanadi va ularga Agentlikning bo‘lim boshlig‘iga belgilangan mehnatga haq to‘lash, moddiy rag‘batlantirish va ijtimoiy himoya qilish shartlari qo‘llaniladi.

Agentlik huquqiy eksperimentning amalga oshirilishi haqida har yarim yilda Korrupsiyaga qarshi kurashish milliy kengashiga axborot kiritib boradi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
Post media background
Post media
05.05.202507:18
Oliy Majlis huzuridagi Fuqarolik jamiyati institutlarini qo‘llab-quvvatlash jamoat fondi tomonidan nodavlat notijorat tashkilotlari uchun "Korrupsiya – jamiyat taraqqiyotining kushandasidir” mavzusi uchun davlat granti tanlovini eʼlon qildi.

Tanlovda Respublikaning 14 ta hududidagi fuqarolik jamiyati institutlari ushbu mavzuga qaratilgan muhim ijtimoiy ahamiyatga molik loyihalari bilan ishtirok etishi mumkin.

Bitta loyiha uchun ajratiladigan grant miqdori — 200 000 000 so‘mgacha.


Tanlovda ishtirok etish talablari va shartlari bilan ushbu havola orqali tanishish mumkin.

Shuningdek, Jamoat fondining hududiy bo’linmalari tomonidan e’lon qilingan grant tanlovlarida ham korrupsiyaga qarshi kurashish mavzusi kiritilgan.

Bitta loyiha uchun ajratiladigan
grant miqdori — 150 000 000 so‘mgacha
.


Arizalarni qabul qilish muddati — 30-may (soat 18:00 gacha).
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
02.05.202506:33
Korrupsiyaga qarshi kurashish agentligi va Yaponiya xalqaro hamkorlik agentligi hamkorligida davlat xaridlari sohasida korrupsiyaning oldini olish masalalariga bag'ishlangan qo‘llanma yaratildi.
Unda davlat xaridlari jarayonida eng ko‘p uchraydigan korrupsiya holatlari, muammoli vaziyatlar va ularning yechimlari
O‘zbekiston hamda Yaponiya tajribasidagi aniq amaliy misollar orqali tushuntirilgan.

Bu ayniqsa, davlat tashkilotlarining korrupsiyaga qarshi kurashish ichki nazorat tuzilmalari, audit xodimlarining faoliyati uchun muhim va foydalidir.

Qoʻllanmalarni ushbu havola orqali yuklab olish mumkin.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
Post media background
Post media
28.04.202511:24
Korrupsiyaga qarshi kurashish to‘g‘risidagi milliy maʼruzani Parlamentga taqdim etishning aniq muddatlari belgilanmoqda

"O‘zbekiston Respublikasining ayrim qonun hujjatlariga O‘zbekiston Respublikasida korrupsiyaga qarshi kurashish to‘g‘risidagi milliy maʼruzani ko‘rib chiqish tartibini takomillashtirishga qaratilgan qo‘shimchalar kiritish haqida"gi qonuni loyihasi jamoatchilik muhokamasiga qo‘yildi.

Maʼlumot o‘rnida:
 Davlat rahbarining 2020-yil 29-iyundagi PF– 6013-son Farmoniga muvofiq, Korrupsiyaga qarshi kurashish agentligi har yili ommaviy axborot vositalari orqali eʼlon qilinishi lozim bo‘lgan O‘zbekiston Respublikasida korrupsiyaga qarshi kurashish to‘g‘risida milliy maʼruzani tayyorlaydi hamda uni ko‘rib chiqish uchun O‘zbekiston Respublikasi Prezidenti va Oliy Majlis palatalariga kiritadi.

Yangi tahrirdagi Konstitutsiyaning 93-moddasida Milliy maʼruzani Oliy Majlis palatalari tomonidan eshitish instituti Konstitutsiya darajasida mustahkamlandi.

Qonun loyihasi bilan Milliy maʼruzani Oliy Majlis palatalariga taqdim etish muddati har yili 1-aprelgacha etib belgilanmoqda.

Uni ishlab chiqishda korrupsiyaga qarshi kurashish sohasida ilg‘or tajribaga ega bo‘lgan xorijiy davlatlar, jumladan, Janubiy Koreya, Gruziya, Qozog‘iston, Sloveniya, Armaniston kabi davlatlarning tajribasi o‘rganildi.

🗓Jamoatchilik muhokamasi joriy yilning 9-may sanasiga qadar davom etadi.

