🅰️🅰️❎🅰️🅰️🅰️🅰️🅰️🅰️
🚲Kamoliddin Behzod nomidagi Milliy rassomlik va dizayn institutida talabalarning nazariy bilimlarini mustahkamlashga alohida e’tibor qaratilmoqda. Shu ma’noda san’atshunos va muzeyshunos talabalarning kuratorlik faoliyati, art menejmenti sifatida bilim va ko‘nikmalarini amaliyotga joriy etish maqsadida loyihalar o‘tkazildi.
🤽San’atshunoslik va muzeyshunosik fakulteti San’atshunoslik (tasviriy va amaliy san’at) yo‘nalishi 3-bosqich talabasi Go‘zal Bokiyeva tomonidan “Teatr va rassom” nomli kuratorlik ko‘rgazmasi tashkil etildi. Ko‘rgazmada Teatr bezagi rangtasviri kafedrasi professor-o‘qituvchilari, bitiruvchilarining diplom ishlari, talabalarning ijodiy asarlari namoyish etildi.
🚲“Teatr va rassom” ko‘rgazmasi kuratori Go‘zal Bokiyevaga Kamoliddin Behzod nomidagi Milliy rassomlik va dizayn instituti rektori A.Mirzoraximovning tabrigi va diplom topshirildi.
🚴Ko‘rgazmada so‘zga chiqqan Tasviriy san’at fakulteti dekani O.Abdullayev, San’atshunoslik va muzeyshunoslik fakulteti dekani E.Mulladjanov, San’at tarixi va nazariyasi kafedrasi mudiri N.Kultasheva, Teatr bezagi rangtasviri kafedrasi mudiri R.Biktimirov, O‘zbekiston xalq rassomi, professor B.Nazarov, O‘zbekiston san’at arbobi, professor Sh.Abudmalikovlar tomonidan loyihaning amaliy ahamiyati, yosh san’atshunoslar va rassomlar ijodiy hamkorligining ijobiy natijalari haqida iliq fikrlar bildirdi.
