ጌታችን ሐዋርያትንና የሚከተለውን ሕዝብ ዓሳ በሚያበላበት ወቅት ጾም አልንበረም። ይህ ነገር ግራ እንዲያጋባን ያደረገን እርሱ አምስት ዓሳንና ሁለት እንጀራ አበርክቶ የመመገቡን ነገር የምንዘክረው እኛ የአብይን ፆም በምንጾምበት ወቅት ስለሆነ ይህን ፆም ደግሞ ጌታችን ፆሞታል ስለምንል ይመስለኛል ነገር ግን ጌታችን አሳውን የመገባቸው እርሱ በፆመበት ወቅት አይደለም ጌታችን አርባ ቀኑንና አርባ ሌሊቱን ሲፆም ለብቻው ከሰው ሳይገናኝ በገዳመ ቆሮንጠስ ነው እንጂ ከሐዋርያቱና ከሕዝቡ ጋር በከተማ አይደለም።

በተጨማሪም ሊቁ ቅዱስ ዮሐንስ አፈወርቅ በተግሳፁ አንዳስቀመጠው "ስለ ፆም ክርክር በተነሳ ጊዜ ሁሌም ቢሆን ለፆም አድሉ " እንዳለ እንደው ማስረጃ ባይኖር እንኳ ሁል ጊዜ ለፆም ማድላት ይኖርብናል ምክንያቱም ለምሳሌ አሳን በፆም ብንበላ ከፆሙ በረከት ሱታፌ እናጣለን እንጂ አንጠቀምም ባንበላው ግን የሚጎልብን ነገር ሳይኖር ተጨማሪ በረከትን እናፍሳለንና ነው።