Мир сегодня с "Юрий Подоляка"

Труха⚡️Україна

View

Николаевский Ванёк

View

Мир сегодня с "Юрий Подоляка"

View

Труха⚡️Україна

View

Николаевский Ванёк

View

Aziz Rahimov

Bog’lanish uchun: azizrahimov@rahimovschool.uz
Reklama olmaymiz.

TGlist rating

TypePublic

Verification

Not verified

Trust

Not trusted

LocationУзбекістан

LanguageOther

Channel creation dateMar 17, 2020

Added to TGlist

Dec 25, 2024

I own this channel

History of changes

Statistic of Telegram Channel Aziz Rahimov

More details

Subscribers

53 058

24 hours

300.1%Week

4380.8%Month

1 2212.4%

Citation index

0

Mentions1Shares on channels0Mentions on channels1

Average views per post

23 108

12 hours17 9980%24 hours23 1080%48 hours29 1220%

Engagement rate (ER)

1.64%

Reposts378Comments0Reactions0

Engagement rate by reach (ERR)

43.57%

24 hours

0.01%Week0%Month

5.31%

Average views per ad post

20 849

1 hour12 20258.53%1 – 4 hours00%4 - 24 hours00%

More details

Connect our bot to the channel to find out the gender distribution of this channel's audience.

Total posts in 24 hours

0

Dynamic

Latest posts in group "Aziz Rahimov"

All posts

19.04.202507:38

Qisqa yozish, uzun yozishdan qiyinroq.

Kam gapirish, ko'p gapirishdan qiyinroq.

17.04.202517:21

Yangi loyihalarimiz

Rahimov Kids. Bog’chamizni boshlab oldik. O’zbek tilida. Odatlar va kitob o’qishni o’rgatamiz. O'z farzandlarimni ham bermoqchiman.

Parallel muhit. 4 oydan beri uzun insholar orqali turli mavzularda gaplashyapmiz. 800+ odam pul to'lab o’qiyapti.

17.04.202509:08

Transportda o’qisak, boshimiz aylanadi, ko’nglimiz ayniydi.

Sababi haqida o’qib qoldim:

Harakat holsizligi (motion sickness). Tana harakatni sezadi, ko’z esa bir nuqtaga (kitob, ekran) qarab turgani uchun sezmaydi. Miya aslida nima bo’layotganini bilmay siqilishni boshlaydi.

Qalb ham shundan siqilarmikan deb qoldim.

Bir nima gaplar gapiramiz. Harakatlarimiz shunga to’g’ri kelmaydi. Qalbimiz aslida kim ekanligimizni bila olmay siqila boshlaydi.

Kimdir o’yinlar, serial, kino-yu, moddalar orqali ketkazmoqchi bo’ladi. Isitmani tushurish uchun suvga sakrashga o’xshaydi. Sabab qolib, oqibat bilan kurashish.

So’zlarimizni harakatlarga moslashimiz, harakatlarimizni so’zlarimizga moslashimiz. Shu yechimga o’xshayapti.

Qilishga doim qiynalaman.

Qiyin bo’lmaganida, Rumiyning eng muhim tavsiyalari shu bo’lmas edi balki.

15.04.202514:49

“ChatGPT savollarimga javob berib tursa, tarjimalar qilib bersa, nega ingliz tilini o‘rganishim kerak?” so‘rab qoldi 10 yashar qizcha.

Otalari nima deb javob berishni bilmabdilar.

Kalkulyator sotuvga chiqqaniga yuz yildan oshdi. Matematika o‘qishni to‘xtatmadik. Faqat kuchaytirdik.

Matematika kalkulyator o‘rnini bosish uchun o‘rganilmaydi. Matematika fikrlashni charxlaydi.

Til ham tarjima uchun o‘rganilmaydi.

1. Tilni o‘rganish o‘sha muhitga tushish degani. O‘sha til egalaridek o‘ylay olish degani. Ya’ni yangi dunyoqarash.

2. Mehnati bilan til sertifikati olgan, boshqa ishlarni ham qilishi osonlashadi. Universitetlar bekorga shu sertifikatlarga qarab grantlar bermaydi.

3. Til biladigan odam o‘sha chatni bir necha barobar yaxshiroq ishlata oladi. Matematikani bilgan kalkulyatorni yaxshiroq ishlatgani kabi.

Kunning oxirida hassa bilan yoki o‘zi yurish hammaning shaxsiy tanlovi. Faqat hassa bilan qanchalik uzoqqa borsa bo'ladi?

Yana ustiga Gyote ham aytgandi: birorta chet tilini bilmagan, o‘z tilini ham bilmabdi.

