Фахриёр
29.04.202517:16
Reposted from:
Farrux Jabborbek
14.04.202509:44
#adabiyot
#kino
#matbuot
#tarix
Murod Muhammad Doʻstning bu surati "JannatMakon" jurnali uchun olingan. Muqovaga ham bermoqchi boʻlganmiz (shu syomkadan boshqa fotoni). Faxriyor suhbat qilgan edi. Ammo-lekin-biroq Gulnora Karimovaning shotirlari taqiqlagan. Sababi Murod Muhammad Doʻst kinorahbar payti ularning xontaxta filmlarini qaytargan ekan. Mana, qora roʻyxatlar qanday paydo boʻladi. Suhbat biror yildan soʻng "Yoshlik" jurnalida chiqqan (2012-yilgi 2-soni). Koʻp oʻtmay, "JannatMakon" ham jannatmakon boʻlib ketdi. Taqiqchilar taqiqlandi, qamaldi yo qochdi.
Murod Muhammad Doʻstning kinoarboblik yillari haqida oʻzi bilan suhbat qilganman, “Kino san’ati” jurnalining 2019-yil 2-sonida chiqqan. Shu orada feysbukda okaxonning toʻrt enlik posti rosa shov-shuv boʻldi. Xoʻjakoʻrsin islohotlar pufagi tezda yorilishi bashorat qilingan edi. Bu paytda hali jahonda pandemiya boshlanmagan, Buxoroda namunali uy-joylardan iborat butun boshli mahallalarning tomini shamol uchirmagan, Sardoba suvombori yorilmagan, ...magan, ...magan edi.
Adib oʻsha posti uchun urkaltak-surkaltak qilindi. Ayni kunlarda "Oʻzbekiston adabiyoti va sanʼati" gazetasi suhbatni "Kino sanʼati" jurnalidan koʻchirib bosdi va... bosh muharrir Oʻktam Mirzayor lavozimidan uchib ketdi. Bugun esa na jurnal bor, na bu nomdagi gazeta.
Mistik film uchun senariy toʻqimayapman. Oʻzim guvoh boʻlgan voqealarni tigʻizlashtirilgan surʼatda soʻzlab berdim. Yaqin tariximiz tovuq titib tashlagan tomorqaga oʻxshaydi(((.
Kinosuhbatni oʻqishni istasangiz👉 https://oyina.uz/uz/article/2553
#kino
#matbuot
#tarix
Murod Muhammad Doʻstning bu surati "JannatMakon" jurnali uchun olingan. Muqovaga ham bermoqchi boʻlganmiz (shu syomkadan boshqa fotoni). Faxriyor suhbat qilgan edi. Ammo-lekin-biroq Gulnora Karimovaning shotirlari taqiqlagan. Sababi Murod Muhammad Doʻst kinorahbar payti ularning xontaxta filmlarini qaytargan ekan. Mana, qora roʻyxatlar qanday paydo boʻladi. Suhbat biror yildan soʻng "Yoshlik" jurnalida chiqqan (2012-yilgi 2-soni). Koʻp oʻtmay, "JannatMakon" ham jannatmakon boʻlib ketdi. Taqiqchilar taqiqlandi, qamaldi yo qochdi.
Murod Muhammad Doʻstning kinoarboblik yillari haqida oʻzi bilan suhbat qilganman, “Kino san’ati” jurnalining 2019-yil 2-sonida chiqqan. Shu orada feysbukda okaxonning toʻrt enlik posti rosa shov-shuv boʻldi. Xoʻjakoʻrsin islohotlar pufagi tezda yorilishi bashorat qilingan edi. Bu paytda hali jahonda pandemiya boshlanmagan, Buxoroda namunali uy-joylardan iborat butun boshli mahallalarning tomini shamol uchirmagan, Sardoba suvombori yorilmagan, ...magan, ...magan edi.
Adib oʻsha posti uchun urkaltak-surkaltak qilindi. Ayni kunlarda "Oʻzbekiston adabiyoti va sanʼati" gazetasi suhbatni "Kino sanʼati" jurnalidan koʻchirib bosdi va... bosh muharrir Oʻktam Mirzayor lavozimidan uchib ketdi. Bugun esa na jurnal bor, na bu nomdagi gazeta.
