Мир сегодня с "Юрий Подоляка"

Труха⚡️Україна

Паглядзець

Николаевский Ванёк

Паглядзець

Мир сегодня с "Юрий Подоляка"

Паглядзець

Труха⚡️Україна

Паглядзець

Николаевский Ванёк

Паглядзець

Светлана Тихановская

Бот для пытанняў: @AskOffice_Bot
Сайт: https://tsikhanouskaya.org/
Inst: https://www.instagram.com/prezident.sveta/
FB: https://www.facebook.com/S.Tsikhanouskaya
ОK: https://ok.ru/group/59998707056737

Рэйтынг TGlist

ТыпПублічны

Вертыфікацыя

Вертыфікаваны

Надзейнасць

Не надзейны

РазмяшчэннеБілорусь

МоваІншая

Дата стварэння каналаЛют 06, 2025

Дадана ў TGlist

Вер 16, 2023

Я ўладальнік канала

Гісторыя змяненняў

Статыстыка Тэлеграм-канала Светлана Тихановская

Падрабязней

Падпісчыкаў

20 284

24 гадз.

12-0.1%Тыдзень

83-0.4%Месяц

376-1.8%

Індэкс цытавання

25

Згадкі1Рэпостаў на каналах0Згадкі на каналах1

Сярэдняе ахоп 1 паста

2 479

12 гадз.2 578

38.1%24 гадз.2 479

6.4%48 гадз.2 3590%

Узаемадзеянне (ER)

9%

Рэпостаў20Каментары0Рэакцыі203

Узаемадзеянне па ахопу (ERR)

12.22%

24 гадз.

0.75%Тыдзень

1.95%Месяц

6.04%

Ахоп 1 рэкламнага паста

2 428

1 гадз.83634.43%1 – 4 гадз.71829.57%4 - 24 гадз.87436%

Падрабязней

Падключыце нашага бота да канала і даведайцеся пол аўдыторыі гэтага канала.

Усяго пастоў за 24 гадзіны

4

Дынаміка

Апошнія публікацыі ў групе "Светлана Тихановская"

Усе пасты

16.04.202514:08

Франак Вячорка — падрабязна пра кансультацыі ў Косава па новым пашпарце Беларусі

16.04.202514:07

16.04.202510:50

Беларускія дэмакратычныя сілы ў Прышціне: супрацоўніцтва з Рэспублікай Косава

Цягам апошніх двух дзён дэлегацыя дэмакратычных сілаў Беларусі знаходзілася ў Прышціне, сталіцы Косава, па запрашэнні Офіса Прэзідэнта краіны. Беларускі бок у працоўным візіце прадставілі дарадцы Святланы Ціханоўскай Франак Вячорка, Дзяніс Кучынскі і Анатоль Лябедзька. Да таго ж, да дэлегацыі далучыўся Павел Лібер – заснавальнік лічбавай платформы «Новая Беларусь».

Прадстаўнікі дэмакратычных сілаў сустрэліся:

🔴з кіраўніцай Офіса Прэзідэнта Косава Леартай Холлай;
🔴віцэ-мэрам сталіцы Фларыянам Душы;
🔴прадстаўнікамі Міністэрства ўнутраных справаў і Міністэрства замежных справаў;
🔴прэзідэнтам Гандлёвай палаты Косава;
🔴арганізацыяй Germin, якая працуе з дыяспарай;
🔴амбасадарам Албаніі ў Косава.

Што абмяркоўвалася падчас сустрэчаў?

📎Праграма працаўладкавання для беларускіх журналістаў і блогераў у Косава.
📎Падтрымка ІТ-сектара і вывучэнне магчымасцяў бізнес-супрацоўніцтва ў рэлакацыі.
📎Праграмы навучання па гуманітарнай бяспецы і размініраванні для беларускіх добраахвотнікаў.
📎Кансультацыі па тэме новага беларускага пашпарта – Косава мела пазітыўны досвед выдачы пашпартоў для грамадзянаў без дакументаў. Пашпарты Косава цяпер прызнаныя большасцю краінаў свету.
📎Стварэнне міжпартыйнай групы «За дэмакратычную Беларусь» у парламенце Косава і магчымасць падпісання пагаднення аб супрацоўніцтве з беларускімі дэмакратычнымі структурамі.
📎Абмен досведам па працы з дыяспарамі.