Maʼlumot o‘rnida: Agentlik tomonidan shu paytga qadar
uchta
Milliy maʼruza tayyorlangan.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
Post media background
Post media
24.04.202514:37
Jizzax viloyatida korrupsiya yuqori bo‘lgan sohalarda o‘rganishlar o‘tkazilmoqda

Jizzax shahri, Sharof Rashidov, Bahmal, G‘allaorol tumanlarida sog‘liqni saqlash, maktabgacha va maktab taʼlimi, bandlik, bank, kadastr, qurilish sohalarida korrupsiyaning oldini olish choralari qay darajada samarali yo‘lga qo‘yilgan?

Bu borada Korrupsiyaga qarshi kurashish agentligi direktori o‘rinbosari Umed Mavlyanov va Respublika Ishchi guruh tomonidan o‘rganish olib borilmoqda.

Ishchi guruhning Milliy bank, Mikrokreditbank, Asakabank, Agrobank va Xalq bankining hududiy filiallaridagi o‘rganishlarida bank xizmatlari, xususan, imtiyozli kredit mablag‘lari ajratish jarayonida inson omilining ustuvorligi va raqamlashtirishning to‘liq joriy etilmagani korrupsiyaviy xavflarni oshirishi qayd etildi.

Jizzax shahridagi Kardiologiya markazi va akusherlik kompleksi, Sharof Rashidov tumanidagi 29-sonli oilaviy poliklinika va tug‘ruq kompleksi, G‘allaorol tumani tibbiyot birlashmasida o‘tkazilgan o‘rganishlarda qator kamchiliklar aniqlandi.

Pullik va bepul tibbiy xizmatlarning ochiq va adolatli taqsimlanmasligi, xodimlarni ishga qabul qilishda oshkoralikning yetishmasligi, davlat xaridlari va moliyaviy xarajatlar ustidan nazoratning sustligi shular jumlasidandir.

Kambag‘allikni qisqartirish va bandlik bo‘limlari tomonidan ochiq tanlovlarning yetarli darajada tashkil etilmagani hamda bo‘sh ish o‘rinlari haqidagi maʼlumotlar esa aholiga yetarli darajada yetkazilmayotgani maʼlum bo‘ldi.

Maktabgacha va maktab taʼlimi tizimida taʼlim-tarbiya jarayonida shaffoflik, byudjet mablag‘larining maqsadli sarflanishi, pedagoglarga munosib shart-sharoitlar yaratish va raqamli texnologiyalarni joriy etish kabi yo‘nalishlarda masʼuliyatsizlik va sustkashliklarga yo’l qo’yilgan.

Masʼullar bilan birga yuqorida qayd etilgan kamchiliklarni tezkor bartaraf etish hamda kelgusida yo‘l qo‘ymaslik yuzasidan zarur chora-tadbirlar belgilab olindi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
21.04.202515:38
Davlat xaridlarida sotib olinadigan tovar va xizmatlar narxi hamda uning o‘rtacha bozor narxi o‘rtasidagi tafovutning eng ko‘p yo‘l qo‘yiladigan chegarasidan chetga chiqqan holda xaridlarni amalga oshirgan mansabdor shaxslar javobgarlikka tortiladi.

2025-yilning 1-iyulidan yirik investitsiya loyihalarida korrupsiyaga qarshi xalqaro standartlar hamda yirik auksion shartlarini raqobatbardoshlik ekspertizasidan o‘tkazish tartibi joriy etiladi.

“Shaffof qurilish” milliy axborot tizimi qamrovi yanada oshirilib, bosqichma-bosqich xalqaro tashkilotlar ishtirokidagi loyihalarga joriy qilinadi.

Byudjet va byudjetdan tashqari mablag‘lar hisobidan asosiy vositalarni xarid qilish bo‘yicha talablar kuchaytiriladi.

Davlat buyurtmachilari tomonidan to‘g‘ridan-to‘g‘ri shartnomalar bo‘yicha xarid qilinadigan tovarlar (ishlar, xizmatlar) turlarini kamida ikki karra qisqartirish choralari ko'riladi.

Shuningdek:

2025-yil yakuniga qadar xalqaro tender obyektlari bo‘yicha subpudratchilarni “Shaffof qurilish” tizimi orqali jalb qilish, qiymati 2 mln AQSH dollarigacha bo‘lgan xalqaro moliya tashkilotlar hisobidan moliyalashtiriladigan mahalliy tenderlarni “Shaffof qurilish” tizimida o‘tkazish hamda xalqaro tenderlar bo‘yicha jalb qilingan chet el pudrat tashkilotlari shartnoma qiymatining kamida 60 foizini o‘z kuchi bilan bajarish tartibi joriy etiladi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
21.04.202514:42
Qaror bilan Davlat organlari va tashkilotlarining korrupsiyaga qarshi kurashish bo‘linmalarini tashkil etishning minimal mezonlari tasdiqlandi.

