“McDonald's egasi bitta burger ham pishirmagan. Lekin milliard burger sotgan”
Ha, siz to‘g‘ri eshitdingiz. McDonald's asoschisi Rey Krok — oshpaz emas, hatto ovqat tayyorlashni yaxshi ko‘rmaydigan odam bo‘lgan.
Lekin u butun dunyoga milliardlab burger sotdi. Nega?
Chunki u “burger”ni emas, tizimni sotgan.
– Har bir gamburger bir xil.
– Har bir xodim bir xil kiyimda.
– Har bir menyuda vaqt cheklangan.
– Har bir mijoz bir xil tajriba oladi.
Bu mo‘jiza emas. Bu – tinimsiz tizimlashtirish natijasi.
Hozir e’tibor bering:
Siz ham kunda 30 ta burger sotayotgandursiz, lekin har gal:
• narxni o‘ylaysiz,
• mijozga “ichimlik qo‘shaymi?” deb o‘ylaysiz,
• xodimingiz “qanday qilib tayyorlashim kerak edi?” deb so‘raydi.
Nima uchun? Chunki siz burger sotyapsiz, tizim emas.
Tizim – bu shunday narsaki, siz uxlab yotgan paytda ham burger sotiladi.
Siz do‘konda emassiz, lekin savdo ketyapti.
Siz boshliqni so‘ramaysiz, chunki skript bor.
Siz har gal tushuntirmaysiz, chunki o‘quv video bor.
Siz noto‘g‘ri tayyorlanishdan qo‘rqmaysiz, chunki retsept devorda ilingan.
Bu – sizning o‘rningizni avtomatizm egallagan holat. Va faqat shu holatda biznes siz uchun ishlay boshlaydi.
Haqiqiy boy odam – burger pishirmaydi. U tizim quradi.
Siz hozir qancha ishlayapsiz – bu ahamiyatli emas.
Savol: biznes sizsiz qancha pul ishlayapti?
Agar javob “hech qancha” bo‘lsa – demak, siz hamon burger peshtaxtasida turibsiz.
Keting. Retseptni qog‘ozga yozing. Qoida qiling. Videoga oling. Ishlarni bo‘lib bering.
Chunki siz McDonald's egasi bo‘lishni xohlayapsiz, burgerchi emas.