14.04.202512:11

Lupa bilan bitta joyga yig’ilsa, quyosh nuri bilan olov yoqsa bo’ladi.

Tomchi bitta joyga tomaversa, toshni ham o’yib yuboradi.

Diqqat hozirgi zamonning eng qimmat valyutasi. Hammada kamayib ketayapti.

Ish/o’qishi paytida telegram ochib qo’yganlar, ikkita ish qilyapman deb o’ylayapti.

Aslida bittasini ham bitirmayapti.

Diqqat – bitta ish qilish emas, boshqa hamma ishdan voz kechish. Yarim soatga bo’lsa ham.

10.04.202503:55

Oxirgi besh yilgi voqealarga qarang:

Butun dunyo uyida oylab qulflanib o’tirdi. Ajdodlarimiz noma’lum vabodan qanchalik qo’rqqanlarini tanamizda his qildik.

Rossiya va Nato o’rtasidagi urushni real vaqtda kuzatib turdik.

G’azodagi qirg’in sabab, g’arbning asl yuzini va Amerika kimning changalida ekanligini bilib oldik. Ungacha dalil yetishmas edi, xolos.

Yangiliklarning kamida 50 foizi yolg’on ekanligini bilib qoldik. Tarix ham shunday, yarmi yolg’on emasligiga kim ishonadi endi?

Kennedi kabi Amerika prezidentga suiqasdni ko’rdik. Kim qilgani hali ham noma’lum.

Pax Americana (Amerika imperiyasining) tugatilayotganiga guvoh bo’lib turibmiz. Global savdoga hujum. Mahalliychilik kuchayishi.

p.s. Yaxshiyam maktabimizda muhandislar chiqarishga e’tibor beribmiz.

2000-2025 tarixi yozilayotganda, 80% joyni shu besh yil egallasa kerak.

Atrofni kuzatayotganga netflix va filmlar kerak emas. Popkorn yetarli. Eh. Ajoyib davrlarda yashayapmiz.

09.04.202509:09

Gollandiya (va Norvegiya)da deyarli hamma ingliz tilini biladi.

Asosiy sabab – film va seriallarni tarjima qilib o’tirishmaydi. O'z tilida subtitr qo'yishadi xolos.

Farzandimizga til o'rgatish uchun, o'sha tildagi maktabga berib, madaniyatini riskka qo'yishimiz shart emas.

Film va seriallarni originalida qo'yib berish eng yaxshi foyda beradi.

Ingliz tilida bilmadim, Rus tilida “Смешарики” yaxshi tanlov ekan. G'oyaviy ta'siri yo'q. Kim subtitrlarini qilib chiqsa, har qanday rus tili o'qituvchisidan ko'proq yaxshilik qilgan bo'ladi.

07.04.202514:26

Kompyuter, telefonim qotib qolsa, o’chirib yoqish eng yaxshi yordam beradi.

Organizm bilan ham shunday bo’lib turadi. Siqilish. Qarorga qiynalish. Charchash. Qotib qoladi.

Bitta o’chirib yoqish yordam beradi. Och qorin + qorong’u joy + vaqtli uxlash = o’chirib yoqish formulasi.

Deleted08.04.202521:58

03.04.202512:46

Ravshan hozir o'z agentligini ochgan. Podkast qilyapti. Tadbirkorlar jamiyatini yiqqan.

Abror Umidjon Eshmuhammedov akamiz loyihalarida CEO bo'lib ishlayapti.

Rustam Registon maktablarida yangi filiallarni mustaqil ochayapti.

Abdulloh bilan maktabda sherikmiz.

Shamshod o'zining marketing agentligini boshlagan.

Jamoamizda ishlaganlar shunday tez o'sib ketadimi, yoki tez o'sadiganlarni topib olamizmi, bilmadim.

Bu o'z ichimizdan joy topib bera olmagan yigitlarimiz. O'zimizdagilar ham yaxshigina rivojlanishyapti.

Yangi loyihamiz uchun shogirdlar qidiryapmiz. Mustaqil ishlaydi. Vazifamiz faqat o’stirish. Menejerlik tajribasi bo’lishi kerak.

Qiziq bo'lsa topshirib ko'ring -> @RahimovSchool_jbot (qaynoq bo'sh ish o'rinlarini tanlang)

30.03.202503:20

Ramazon hayiti boshqacha kun.

Bu kun siz albatta yoshlikni eslaysiz. Necha yosh bo’lsangiz ham. Hayit namozi, shirinliklar, qarindoshlarni yo'qlash, kelin-salom, hamma hammasi yoshlikni eslatadi.

Bu kun siz kunni yarmini tabriklash va tabriklarni qabul qilish bilan o’tkazasiz.