Mistik film uchun senariy toʻqimayapman. Oʻzim guvoh boʻlgan voqealarni tigʻizlashtirilgan surʼatda soʻzlab berdim. Yaqin tariximiz tovuq titib tashlagan tomorqaga oʻxshaydi(((.
Kinosuhbatni oʻqishni istasangiz👉 https://oyina.uz/uz/article/2553
11.04.202508:26
Бу мени Соҳибқирон ҳақида миллатнинг бугунги орзу-хаёллари, интилишларини ифода қилган ҳолда ёзилган ва сўнгги йилларда энг тўлқинлантирган шеър бўлди.
Инглизлар бир нарсадан жуда хурсанд бўлиб кетса, "you made my day" деб айтади. Тўғриси, шу кунгача нима деб таржима қилишни билмайман, лекин тахминий таржимаси - "бугунги кунимни мазмунли, қувончли қилдингиз" ёки "мени бугун роса хурсанд қилдингиз".
You made my day, Нодирахон!
Нодир Афоқова
ҲАҚИҚАТ
Мен киму, Темурдан сўз айтмоқ қайда?
Онаман – наслимнинг ғамини ейман:
Темурбекка боқиб сўнган шиддатим,
Синдирилган шаштим уйғонса дейман.
Қонимни қиздирса туркий асосим,
Қадримга ахтарсам мангулик қиёс,
Ғурурим, исёним, орим, қасосим –
Темурбек ёдимга кирар гулдурос.
Темурбек, Темурбек...
Тасодиф эмас,
Урҳоси Тўнюқуқ хитобларида.
Паришон туркийлар кўкрагида дарз,
Фол очди “Ирқ битик” китобларида.
Асрий илтижолар кетмади бадар,
Диловар Темурбек чиқди от солиб.
Тариқдай сочилган не-не элатлар
Кўккача ўсдилар бир дала бўлиб.
Эҳтимол, қаҳридан,
Балки, меҳридан
Буюк бир салтанат бўлганда бунёд
Шақолдай увлади муштин уддалаб
Тугишни билмаган ғўддайма дунё.
Орзуси кулбаси деворларини
Ошиб ўтолмаган ҳар шуҳратталаб
Нечун абадият асрорларини
Тафтиш этаверар минғир-минғирлаб?
Ким, ахир, суйибди жанг суронини
Ўчоқда ёнса ўт, дилда муҳаббат,
Тарих юкламаса кори-борини,
Буюк вазифалар бўлмаса қисмат?
Найсоннинг ҳуршамол кечаларида
Ёдимни қамчилаб ўтар бир савол:
Мангулик ҳикмати бунчалар чигал,
Дунёга шиддатдан бунчалар малол?
Гарчанд Тангри суйди баҳодирларни,
Гарчанд дилларида порлатди чироқ,
Гарчанд ҳақиқатнинг қароргоҳида
Темурбек ўз ўрнин топди-ку!
Бироқ
Ким айтар битди деб ғаюрлик, кажлик,
Ким ҳануз маломат фурсатин кутар...
Лекин ҳақиқат шул:
Темурбек ғолиб
Асрлар устидан от суриб ўтар!
Инглизлар бир нарсадан жуда хурсанд бўлиб кетса, "you made my day" деб айтади. Тўғриси, шу кунгача нима деб таржима қилишни билмайман, лекин тахминий таржимаси - "бугунги кунимни мазмунли, қувончли қилдингиз" ёки "мени бугун роса хурсанд қилдингиз".
You made my day, Нодирахон!
Нодир Афоқова
ҲАҚИҚАТ
Мен киму, Темурдан сўз айтмоқ қайда?
Онаман – наслимнинг ғамини ейман:
Темурбекка боқиб сўнган шиддатим,
Синдирилган шаштим уйғонса дейман.
Қонимни қиздирса туркий асосим,
Қадримга ахтарсам мангулик қиёс,
Ғурурим, исёним, орим, қасосим –
Темурбек ёдимга кирар гулдурос.
Темурбек, Темурбек...
Тасодиф эмас,
Урҳоси Тўнюқуқ хитобларида.
Паришон туркийлар кўкрагида дарз,
Фол очди “Ирқ битик” китобларида.
Асрий илтижолар кетмади бадар,
Диловар Темурбек чиқди от солиб.