Падрабязнасці сустрэчаў і вынікаў перамоў можна прачытаць – на сайце.

16.04.202505:48

Адкрыта рэгістрацыя на IV Канферэнцыю беларусаў і беларусак свету

З 23 па 25 траўня 2025 года Варшава зноў стане месцам правядзення IV Канферэнцыі беларусаў і беларусак свету, якая збярэ разам прадстаўнікоў нашай дыяспары, каб умацаваць сувязі, падзяліцца досведам і супольна планаваць будучыню.

Галоўная тэма сёлетняй Канферэнцыі — развіццё і ўмацаванне патэнцыялу беларускай дыяспары.

Падчас канферэнцыі адбудуцца:
⭕️Планаванне супрацоўніцтва паміж дыяспарамі;
⭕️Майстар-класы;
⭕️Сустрэчы з дэмакратычнымі сіламі Беларусі;
⭕️Нефармальны нэтворкінг.

❗️ Колькасць удзельнікаў і ўдзельніц Канферэнцыі абмежаваная тэхнічнымі магчымасцямі памяшкання і складае 200 асобаў.

📌 Таму, калі ласка, запоўніце форму рэгістрацыі ўжо цяпер.

Таксама заклікаем вас пакінуць меркаванні наконт пытанняў для разгляду падчас Канферэнцыі па спасылцы.

Да сустрэчы ў Варшаве!

15.04.202515:03

Святлана Ціханоўская – да Сусветнага дня культуры

«Культура – гэта душа кожнага народа. Яна складаецца не з падручнікаў і школьных паездак у музей. Яна складаецца з мудрасці і ўрокаў прадзедаў, дзіцячых казак і міфаў. З гісторыі народа, перададзенай у песнях і адзенні. Культура дапамагае зберагчы сябе ў хутказменлівым свеце. Гэта карані, дзякуючы якім пад нагамі заўсёды застаецца глеба.

Нашая культура – гэта калі разам з сям’ёй робіш пісанкі на Вялікдзень і забываешся пра спрэчкі і непаразуменні. Калі разам з сотнямі беларусаў і беларусак водзіш карагоды на Купалле. Калі трымаеш бабулю за рукі, якія вышылі ўсе ручнікі ў вясковай хаце. Калі чуеш народны спеў, знаёмы з дзяцінства.

І, ведаеце, так добра становіцца на душы, калі ва ўсіх магчымых цяпер сацсетках бачыш беларускае. То відэа ў тыктоку паглядзіш з кавалачкамі падарожжаў па Беларусі пад вершы нашых паэтаў. То «Годна» ў твітары запосціць гісторыю выбітнага беларускага мастака. То пабачыш Кацю Ваданосаву з чарговай захапляльнай гісторыяй пра беларускі народны строй…

Менавіта дзякуючы тым, хто дагэтуль, дзесяцігоддзямі, захоўвае беларушчыну ў сабе і дарыць яе іншым, мы можам быць упэўненыя – Беларусь ніколі не знікне, бо яна ўнікальная, шчырая, багатая на прыгоды, прыгажосць і любоў. Беларусь, якая для кожнага з нас – розная, але заўсёды такая свая. І ніякая дыктатура, ніякі рэжым разам са сваімі памагатымі не адніме ў беларусаў краіны. З яе культурным сусветам, спадчынай, успамінамі і сузор’ямі творчых геніяў.

Беларуская культура – своеасаблівая чырвоная стужка, якая праходзіць праз усіх нас. І пакуль мы аб’яднаныя ёй – Беларусь побач».