Bu kun sizga yaqin va uzoq insonlarni ajratib olasiz. Birinchilar tabriklash uchun shaxsiy xabar yozib yoki qo'ng'iroq qilsa, ikkinchilar shablon tabrik yoki rasm jo'natishadi.

Bu kun siz aslida qancha qarindoshingiz borligini bilib oladigan kun.

Bu kun sizni asl hayotiy qadriyatlarga qaytaradi: Oila, silai rahm, ehson, namoz. Deyarli hech kimni ish haqida gapirganini ko’rmaysiz.

Bu kun biron narsa yeyishdan oldin, har safar ikkilanib, o’zingizdan "Ro'zamasmidim o'zi? " deb so'raydigan kun. 😊

Bu kunni hamma yaxshi ko'radi, yosh bolalar ham, kattalar ham ,qariyalar ham. Biz ham bu kunni yaxshi ko'ramiz. Ramazon hayitini yaxshi ko'rganlarga hayit muborak aziz do’stlar!

29.03.202508:51

Ko’chadaman. Begona joyda.

Telefonim quvvati 1%. Ishim bitishi telefonimga bog’liq.

Power Bankim yonimda bo’lishi uchun ko’p narsaga tayyor bo’ldim.

Boshqa paytlari chang bosib yotar edi.

Narsalarni kerakli bo’lishi, narsaning o’zidan emas, bizning ehtiyojimizdan.

Yillardan beri til/kasb o’rgana olmayotganlar bor.

Balki muammo rostdan ham xohishimiz yo’qligidadir?

Axir, talaba degani - so’rab oluvchi degani.

Bundan yana bir dars olsak bo’ladi:

Buyuk o’qituvchilar nafaqat o’rgatadi, balki xohlatadi ham.

Deleted29.03.202519:20

25.03.202511:22

Xususiy maktab ochmoqchi bo‘lganlar va endigina ochganlar uchun videodarslik yozib chiqdik.

Olmoqchi bo‘lganlar uchun qo‘shimcha ma’lumot bu yerda .

24.03.202513:40

Ovqatdan ro’za tutganda, hujayralar tozalanadi. Alzgeymer, saraton oldi olinadi. Jarayonni autofagiya deyishadi.

Ma’lumotdan ro’za tutish ham bor. Yangilik va ijtimoiy tarmoqdan cheklanib, o’rniga tafakkur qilganda – siqilish kamayadi, yangi g’oyalar keladi. Meditatsiya deyishadi.

Boshqalar kamchiligi(ya’ni g’iybat)dan ro’za tutganda, o’z kamchiliklariga e’tibor oshadi. Taftish ko’payadi. Kibr kamayadi.

Qorin, miya, quloq.

Idish bo’sh turibdi degani, to’ldirishimiz shart degani emas. Bo'sh turishi shu idishlarning egasiga foydali bo'ladi.

15.03.202517:57

6 yoshida boyish haqida YouTubeda videolar ko’ra boshlaydi.

7 yoshida quyon boqishni boshlab, fermaga aylantiradi.

8 yoshida daromadiga qo’shnisining mashinasini sotib oladi.

9 yoshida o’z puliga 40 sotix yer sotib olib, fermasiga echkilarni ham qo’shadi.

10 yoshida eski uy sotib oladi. YouTubedan o’rganib o’zi ta’mirlab chiqadi. To’rt barobar qimmatiga xaridor chiqadi.

12 yoshida qishlog’idagi suv yo’qolib borish muammosini hal qilishga kirishadi.

14 yoshida kitob yozadi. O’qib tugatdim. Qiziqarli.

Bu yutuqlarga asosiy sabab qilib, ota-onasinig puli yo’q nogironlar bo’lgani va qiladigan ishlarida unga ishonishganini aytib o’tadi.

Bu Cole Summers hikoyasi edi.

Oladigan darsimiz:

Ota-onaning ishonchi qanot bo’ladi. Har qanday cheklovlarni kesib chiqishga yordam beradi.

13.03.202508:01

Mashhur afsonalar.

Suvni sekin qizdirsa, qurbaqa sakrab qocha olmay, qaynab o’lar ekan.

Unday emas. Sekin qizdirsa ham, sakrab chiqib ketadi.

Odamlar miyasining 10 foizini ishlatadi deyishadi. Ko’prog’ini ishlatsa daho bo’lar ekan.

Unday emas. Inson miyasining hamma joyini ishlatadi.

Odam millioner bo’lsa maqtanar ekan. Millilarder kamtar bo’ladi. Ana Zukerberg oddiy kulrang futbolkada yuradi.

Unday emas. Har bitta futbolkasi 300$ turadi.

All posts