Тариқдай сочилган не-не элатлар
Кўккача ўсдилар бир дала бўлиб.
Эҳтимол, қаҳридан,
Балки, меҳридан
Буюк бир салтанат бўлганда бунёд
Шақолдай увлади муштин уддалаб
Тугишни билмаган ғўддайма дунё.
Орзуси кулбаси деворларини
Ошиб ўтолмаган ҳар шуҳратталаб
Нечун абадият асрорларини
Тафтиш этаверар минғир-минғирлаб?
Ким, ахир, суйибди жанг суронини
Ўчоқда ёнса ўт, дилда муҳаббат,
Тарих юкламаса кори-борини,
Буюк вазифалар бўлмаса қисмат?
Найсоннинг ҳуршамол кечаларида
Ёдимни қамчилаб ўтар бир савол:
Мангулик ҳикмати бунчалар чигал,
Дунёга шиддатдан бунчалар малол?
Гарчанд Тангри суйди баҳодирларни,
Гарчанд дилларида порлатди чироқ,
Гарчанд ҳақиқатнинг қароргоҳида
Темурбек ўз ўрнин топди-ку!
Бироқ
Ким айтар битди деб ғаюрлик, кажлик,
Ким ҳануз маломат фурсатин кутар...
Лекин ҳақиқат шул:
Темурбек ғолиб
Асрлар устидан от суриб ўтар!
01.04.202509:19
29.03.202505:03
https://teletype.in/@akademnashr/heeM7L-NzTn Maktabdalik paytim bitta muallim qay bir kun so‘z ochib qoldi: "Faxriyorning she’rlarida har kim o‘z dardini ko‘radi..." Bu men eshitgan eng muvofiq ta’rif edi. Men, oddiy o‘quvchi, na shoir emasman, na bir qalami bor odam, ammo Faxriyorning she’rlarida o‘zimni topdim.
27.04.202516:00
14.04.202504:46
Фақат бу шеърда қизнинг кутаётгани ошиқ йигит эмас, бутун дунёдан исталаётган, чин маънода кўнгил қўйишга, умрни боғлашга арзигулик ЭЪТИҚОД ва бу эътиқодни инсон руҳига қадаб қўйган ЭГА ҳақида айтилади: https://telegra.ph/Tanovar-04-14
09.04.202512:47
СУЛУК
Даҳога талпинма, даҳодан талпин,
Маънисин унутма қадим оятнинг.
Даҳолар — жодугар, ғоялар — фолбин,
Кўзларин боғлайди инсониятнинг.
Қўлларидан тутгил устоз ҳаётнинг,
Сиғинчга — сиғинчдан — бошлагин, қалбим.
Тазарру тозартса бизни шоядким…
Кўҳна туркуларни шивирлар лабим.
Кўзларин боғлайди инсониятнинг.
Ҳарис ғояларга таланган устод
Ортимдан эргашар шогирд мисоли…
Яна тупроқ бўлар алданган ақл,
Шамоллар руҳ бўлиб қайтажаклар бот.
Дардларим кийина бошлайди—ШАКЛ. https://www.facebook.com/photo?fbid=631620066359863&set=gm.1637897536877591&idorvanity=534492517218104
Даҳога талпинма, даҳодан талпин,
Маънисин унутма қадим оятнинг.
Даҳолар — жодугар, ғоялар — фолбин,
Кўзларин боғлайди инсониятнинг.
Қўлларидан тутгил устоз ҳаётнинг,
Сиғинчга — сиғинчдан — бошлагин, қалбим.
Тазарру тозартса бизни шоядким…
Кўҳна туркуларни шивирлар лабим.
Кўзларин боғлайди инсониятнинг.
Ҳарис ғояларга таланган устод
Ортимдан эргашар шогирд мисоли…
Яна тупроқ бўлар алданган ақл,
Шамоллар руҳ бўлиб қайтажаклар бот.
Дардларим кийина бошлайди—ШАКЛ. https://www.facebook.com/photo?fbid=631620066359863&set=gm.1637897536877591&idorvanity=534492517218104
30.03.202503:48
...У не кеча, саид суяклар
кўмир каби қораймиш бирдан?
Бу не бугун, массагет, саклар
ўмганини кўтарар ердан?