15.04.202512:06

Святлана Ціханоўская ўзнагародзіла медалём Францыска Скарыны выбітнага музыканта і кампазітара Лявона Вольскага.

Медаль Францыска Скарыны прысуджаецца за ўнёсак у развіццё беларускай навукі, адукацыі і культуры. У выпадку з Лявонам Вольскім – гэта прызнанне шматгадовай працы, якая зрабіла яго творчасць неад’емнай часткай музычнага жыцця Беларусі. Беларуская лідарка падзякавала музыканту за ўплыў на фарміраванне беларускай ідэнтычнасці і самасвядомасці.

Святлана Ціханоўская:

«Для мяне імя Лявона Вольскага – гэта сінонім беларускай рок-музыкі. На альбомах вашай творчасці выраслі ўжо цэлыя пакаленні. Пры гэтым актуальнасць гэтай музыкі не толькі захоўваецца – яна нават расце з гадамі.

Я радая, што мы можам уручыць вам гэты медаль тут, у дарагім вашаму сэрцу мульцікультурным Вільнюсе. Хаця, вядома, з большай радасцю я ўручыла б вам яго ў Менску. Але і гэта аднойчы будзе, я ўпэўненая. Дзякуй вам за тое, што ўсё жыццё вы набліжаеце момант, калі Беларусь зноў стане насамрэч беларускай».

15.04.202505:57

Прыходзьце на асабістыя размовы са Святланай Ціханоўскай і Леанідам Марозавым у гэты чацвер, 17 красавіка

На гэтым тыдні ў асабістых размовах з беларусамі разам са Святланай Ціханоўскай возьме ўдзел дарадца па юрыдычных пытаннях Леанід Марозаў. Вы зможаце абмеркаваць з Леанідам праблемы юрыдычнага кшталту – і даведацца пра асаблівасці працы і выклікі, з якімі сутыкаюцца юрысты Офіса.

Размовы пройдуць у чацвер, 17 красавіка, з 13:00 да 15:00 па Мінску. Да гэтых размоваў можна далучыцца анлайн з любой часткі свету. Гэта бяспечны фармат для беларусаў і беларусак унутры краіны.

Каб трапіць на размову са Святланай і Леанідам, трэба зарэгістравацца па гэтай спасылцы.

14.04.202514:54

Святлана Ціханоўская сустрэлася з заснавальнікам арганізацыі Blue/Yellow

Беларуская лідарка разам з прадстаўніком па абароне і нацыянальнай бяспецы Аб’яднанага Пераходнага Кабінета Вадзімам Кабанчуком сустрэлася ў Вільні з кіраўніком арганізацыі Blue/Yellow Йонасам Охманам.

Blue/Yellow – літоўская дабрачынная арганізацыя, якая з 2014 года падтрымлівае ўкраінскіх вайскоўцаў, забяспечваючы іх абсталяваннем і гуманітарнай дапамогай. За час дзейнасці Blue/Yellow сабрала больш за 96 мільёнаў еўра на падтрымку Украіны. Сродкі былі выкарыстаныя на закупку дронаў, радыёлакацыйных сістэмаў, медычнага і тактычнага абсталявання, транспарту.

Падчас сустрэчы бакі абмеркавалі:
📌планаванне супольных кампаніяў збору дапамогі для ўкраінскіх вайскоўцаў;
📌падтрымку беларускіх добраахвотнікаў ва Украіне;
📌далейшую каардынацыю паміж дэмакратычнымі сіламі Беларусі і ініцыятывамі грамадзянскай супольнасці Літвы.

Святлана Ціханоўская:

«Падтрымка Украіны – гэта не толькі маральны абавязак, але і наш супольны шлях да свабоды. Літва паказвае прыклад салідарнасці, і мы, беларусы, удзячныя за гэта. Мы ганарымся тымі беларусамі, хто разам з украінцамі змагаецца супраць расійскай агрэсіі – на фронце і ў тылу. Сустрэча яшчэ раз падкрэсліла: барацьба за свабоду – агульная. І яна патрабуе адзінства, салідарнасці і пастаянных дзеянняў».