Unga ko'ra:

☑️hududiy tuzilmalar va tarkibiy tashkilotlar mavjud bo‘lmagan davlat tashkilotlarining markaziy apparati shtat birligi soni:

➖150 tagacha bo'lsa, 1 nafar masʼul xodim;

➖150-400 gacha bo'lsa, markaziy apparatda 2 nafar xodimdan iborat bo‘linma;

➖400 va undan ortiq bo'lsa, markaziy apparatda 3 nafar xodimdan iborat bo‘linma faoilyat yuritadi.

☑️hududiy tuzilmalar va tarkibiy tashkilotlar mavjud bo‘lgan davlat tashkilotlarining markaziy apparati shtat birligi soni:

➖150 tagacha bo'lsa, markaziy apparatda 2 nafar xodimdan iborat bo‘linma, har bir hududiy tuzilma va tarkibiy tashkilotlarda 1 nafardan masʼul xodim;

➖150-400 gacha bo'lsa, markaziy apparatda 3 nafar xodimdan iborat bo‘linma, har bir hududiy tuzilma va tarkibiy tashkilotlarda 1 nafardan masʼul xodim;

➖400 va undan ortiq bo'lsa, markaziy apparatda 4 nafar xodimdan iborat bo‘linma, har bir hududiy tuzilma va tarkibiy tashkilotlarda1 nafardan masʼul xodim faoliyat yuritadi.

Davlat organlari va tashkilotlari xodimlarining belgilangan umumiy soni va ajratilgan mablag‘lar doirasida o‘zlarining korrupsiyaga qarshi kurashish bo‘linmalari uchun ushbu minimal mezonlarda nazarda tutilganidan ko‘proq shtat birliklarini belgilashi mumkin.

Agar davlat organlari va tashkilotlarining hududiy tuzilmasida umumiy shtatlar soni 100 ta va undan kam bo‘lsa, ushbu hududiy tuzilmaning korrupsiyaga qarshi kurashish faoliyati davlat organi va tashkilotining markaziy apparatidagi korrupsiyaga qarshi kurashish bo‘linmasi tomonidan amalga oshiriladi. 

Agar davlat organlari va tashkilotlari tizimidagi tarkibiy tashkilotning shtatlar soni 100 ta va undan kam bo‘lsa hamda tarkibiy tashkilotning o‘zida hududiy yoki tarkibiy tashkilotlar mavjud bo‘lmasa, ushbu tarkibiy tashkilotning korrupsiyaga qarshi kurashish faoliyati davlat organi va tashkilotining Markaziy apparatidagi korrupsiyaga qarshi kurashish bo‘linmasi tomonidan amalga oshiriladi.

Agar tizimdagi tarkibiy tashkilotning umumiy shtatlar soni 400 va undan ortiq bo‘lsa, yuqoridagilarga asosan minimal mezonlar tadbiq etiladi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
Post media background
Post media
Post media background
Post media
Post media background
Post media
+3
04.05.202515:36
“Korrupsiyaga qarshi kurashish bo‘yicha xakaton” g‘oliblari taqdirlandi

Xabaringiz bor, Agentlik tomonidan IT-Park, "Yangi O‘zbekiston" universiteti va “Navoiy kon-metallurgiya kombinati” AJ hamkorligida “Korrupsiyaga qarshi kurashish xakatoni” tashkil etilgan edi.

2-may kuni start berilgan xakaton bugun oʻz nihoyasiga yetdi. 3 kun mobaynida 150 ga yaqin yosh dasturchilar o‘zaro bellashdi.

Final bosqichida jamoalarning loyihalari yuzasidan taqdimot va dasturiy mahsulotlari ekspertlar tomonidan baholandi.

Xakaton shartlariga ko‘ra, ishtirokchilar tomonidan ochiq ma’lumotlardan foydalangan holda quyidagi yo‘nalishlarda oid yechimlar ishlab chiqildi:

- davlat xaridlari, sport,qurilish, moliya va sug‘urta tizimlarida korrupsiyaning oldini olish;

- korrupsiyaga qarshi kurashishga aholi va yoshlarni jalb etish;

- ochiq ma’lumotlar orqali korrupsiyani kamaytirishga qaratilgan boshqa yondashuvlar.