У не кеча, устухонлари
камон каби букилган миллат?
Бу не бугун, ҳур бўлган сари
суякларин ювади йиллаб?
Ҳар бир хожа, ҳар бир саиднинг
қора суяклари оқарар.
Бугун кимнинг ийди – ҳайити,
суяк чайқаб олар таҳорат?.. @faxriyor_ijodi1
кўмир каби қораймиш бирдан?
Бу не бугун, массагет, саклар
ўмганини кўтарар ердан?
У не кеча, устухонлари
камон каби букилган миллат?
Бу не бугун, ҳур бўлган сари
суякларин ювади йиллаб?
Ҳар бир хожа, ҳар бир саиднинг
қора суяклари оқарар.
Бугун кимнинг ийди – ҳайити,
суяк чайқаб олар таҳорат?.. @faxriyor_ijodi1
24.03.202503:25
14.03.202503:20
Гулларим қонайди.
Алвон гулларни
менга раво кўрмиш бу тақдир.
Ҳижронрўй қизғалдоқ бўлди юпанчим.
Аёл,
сенинг гулларинг оқдир.
Сўзларим қонайди.
Отилган қушдай
ҳар сўзимдан силқиб ётар қон.
Сўзларим ярасин боғлаб яшайман.
Аёл, сенинг сўзларинг омон.
Юрак-чи?
Билмадим, у қайда ҳозир,
қонарми,
ёнарми,
тонарми ишқдан
ва ё севармикин сени у ҳамон,
омон чиқдимикин бултурги қишдан?..
Фахриёр @faxriyor_ijodi1 https://www.facebook.com/profile.php?id=100004101406945
Алвон гулларни
менга раво кўрмиш бу тақдир.
Ҳижронрўй қизғалдоқ бўлди юпанчим.
Аёл,
сенинг гулларинг оқдир.
Сўзларим қонайди.
Отилган қушдай
ҳар сўзимдан силқиб ётар қон.
Сўзларим ярасин боғлаб яшайман.
Аёл, сенинг сўзларинг омон.
Юрак-чи?
Билмадим, у қайда ҳозир,
қонарми,
ёнарми,
тонарми ишқдан
ва ё севармикин сени у ҳамон,
омон чиқдимикин бултурги қишдан?..
Фахриёр @faxriyor_ijodi1 https://www.facebook.com/profile.php?id=100004101406945
12.04.202511:50
Бундан 4 йил олдин ёзилган табрик эди. Бугун ҳам шу сўзларни такрорлайман. Устоз, умрингиз узоқ бўлсин.
Бугун – ўзбекнинг улуғ ёзувчиси, устоз Мурод ака Муҳаммад Дўстнинг туғилган куни. Қизиғи, у кишини биринчилардан бўлиб, ўзи аъзолигини анча олдин йиғиштириб қўйган Ёзувчилар уюшмаси табриклабди. Начора.
Мурод аканинг улкан истеъдоди, сўзнинг заргари экани ва миллий адабиётимиздаги ўрни ҳақида адабиётшунослар ва танқидчилар кўп ёзган, бундан кейин ҳам ёзади. Лекин устознинг қатъияти, “Лолазор” романига қош (эпиграф) қилиб келтиргани (“Султонлара бош эгмарам, ҳарчанд фақирам”) сингари ҳеч кимга бўйсунмайдиган ва ҳар доим – қанчалик оғир бўлмасин – ҳақиқатни гапиришни ўз бурчи деб биладиган ўжар ва эркин феъли, ҳатто Каримовга ҳам тўғри гапни айтишдан тап тортмаган, шунинг баробарида одампарварлиги, жуда кўп инсонларга яхшилик қилганини ҳамма ҳам билмайди, чунки у киши ўзини кўз-кўз қилишни ёмон кўради.
Тўғри, бугун фақат ва фақат катталарга хушомадни тан оладиган, мақтовчи шизофрения қадрланадиган жамиятда тўғри гапни, “ситилар” пуфаги эрта бир куни ёрилишини қўрқмай айта оладиган инсонга осон тутиб бўлмайди. Чунки у виждон амри билан нормал жамиятларда бутун бошли партиялардан иборат мухолифат қиладиган ишни бир ўзи бажаради. Таассуфки, жавоб қайтармаслигини, яъни “гавҳарни тошга урмаслиги”ни билган ўша “катта” буюртмачилар уни бадном қилиш учун “кўппаклари”ни ёллайди, кимўзарга хушомадчилар мусобақасини уюштиради.