Шматлікія беларусы, якія жывуць у Літве, ужо далучаліся да ініцыятываў па зборы дапамогі для Украіны, працавалі валанцёрамі і перадавалі амуніцыю для беларускіх падраздзяленняў.

14.04.202505:53

«Перспектыўнае эканамічнае асяроддзе прыцягне беларусаў дамоў»

Святлана Ціханоўская дала інтэрв’ю чэшскаму выданню iROZHLAS. Беларуская лідарка расказала пра тое, чаму будучыня Беларусі непарыўна звязаная з Еўропай, што трэба зрабіць, каб беларусы маглі вярнуцца дамоў, і як дэмакратычны рух змагаецца за незалежнасць краіны ва ўмовах выгнання.

Тры пытанні, на якія адказала Святлана Ціханоўская:

📌 Ці вернуцца беларусы ў Беларусь пасля змены рэжыму?

«Мы ведаем як мінімум пра паўмільёна чалавек, якія пакінулі Беларусь з 2020 года праз рэпрэсіі. Я разумею, што не ўсе з іх вернуцца. Але я бачу, што большасць беларусаў хочуць вярнуцца дадому. І нават калі яны застануцца дзесьці ў Еўропе, паверце, яны прыедуць, каб дапамагчы. Менавіта яны будуць падтрымліваць эканамічнае развіццё краіны. Большасць кампаніяў, якія пакінулі краіну пасля 2020 года, дапамогуць Беларусі квітнець, прынясуць новыя інвестыцыі, будуць спрыяць рэформам. Шкада, што так шмат дасведчаных прафесіяналаў таксама з'ехалі. Гэтыя людзі будуць патрэбныя нам, новай Беларусі, якая будзе развівацца. У будучыні мы павінны стварыць умовы для таго, каб людзі вярталіся ў краіну, развівалі яе і спрыялі яе незалежнасці».

📌 Якія ўмовы паспрыяюць вяртанню людзей дадому?

«Возьмем, напрыклад, бізнес. Нам патрэбныя ўмовы, якія дазволяць свабодна развівацца ў гэтай сферы і абмяжуюць умяшанне дзяржавы ў працу прадпрымальнікаў, у дзейнасць малых і буйных кампаніяў. Цяпер у Беларусі немагчыма мець квітнеючы бізнес – гэта занадта рызыкоўна. Бо рэжым можа прыйсці ў любы момант і нацыяналізаваць ваш бізнес. Як толькі людзі ўбачаць, што ў Беларусі існуе вяршэнства закона, што людзі абароненыя і краіна бяспечная для іх дзяцей – яны вернуцца дадому. Паверце мне, калі ў нас будзе перспектыўнае эканамічнае асяроддзе, гэта прыцягне беларусаў дамоў».

📌 Якія вашы прыярытэты на бліжэйшыя тыдні і месяцы?

«Ключавым пунктам майго спісу з'яўляецца забеспячэнне таго, каб Беларусь не заставалася пад уплывам Крамля. Як сказаў прэзідэнт Зяленскі, усходняя мяжа Еўропы павінна праходзіць па расійска-беларускай мяжы. Мы павінны інтэграваць Беларусь у новую еўрапейскую архітэктуру. Іншыя павінны бачыць у нас еўрапейскую краіну. Мы павінны змагацца за еўрапейскую будучыню, за будучыню Беларусі. Вось чаму важна, каб мы трымалі Беларусь у цэнтры ўвагі і ўмацоўвалі наратыў дэмакратычнай Беларусі. Толькі так нашая краіна зможа стаць надзейным партнёрам для заходняга свету. Наша дэмакратыя адпавядае інтарэсам не толькі Беларусі, але і Еўропы».