Xakaton yakuniga ko‘ra quyidagi jamoalar gʻolib deb topildi:

1-o‘rin “Uzinfocom” (Davlat xaridlarida manfaatlar to‘qnashuvini oldini olish);

2-o‘rin “Equilibrium” (ML algoritmlari orqali davlat xaridlari va boshqa auksionlarda korrupsion xavf-xatarlarni aniqlash tizimi);

3-o‘rin “Austrum team” (“Xaj” va “Umra” ziyorat tadbirlarini tashkil etish jarayonlarini raqamlashtirish).


Tanlov g‘oliblari tashkilotchilar tomonidan esdalik sovg‘alari bilan taqdirlandi.

G‘olib jamoa joriy yilning sentabr oyida Gonkongda bo‘lib o‘tadigan Osiyo yoshlar korrupsiyaga qarshi kurashish xakatoni (“Coding4Integrity”)da O‘zbekiston nomidan ishtirok etish imkoniyatini qo‘lga kiritdi.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
Post media background
Post media
Post media background
Post media
Post media background
Post media
+2
01.05.202511:20
Farg‘ona viloyatida korrupsiyaga qarshi kurashish holati Milliy kengash sayyor majlisida muhokama qilindi

Bugun Oltiariq tumanida Oliy Majlis Senati Raisi Tanzila Narbayeva boshchiligida Korrupsiyaga qarshi kurashish milliy kengashining sayyor majlisi bo‘lib o‘tdi.

Majlisda Korrupsiyaga qarshi kurashish agentligi direktori Akmal Burxanov Respublika idoralararo ishchi guruhi tomonidan viloyatda korrupsiyaga qarshi kurashish ishlari holati bo‘yicha o‘tkazilgan o‘rganish yakunlari yuzasidan axborot berdi.

Joriy yilning 24-28 mart kunlari
Farg‘ona, Qo‘qon, Marg‘ilon shaharlari, Uchko‘prik, Buvayda, Rishton, Oltiariq tumanlarida sog‘liqni saqlash, bandlik, bank, qurilish, kadastr, maktabgacha va maktab taʼlimi sohalariga oid 40 dan ortiq obyekt va mahallalarda o‘rganishlar olib bordik.

O‘rganishlarimiz mazkur sohalarda korrupsiyani keltirib chiqaruvchi omillarning oldini olish va bartaraf etish, raqamlashtirish, "inson omili"ni kamaytirish bo‘yicha ko‘plab masalalar eʼtibordan chetda qolayotganini, yechimini kutayotgan va kechiktirib bo‘lmaydigan vazifalar mavjudligini ko‘rsatdi. Bularning asosiy sababi mutasaddi rahbarlarning masʼuliyatsizligi va eʼtiborsizligi bilan bog'liq
— deya ta'kidladi Akmal Burxanov.

Masʼuliyatsizlikka yo‘l qo‘ygan rahbarlarga nisbatan qatʼiy chora ko‘rish bo‘yicha Milliy kengashga taklif kiritildi.

Qayd etilgan kamchilik va muammolar, ularni samarali hal etish choralari yuzasidan mas'ul rahbarlar tushuntirish berdi.

Yig‘ilishda Oltiariq tumanini “Korrupsiyadan xoli hudud”ga aylantirishga oid alohida amaliy chora-tadbirlar belgilandi.


Korrupsiyaga qarshi kurashish agentligi va Milliy kengash masʼul vazirlik, idoralar tomonidan mazkur loyiha doirasida belgilangan vazifalarning o‘z vaqtida va sifatli bajarilishini taʼminlaydi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
28.04.202507:06
Korrupsiyaga qarshi kurashish agentligi direktori Akmal Burxanov boshchiligidagi Respublika ishchi guruhi Samarqand viloyatining Payariq, Jomboy tumanlarida o‘rganish o‘tkazdi.

O‘rganish mobaynida sog‘liqni saqlash, bandlik, bank, maktabgacha va maktab taʼlimi tizimida korrupsiyaga qarshi kurashish holati o‘rganilib, soha rahbarlari hamda xodimlar bilan bevosita muloqotlar o‘tkazildi.

Aniqlangan kamchiliklar, tizimli muammolar va ularning sabablari chuqur tahlil qilinib, masʼul idoralar va mutasaddilarga tegishli tavsiyalar, aniq vazifalar berildi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
23.04.202507:32
Mamlakatimizda korrupsiyaga qarshi kurashish bo‘yicha yangi tizimni joriy etishga qaratilgan ikki muhim hujjat — farmon va qaror qabul qilindi.