Оқибатда “катта” буюртмачилар малайлари у кишини обрўсизлантиришга уриниб, фош этувчи мақолаю шеърлар ёзишга тушиб кетади. Шунинг ортидан сенатор, депутат ва кейинчалик ҳукуматнинг сиёсати шунақа деб ўзини оқлашни ҳам канда қилмайдиган агентлик директори бўлишади.
Начора, улуғ инсоннинг номи ҳам собиқ журналистдай шизофреникларни, ўша агентлик директори бўлган собиқ болалар шоиридай амалдорларни, ўтакетган "мол"лигини раҳматли устоз шоир неча ўн йиллар олдин айтиб кетган хашаки шоирни ва бошқа қанча имонсиз туҳматчиларни боқар экан.
Лекин тақдирнинг аччиқ ҳазилини қарангки, Мурод ака башорат қилган пуфаклар келажакни ҳам кутиб ўтирмай, Сардоба сув омбори қирғоғи ўпирилиб, ўнлаб қишлоқларни босиб кетиши, “Янги “Ўзбекистон” бинолари қулаб тушиши, намунали уйлар томларини шамол учириб кетиши, метро қурилишида тупроқ одамларни босиб қолиши ва ҳк. кўринишида бугуннинг ўзида ёрила бошлади.
Ҳамма ҳам хунларнинг туркий халқ бўлганини тан олмайдиган қўлбола тарихчиларга ўхшаб, ўз ишини қилиш ўрнига бировни бадном қилишга берилиб кетмаганида ва бунинг ўрнига “ситилар” ва бошқа қурилишлардаги ўғрилик ва қинғирликларни фош қилиш билан шуғулланганида, вазият бунчалик оғирлашмасмиди?
Ҳақиқий мухолифат бўлмаган, тўғри сўз тақчил бўлган жамиятда Мурод акадай кишиларнинг тўғри сўзи тонна-тонна тиллодан ҳам қимматли эканини бир кун келиб англаймиз, лекин афсуски, ўша пайтда бундан ҳам беш баттар аҳволга тушиб қолган бўламиз. © @faxriyor_ijodi1
Бугун – ўзбекнинг улуғ ёзувчиси, устоз Мурод ака Муҳаммад Дўстнинг туғилган куни. Қизиғи, у кишини биринчилардан бўлиб, ўзи аъзолигини анча олдин йиғиштириб қўйган Ёзувчилар уюшмаси табриклабди. Начора.
Мурод аканинг улкан истеъдоди, сўзнинг заргари экани ва миллий адабиётимиздаги ўрни ҳақида адабиётшунослар ва танқидчилар кўп ёзган, бундан кейин ҳам ёзади. Лекин устознинг қатъияти, “Лолазор” романига қош (эпиграф) қилиб келтиргани (“Султонлара бош эгмарам, ҳарчанд фақирам”) сингари ҳеч кимга бўйсунмайдиган ва ҳар доим – қанчалик оғир бўлмасин – ҳақиқатни гапиришни ўз бурчи деб биладиган ўжар ва эркин феъли, ҳатто Каримовга ҳам тўғри гапни айтишдан тап тортмаган, шунинг баробарида одампарварлиги, жуда кўп инсонларга яхшилик қилганини ҳамма ҳам билмайди, чунки у киши ўзини кўз-кўз қилишни ёмон кўради.
Тўғри, бугун фақат ва фақат катталарга хушомадни тан оладиган, мақтовчи шизофрения қадрланадиган жамиятда тўғри гапни, “ситилар” пуфаги эрта бир куни ёрилишини қўрқмай айта оладиган инсонга осон тутиб бўлмайди. Чунки у виждон амри билан нормал жамиятларда бутун бошли партиялардан иборат мухолифат қиладиган ишни бир ўзи бажаради. Таассуфки, жавоб қайтармаслигини, яъни “гавҳарни тошга урмаслиги”ни билган ўша “катта” буюртмачилар уни бадном қилиш учун “кўппаклари”ни ёллайди, кимўзарга хушомадчилар мусобақасини уюштиради.
