Фармон ёки қарор бўлиб чиқишини кутиш керак.
Президентимизнинг яқинда кичик ва ўрта бизнес вакиллари билан учрашувида корхоналарни ихтиёрий тугатиш жараёни соддалашиши эълон қилинди. Охирги 3 йиллик айланмаси 10 миллиард сўмдан ошмаган, солиқдан қарзи бўлмаган корхонани ихтиёрий тугатишда текширув ўтказилмайди дейилди. Кўпчилик энди тугатишга ариза берамиз-у ёпамиз деб ўйлади. Лекин ҳар доим расмий ҳужжат чиқишини кутиш керак. Чунки одатда расмий ҳужжатларда нималардир қўшилиб қолади ёки олиб ташланиб, доира торайтирилади.
Фармонга (ПФ-50, 19.03.2025 й.) кўра 2025 йил 1 сентябрдан бошлаб қуйидаги мезонларга бир вақтнинг ўзида жавоб берувчи кичик ва ўрта бизнес субъектларининг фаолиятини ихтиёрий равишда тугатишда солиқ текшируви ўтказилмайди:
- охирги 3 йилда товарларни (хизматларни) реализация қилишдан олинган жами даромади 10 миллиард сўмдан ошмаган;
- бюджет ва кредиторлар олдида қарздорлиги мавжуд бўлмаган ҳамда мунтазам равишда солиқ ҳисоботларини тақдим этаётган;
- “Хавфни таҳлил қилиш” электрон тизимида ҳуқуқбузарлик содир этиш хавфи паст даражада таснифланган.
Шу учинчи мезонга асосан деб хоҳлаган корхонда якуний солиқ текшируви ўтказилиши мумкин. Лекин барибир яхши хабар бўлди. Атиги 15-20 млн сўм айланмага эга, лекин 2 йилдан бери якуний текширув ўтказилмасдан қолиб кетаётган корхоналар анчагина эди.
@avantaj_buxgalteriya
