كلام مهم 👌🏻👌🏻
اللي زعلان مني ميخبطش راسه في ساس ولا يمشي يشرب من البحر لا لا ، ايجي يعاتبني ويحاسبني ونردو علاقتنا ونتراضو ولو انا غلطانه نعتذرلك عادي جداً. 🙋🏻♀️
واللي واخذ عليا صورة شينه ما يحطهاش في برواز ولا يعلقها فـ صالون حوشهم لاا ، يقولي و يساعدني نصلحها مش مرات في سوء فهم والصورة محتاجة تتوضح بس!
واللي واخذ مِنِّي موقف مايمشيش بيه لـِ صين لا ، يجي ويواجهني ويشوف موقفي شنو مرات نتصافو ويڪتشف إن هو غلطان! ..
مافيش داعي ان نفوتو عشرتنا ونغلطو في حق بعضنا ونقطعوا وصال العلاقات ونبيعو ناسنا واحبابنا ، مافيش داعي من المنشورات والدعاوي والمُعاملات الرديئة ، الحاجات السلبيه هذي لازم نلغوها ونبطَّلو نشرها ونرتقي أڪثر وأڪثر بأخلاقنا لانه لا رسولنا ولا ربِي يرضي بشي هذا ❤️ .
بكل مصداقية دنيااا مفرقه مادايم الا وجهه الله☝🏻