Оқибатда “катта” буюртмачилар малайлари у кишини обрўсизлантиришга уриниб, фош этувчи мақолаю шеърлар ёзишга тушиб кетади. Шунинг ортидан сенатор, депутат ва кейинчалик ҳукуматнинг сиёсати шунақа деб ўзини оқлашни ҳам канда қилмайдиган агентлик директори бўлишади.
Начора, улуғ инсоннинг номи ҳам собиқ журналистдай шизофреникларни, ўша агентлик директори бўлган собиқ болалар шоиридай амалдорларни, ўтакетган "мол"лигини раҳматли устоз шоир неча ўн йиллар олдин айтиб кетган хашаки шоирни ва бошқа қанча имонсиз туҳматчиларни боқар экан.
Лекин тақдирнинг аччиқ ҳазилини қарангки, Мурод ака башорат қилган пуфаклар келажакни ҳам кутиб ўтирмай, Сардоба сув омбори қирғоғи ўпирилиб, ўнлаб қишлоқларни босиб кетиши, “Янги “Ўзбекистон” бинолари қулаб тушиши, намунали уйлар томларини шамол учириб кетиши, метро қурилишида тупроқ одамларни босиб қолиши ва ҳк. кўринишида бугуннинг ўзида ёрила бошлади.
Ҳамма ҳам хунларнинг туркий халқ бўлганини тан олмайдиган қўлбола тарихчиларга ўхшаб, ўз ишини қилиш ўрнига бировни бадном қилишга берилиб кетмаганида ва бунинг ўрнига “ситилар” ва бошқа қурилишлардаги ўғрилик ва қинғирликларни фош қилиш билан шуғулланганида, вазият бунчалик оғирлашмасмиди?
Ҳақиқий мухолифат бўлмаган, тўғри сўз тақчил бўлган жамиятда Мурод акадай кишиларнинг тўғри сўзи тонна-тонна тиллодан ҳам қимматли эканини бир кун келиб англаймиз, лекин афсуски, ўша пайтда бундан ҳам беш баттар аҳволга тушиб қолган бўламиз. © @faxriyor_ijodi1
08.04.202510:53
30.03.202502:36
Азиз дўстлар, Ийд ал-Фитр - Рамазон ҳайити барчангизга муборак бўлсин!
Reposted from:
Uzdiplomat | Расмий канал
22.03.202514:49
uzdiplomat иқтибоси:
«Одамзот бир жойда кўп ўтириб қолганидан кейин нуқул яхши гап эшитгиси, хурсанд бўлгиси келади-да. Шундан кейин хунукроқ ахборотларни ундан яшира бошлашади».
2024 йил, январь
МУРОД МУҲАММАД ДЎСТ,
ёзувчи
Каналга уланиш:✏️ https://t.me/uzdiplomat
«Одамзот бир жойда кўп ўтириб қолганидан кейин нуқул яхши гап эшитгиси, хурсанд бўлгиси келади-да. Шундан кейин хунукроқ ахборотларни ундан яшира бошлашади».
2024 йил, январь
МУРОД МУҲАММАД ДЎСТ,
ёзувчи
Каналга уланиш:✏️ https://t.me/uzdiplomat
10.03.202515:01
Бугун Юнусободга қатнайдиган 95-автобусда кетаётиб, ғалати ва қувончли ҳолатга дуч келдим. Устоз Мурод Муҳаммад Дўстнинг "Лолазор" романи автобус мониторидан реклама қилиняпти.
Афсуски, тасвирга олишга улгурмай қолдим.
Бўлар экан-ку.
Афсуски, тасвирга олишга улгурмай қолдим.
Бўлар экан-ку.
16.04.202513:59
Раҳимжон Раҳмат
Ф. Н.га
Ўзбек халқи дардига
Дармонни излагаймиз,
Шунинг учун ҳақ сўзни
Ҳайиқмай сўйлагаймиз.
Ватан – бизнинг онамиз,
Бурчимиз ўтагаймиз.
Халқ учун жон бермоқни
Лаззат деб атагаймиз.
Узоққа чўзилмайди
Золимларнинг кулгани.
Бу дунёга келганмиз
Ҳақ сўз айтиб ўлгани.