11.04.202514:41

Зварот Святланы Ціханоўскай да гадавіны тэракту на станцыі метро «Кастрычніцкая»

«11 красавіка 2011 года. Дзень, які адзываецца трывогай і болем у сэрцах кожнага беларуса. 14 гадоў таму ў мінскім метро на адной з найбольш людных станцыяў падчас «гадзіны пік» прагрымеў выбух. Загінулі 15 чалавек, сотні атрымалі раненні, многія – цяжкія.

Мы так і не даведаліся, што насамрэч адбылося. Улады пазбавілі нас магчымасці зразумець, хто вінаваты праз закрытасць і паспешлівасць следчых дзеянняў, а сваякоў ахвяраў – шансу на справядлівае расследаванне.

Рэжым, які хавае праўду, расстрэльвае людзей без празрыстага судовага працэсу і ператварае смерць у інструмент кіравання, не можа быць гарантам бяспекі для грамадзянаў. Гэта тэрарызм з боку ўлады. Менавіта жыццё з’яўляецца галоўнай і бясспрэчнай каштоўнасцю кожнага чалавека.

Гэта трагедыя не пра мінулае. Гэта пра тое, што адбываецца з намі і сёння. Бо рэжым працягвае пазбаўляць людзей самага галоўнага – жыцця. Яны хочуць, каб мы забыліся. Каб жах стаў руцінай. Каб трагедыі выцвіталі, як старыя фатаграфіі.

За апошнія 30 гадоў каля 350 чалавек у Беларусі былі расстраляныя. Раней смяротнае пакаранне здавалася чымсьці далёкім, амаль немагчымым для звычайнага чалавека. Аднак з часам рэжым Лукашэнкі моцна пашырыў тлумачэнне тэрарызму і экстрэмізму. Цяпер у спіс тэрарыстаў можна трапіць нават за крытыку ўлады, данат ці каментар у інтэрнэце. Дзяржава, па сутнасці, мае юрыдычнае права вырашаць, хто заслугоўвае жыцця, а хто – не.

Кожны з нас можа зрабіць крок, каб злачынствы не заставаліся проста старонкамі ў гісторыі. Падтрымаць палітвязняў. Падтрымаць тых, хто выйшаў і працягвае змагацца. Нагадваць пра права быць пачутымі – нават у дробязях. Крытыкаваць улады, якія маўчаць, калі трэба гаварыць. Патрабаваць адказнасці. Не згаджацца на меншае.

Бо толькі калі мы ўсе разам пачнём гэты рух – крок за крокам, справа за справай – мы здолеем разбурыць гэты рэжым. І вярнуць у Беларусь тое, што важней за ўсё: праўду, справядлівасць і каштоўнасць жыцця чалавека».

11.04.202507:00

Як сусветная гандлёвая вайна закране Беларусь? Тлумачыць Алесь Аляхновіч

Адразу пасля ўвядзення тарыфаў адміністрацыяй ЗША дарадца Святланы Ціханоўскай па эканамічных рэформах запісаў відэа, у якім растлумачыў наступствы. Штаты ўжо скарэктавалі палітыку па ўводзінах пошлінаў, але актуальнасці прагнозы ад гэтага не страцілі, таму што пакуль пошліны толькі на 90 дзён прыпыненыя.

Дарадца Святланы Ціханоўскай па эканамічных рэформах Алесь Аляхновіч у відэа тлумачыць:

📌 як змяняюцца сусветныя гандлёвыя плыні і кошты на нафту;
📌 чаму беларускія нафтаперапрацоўчыя заводы і МАЗ могуць апынуцца пад ударам;
📌 ці ёсць у Беларусі шанец вырвацца з расійскай сферы ўплыву ў новай геапалітычнай рэчаіснасці.

Дарадца – пра тры асноўныя каналы ўплыву на беларускую эканоміку:

▫️Рызыка рэцэсіі і падзення попыту

«Менш гандлю азначае менш транспарту і менш патрэбы ў паліве. Цягам некалькіх дзён кошт барэля нафты маркі Брэнт упаў на 16%. Для Беларусі гэта азначае скарачэнне даходаў ад перапрацоўкі расійскай нафты. А вось у доўгай перспектыве гэта можа абмежаваць магчымасці Крамля ў субсідзіраванні беларускай эканомікі».