Ushbu illatga qarshi kurashni kuchaytirishda qanday yangilik va o‘zgarishlar ro‘y beradi?


Bu jarayonda vakolatli organlar, parlament, komplayens-nazorat tuzilmalari, jamoatchilik hamda fuqarolik jamiyati institutlari zimmasidagi masʼuliyat va vazifalar nimalardan iborat?

Bu haqda Axborot 24 dasturida mutaxassislar sharhi bilan tanishing.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
Post media background
Post media
21.04.202515:32
"Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida"gi Farmon qabul qilindi.

Farmonga ko‘ra, joriy yil 5-mart kuni Korrupsiyaga qarshi kurashish milliy kengashi yig‘ilishida belgilab berilgan ustuvor vazifalar ijrosini samarali tashkil etish maqsadida:

▫️Milliy kengash har yili hududlar kesimida korrupsiyaning oldini olish bo‘yicha “yo‘l xarita”sini tasdiqlaydi va ijrosini nazorat qilib boradi;

▫️Oliy Majlis palatalari har yili byudjetdan eng ko‘p mablag‘ oladigan 3 ta vazirlik va idorada korrupsiyaviy omillarni aniqlab, ularni bartaraf etish bo‘yicha takliflar ishlab chiqadi;

▫️vazir va hokimlar lavozimiga nomzodlar tegishlicha Qonunchilik palatasi va xalq deputatlari Kengashida ko‘rib chiqilayotganda ular tomonidan korrupsiyaning oldini olish bo‘yicha aniq rejasi himoya qilinishi yo‘lga qo‘yiladi;

▫️xalqaro tajriba asosida kibermakonda korrupsiyaga qarshi samarali kurashish bo‘yicha mustahkam huquqiy baza yaratish yuzasidan takliflar ishlab chiqiladi.

▫️“Jinoyatchilikka qarshi kurashish haftaligi” davomida har oyning 1–5 sanalarida reja asosida “qizil” toifadagi mahallalarga tushib, jinoyatlarning kelib chiqish sabablari chuqur tahlil qilinib, hududlardagi prokurorlar va ichki ishlar organlari boshliqlari faoliyati samaradorligini oshirish choralari ko‘riladi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
Post media background
Post media
21.04.202514:41
"Korrupsiyaga qarshi kurashishda davlat organlari va tashkilotlarining ichki nazorat tuzilmalari mustaqilligi hamda faoliyati samaradorligini taʼminlash chora-tadbirlari to‘g‘risida"gi Prezident qarori qabul qilindi.

Quyidagilar korrupsiyaga qarshi kurashish bo‘linmalarining ustuvor vazifalari etib belgilandi:

➖korrupsiya holatlarini barvaqt aniqlash va oldini olish, ularning sabab va shart-sharoitlarini bartaraf etish;

➖davlat xizmatlarini ko‘rsatishda korrupsiyaviy omillarni bartaraf etish, raqamlashtirish, byurokratiyani qisqartirish bo‘yicha takliflar ishlab chiqish;

➖davlat xaridlarini amalga oshirishda manfaatlar to‘qnashuviga yo‘l qo‘ymaslik choralarini ko‘rish, davlat xaridlari bo‘yicha preventiv o‘rganishlarni amalga oshirish;

➖mehnat jamoasida korrupsiyaga nisbatan murosasiz munosabatni shakllantirish, manfaatlar to‘qnashuvi va odob-axloq qoidalari bo‘yicha targ‘ibot va tashviqot ishlarini olib borish.

Korrupsiyaga qarshi kurashish bo‘linmalari bevosita tashkilotning birinchi rahbariga, ustav fondida davlat ulushi 50 foiz va undan ortiq bo‘lgan xo‘jalik jamiyatlarida esa kuzatuv kengashiga bo‘ysunadi va uning oldida hisobdor bo‘ladi;

Tuzilmaning barcha darajadagi rahbar va xodimlari respublika darajasidagi davlat organlari va tashkilotlarining birinchi rahbarlari tomonidan tayinlanadi.

Korrupsiyaga qarshi kurashish agentligining xodimlarni moddiy rag‘batlantirish to‘g‘risidagi taqdimnomalari ular faoliyat olib borayotgan davlat organlari va tashkilotlari tomonidan ko‘rib chiqilishi majburiy hisoblanadi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt
Shown 1 - 24 of 118
Log in to unlock more functionality.