Тилингни тий деб айт,
Итоат этмагаймиз,
Ярадор халқни ташлаб
Ҳеч ерга кетмагаймиз.
Кундага бош қўймоқни
Саодат тахти дедик.
Ватан учун ўлмоқни
Инсоннинг бахти дедик.
Биз биламиз, золимнинг
Турмаю қамоғи кўп,
Ҳақгўйларнинг бошига
Урмоққа тўқмоғи кўп.
Қамоққа тиқсин, майли,
Орқага қайтмагаймиз.
Золимнинг мақтовига
Бир сўз ҳам айтмагаймиз.
2010
@faxriyor_ijodi1
Ф. Н.га
Ўзбек халқи дардига
Дармонни излагаймиз,
Шунинг учун ҳақ сўзни
Ҳайиқмай сўйлагаймиз.
Ватан – бизнинг онамиз,
Бурчимиз ўтагаймиз.
Халқ учун жон бермоқни
Лаззат деб атагаймиз.
Узоққа чўзилмайди
Золимларнинг кулгани.
Бу дунёга келганмиз
Ҳақ сўз айтиб ўлгани.
Тилингни тий деб айт,
Итоат этмагаймиз,
Ярадор халқни ташлаб
Ҳеч ерга кетмагаймиз.
Кундага бош қўймоқни
Саодат тахти дедик.
Ватан учун ўлмоқни
Инсоннинг бахти дедик.
Биз биламиз, золимнинг
Турмаю қамоғи кўп,
Ҳақгўйларнинг бошига
Урмоққа тўқмоғи кўп.
Қамоққа тиқсин, майли,
Орқага қайтмагаймиз.
Золимнинг мақтовига
Бир сўз ҳам айтмагаймиз.
2010
@faxriyor_ijodi1
11.04.202508:27
Reposted from:
Najmiddin Ermatov
04.04.202506:53
Келағай, ой тувған шомларнинг ёдин
Сочқилаб ўйнаймиз кузги боғларда.
Қарчиғай ташланган каптардай жонни
Бир фурсат асраймиз эзғин чоғлардан.
Келағай, бу ғайир йўллардан қўрқмай,
Узилган қадаминг гуллар ҳидласин.
Айириб берарман мен сенга ойни,
Ийириб берарсан унинг жилвасин.
Келағай, қошингдай қорайганда қош,
Юлдузлар кўзингдай ўчиб ёнганда.
Висол билан тўлган, сен билан тўлган,
Зорманда тунларга тағин зорманда.
Келағай, тўла май қадаҳим синмай,
Оғир бу оғриқдан оғринмай бағрим.
Сен кетган ўша жой—турибман жилмай,
Сен келсанг йўлларни айлармиз яғир.
Келағай ва буни ғайб ишига йўй,
Кўнглинг ишқ аршини қумсаган пайти.
Келағай, келмасанг менинг сен томон
Боришга ҳеч қачон сиғмайди ҳаддим.
Келағай, ой тувған овлоқ шомларда...
Н.Э.
Март, 2025
https://t.me/Najmiddin_Ermatov
Сочқилаб ўйнаймиз кузги боғларда.
Қарчиғай ташланган каптардай жонни
Бир фурсат асраймиз эзғин чоғлардан.
Келағай, бу ғайир йўллардан қўрқмай,
Узилган қадаминг гуллар ҳидласин.
Айириб берарман мен сенга ойни,
Ийириб берарсан унинг жилвасин.
Келағай, қошингдай қорайганда қош,
Юлдузлар кўзингдай ўчиб ёнганда.
Висол билан тўлган, сен билан тўлган,
Зорманда тунларга тағин зорманда.
Келағай, тўла май қадаҳим синмай,
Оғир бу оғриқдан оғринмай бағрим.
Сен кетган ўша жой—турибман жилмай,
Сен келсанг йўлларни айлармиз яғир.
Келағай ва буни ғайб ишига йўй,
Кўнглинг ишқ аршини қумсаган пайти.
Келағай, келмасанг менинг сен томон
Боришга ҳеч қачон сиғмайди ҳаддим.
Келағай, ой тувған овлоқ шомларда...
Н.Э.