▫️Пашырэнне гандлёвых абмежаванняў

«Найбольшая рызыка сёння ў тым, што можа ўзнікнуць спіраль новых мытаў і гандлёвых абмежаванняў ва ўсім свеце. Беларусь, як частка сусветнай эканомікі, будзе адчуваць гэты ўплыў як праз зніжэнне экспарту ў краіны, якія будуць падвяргацца гандлёвым абмежаванням, так і праз паніжэнне коштаў на тавары, якія Беларусь экспартуе».

▫️Дэглабалізацыя і ізаляцыя Беларусі

«Свет ужо працяглы час рухаецца ў бок дэглабалізацыі. У выніку палітычных рэпрэсіяў пасля 2020 года і ўдзелу ў поўнамаштабнай вайне на баку Расіі, Лукашэнка ўжо ізаляваў Беларусь ад многіх дэмакратычных краінаў. Новая міжнародная рэчаіснасць яшчэ больш прывязвае Беларусь да Расіі на геапалітычнай карце».

Падрабязней – глядзіце ў відэа.

10.04.202515:11

Святлана Ціханоўская – пра папаўненне спісу экстрэмісцкіх фармаванняў

«На днях у Беларусі папоўніўся спіс экстрэмісцкіх фармаванняў. Да пераліку з 274 навінавых рэсурсаў, моладзевых арганізацыяў і валанцёрскіх праектаў былі дададзеныя праект журналістаў-расследавальнікаў «БюроМедыя» і ініцыятыва дапамогі жанчынам у палітычным зняволенні «Палітвязынка», а таксама «Хрысціянская Візія».

Рэжым зноў і зноў спрабуе даказаць, што яму пад сілу зняважыць і скасаваць значнасць беларускіх ініцыятываў. Гэта яго адзіны спосаб паказаць сваю «ўладу». Але быць сапраўднай уладай – гэта найперш думаць пра людзей, пра тое, як абараняць, падтрымліваць, гаварыць праўду нават у самых надзвычайных умовах. Ініцыятывы, накшталт «БюроМедыя» і «Палітвязынкі» – менавіта пра гэта. Яны – прыклад таго, як людзі самі, без падтрымкі дзяржавы, робяць важную для беларусаў і беларусак справу.

Чарговы раз мы бачым – рэжыму цяжка прыняць, што людзі могуць аб’ядноўвацца, дапамагаць адно аднаму не чакаючы нічога ўзамен, без карысці і страху. Але колькі б Лукашэнка і яго паплечнікі ні спрабавалі знішчыць усялякае іншадумства – яны ніколі не навяжуць свой светапогляд людзям, якія шануюць праўду. Ніколі не зламаюць тых, хто працуе для дапамогі і справядлівасці. Чалавечнасць і сумленнасць называюць экстрэмізмам толькі тыя, хто на іх няздольны.

Я дзякую ўсім, хто працягвае рабіць сваю справу, нягледзячы на рызыкі і ціск. Вы патрэбныя людзям і вы ўжо зрабілі шмат. Я ўпэўненая, што наперадзе яшчэ больш».

10.04.202506:08

«Міжнародныя праваабаронцы павінны патрабаваць доступу да палітычных зняволеных»

Святлана Ціханоўская ў інтэрв’ю чэшскаму выданню iROZHLAS распавядае пра беларускі супраціў у выгнанні, пра саўдзел Лукашэнкі ў вайне і пра тое, чаму пытанне палітвязняў мусіць гучаць на ўзроўні ААН.

