Product managementda ilk qadamlarda men qilgan 5ta xato
1. Foydalanuvchilar bilan muloqot qilmaganman
Mahsulotimiz foydalanuvchilari kimligini, ularning ehtiyojlari va muammolarini tushunmaganman. Men faqat taxminlar va noto‘g‘ri farazlar (когнитивные искажения) asosida qarorlar qabul qilganman, bu esa ko‘plab xatolarga olib kelgan.
2. Keraksiz funksiyalarni ishlab chiqishga topshirganman
Bu xato birinchi xatodan kelib chiqqan – product discovery yo‘qligi sababli funksiyalar haqiqatan ham foydalanuvchilarga kerakmi yoki yo‘qmi, tekshirmaganman. Bundan tashqari, ularning biznesga qanday natija olib kelishini ham baholamaganman. Muhimi – jamoani band qilish deb o‘ylaganman…
3. Jamoaning e’tiborini asosiy metrikaga qaratmaganman
Ko‘plab metrikalar va dashboardlar orasida yo‘qolib qolganman. Natijada, muhim bo‘lgan narsaga e’tibor qaratmaganim uchun vaqt va mablag‘ sarflangan, lekin natija kutilgandaka bo‘lmagan.
4. Dasturchilarni mahsulot ustida ishlash jarayoniga jalb qilmaganman
Dasturchilar faqat kod yozishni yoqtiradi deb o‘ylaganman va mahsulotning biznes tomoni ularga qiziq emas deb hisoblaganman. Keyin esa, aksincha, ularni mahsulot va foydalanuvchilar muammolariga yaqinlashtirish mahsulot metrikalarining o‘sishiga olib kelishini tushunganman. Komandaga foydalanuvchilar muammolarini olib kelganman, keyin birgalikda muammolarga yechim topganmiz.
5. Mas’uliyat olishdan qo‘rqqanman va mustaqil qaror qabul qilmaganman
Ilk bosqichda men doim CPO va founder bilan maslahatlashganman, chunki noto‘g‘ri qaror qabul qilishdan cho’chiganman va javobgarlikni ularga yuklamoqchi bo‘lganman.
Keyinchalik, rahbarim: “Xato qilish – bu normal holat. Muhimi – to‘xtab qolmaslik va ko‘proq gipotezalarni tekshirish” - degan.
Tepadagi xatolar juda “og’riqli” bo’lgan. Lekin ular menga katta saboq bo’lgan.
@latipovasamira