Март, 2025
https://t.me/Najmiddin_Ermatov
Reposted from:
Rahimjon Rahmat
29.03.202521:31
Шеъриятда Фахриёр, насрда Назар Эшонқул, Исажон Султон ва Улуғбек Ҳамдам ижоди чуқур тадқиқ қилинмаган.
Негадир ҳозирги замон адабиётимизда адабий танқидчилар йўқ бўлиб кетди.
Тилга олганим ижодкорлар ўзбек адабий тафаккурини янги босқичга кўтаришган. Уларнинг ижоди тимсолида адабиётимизга символизм кириб келди.
Фахриёр шеърияти ҳақида кўп ўйлайман. Шоир биз кўниккан шеърий шаклларни барчасини синдириб, ўзига хос янги шакл яратган. Ҳатто Фахриёр сўзларни ҳам синдиради. Синган шакл ва сўзлар орасига маънони яширади. Дарвоқе, символизм маънони яшириш санъатидир. Фахриёр яширган маънони топиш учун унинг шеърларини ҳар томондан- тўғридан, ёнбошдан, тескари томондан ўқиш керак.
Айтмоқчиманки, тилга олганим ижодкорларнинг ёзганлари муносиб баҳосини олгани йўқ.
Яна бир гап. Символизм ўқувчини танлайди. Оддий ўқувчи бу тур ижод махсулотини тушинолмайди.
Балки шунинг учундир, уларнинг ижодини ўқувчиларга тушинтириб берадиган танқидчи йўқдир.
Негадир ҳозирги замон адабиётимизда адабий танқидчилар йўқ бўлиб кетди.
Тилга олганим ижодкорлар ўзбек адабий тафаккурини янги босқичга кўтаришган. Уларнинг ижоди тимсолида адабиётимизга символизм кириб келди.
Фахриёр шеърияти ҳақида кўп ўйлайман. Шоир биз кўниккан шеърий шаклларни барчасини синдириб, ўзига хос янги шакл яратган. Ҳатто Фахриёр сўзларни ҳам синдиради. Синган шакл ва сўзлар орасига маънони яширади. Дарвоқе, символизм маънони яшириш санъатидир. Фахриёр яширган маънони топиш учун унинг шеърларини ҳар томондан- тўғридан, ёнбошдан, тескари томондан ўқиш керак.
Айтмоқчиманки, тилга олганим ижодкорларнинг ёзганлари муносиб баҳосини олгани йўқ.
Яна бир гап. Символизм ўқувчини танлайди. Оддий ўқувчи бу тур ижод махсулотини тушинолмайди.
Балки шунинг учундир, уларнинг ижодини ўқувчиларга тушинтириб берадиган танқидчи йўқдир.
22.03.202503:57
Ҳасрат алёр қилиб айтилар букун,
қарғишнинг оти ҳам энди мақтовдир.
Таланган карвондай қолмаган юки
сўзнинг ҳам. Лекин шу ҳолича ёвдир:
у сенга, у менга, у ҳаммамизга,
кўнгил душманлиги етмагандайин.
Юракдан сўз бўлиб борлиққа сизган
ҳар бир ҳис айғоқчи – сотиши тайин.
Сўз сотар, кўз сотар, дўстлар сотади,
жоним, харидоринг кўп бўлди бунча?
Бугун қарғиш қолиб, мақтов ботади.
Ғам қолиб, алёрлар эзади тамом,
бу эл – гуллолмаган бағри қон ғунча.
Дардин алёр қилиб куйлайди ҳамон...
2013
қарғишнинг оти ҳам энди мақтовдир.
Таланган карвондай қолмаган юки
сўзнинг ҳам. Лекин шу ҳолича ёвдир:
у сенга, у менга, у ҳаммамизга,
кўнгил душманлиги етмагандайин.
Юракдан сўз бўлиб борлиққа сизган
ҳар бир ҳис айғоқчи – сотиши тайин.
Сўз сотар, кўз сотар, дўстлар сотади,
жоним, харидоринг кўп бўлди бунча?
Бугун қарғиш қолиб, мақтов ботади.
Ғам қолиб, алёрлар эзади тамом,
бу эл – гуллолмаган бағри қон ғунча.
Дардин алёр қилиб куйлайди ҳамон...
2013
10.03.202514:14
Неварамнинг мушуги.
Shown 1 - 24 of 28
Log in to unlock more functionality.