Тры асноўныя тэзы з адказаў беларускай лідаркі:

📌 Лукашэнка дапамог пачаць вайну, таму ён не можа ўдзельнічаць у мірных перамовах па Украіне

«Ён не можа быць пасярэднікам у перамовах. Ён сам з'яўляецца саўдзельнікам вайны. Расійскія войскі ўварваліся ва Украіну з беларускай тэрыторыі, з Беларусі выпускаліся ракеты, у Беларусі цяпер знаходзіцца ядзерная зброя. Лукашэнка дапамог пачаць гэтую вайну, таму ён не можа прэтэндаваць на тое, каб дапамагчы яе скончыць. Лукашэнку ніхто не давярае. Ён цалкам залежыць ад Пуціна. Яго рыторыку цалкам выбудоўвае Крэмль. Яго мэта – не мір, а выжыванне».

📌 Пытанне палітычных зняволеных у Беларусі павінна абмяркоўвацца на Генеральнай Асамблеі ААН

«Лукашэнка выкарыстоўвае вайну ва Украіне, каб схаваць свае злачынствы і ізаляваць зняволеных ад навінаў. Аднак гэта парушэнне правоў чалавека, якія адсочвае ААН. Недастаткова проста паслаць ліст беларускаму рэжыму, на які ён адкажа, што ў Беларусі няма палітычных зняволеных. Міжнародныя праваабаронцы павінны патрабаваць доступу да палітычных зняволеных. Вядома, палітычная ўвага з боку дэмакратычнага свету таксама неабходная. Лукашэнка хоча, каб свет забыўся пра Беларусь і беларусаў, якія змагаюцца супраць ягонага рэжыму. Мы павінны не дапусціць гэтага».

📌 Хоць я не магу знаходзіцца з маім народам у маёй краіне, я працягваю публічна казаць пра Беларусь

«Значна лягчэй змагацца за свабоду, калі ты на волі. Праца ў выгнанні азначае, што я не знаходжуся з маім народам у маёй краіне, але гэта дае мне магчымасць публічна казаць пра Беларусь. У нас шмат сяброў у свеце, і нам удалося ўсталяваць з імі афіцыйныя дыпламатычныя адносіны. Гэтыя краіны больш не адпраўляюць амбасадараў у Мінск, каб легітымізаваць Лукашэнку. Яны накіроўваюць да нас спецыяльных пасланнікаў для працы з дэмакратычнымі сіламі Беларусі. Менавіта праз усталяванне афіцыйных адносінаў з дэмакратычнымі сіламі, нашыя партнёры даюць зразумець, што яны не прызнаюць Лукашэнку, што ён ніхто. Менавіта таму дэмакратычны свет зрабіў відавочны выбар. Ён на баку беларускага дэмакратычнага руху».

09.04.202515:39

Як абараніцца ад вярбоўкі, правакацыяў і ціску з боку спецслужбаў

Беларусы ўсё часцей сутыкаюцца з пагрозамі падману, дэзінфармацыі і спробамі вярбоўкі. Асаблівую актыўнасць праяўляюць прадстаўнікі прапагандысцкіх структураў і сілавых ведамстваў. Яны выкарыстоўваюць асабістыя кантакты, месэнджары, ціск на сваякоў і дэзынфармацыйныя падыходы, каб выведаць інфармацыю або прымусіць супрацоўнічаць.

Офіс Святланы Ціханоўскай падрыхтаваў асноўныя меры засцярогі, якія дапамогуць захаваць бяспеку вам і вашым блізкім.

❗️Калі вы атрымліваеце паведамленне ад прадстаўнікоў дэмакратычных сілаў, журналістаў або актывістаў – заўсёды правярайце сапраўднасць. Звяжыцеся з імі праз афіцыйныя каналы (публічныя акаўнты, сайты) і пераканайцеся, што вы размаўляеце з рэальным чалавекам, а не з ашуканцам.

Калі ласка, выкарыстоўвайце ўсе магчымасці, якія дапамагаюць захаваць сваю лічбавую бяспеку!

09.04.202512:38

Маргарыта Ворыхава: «Мы ніколі не збіраем персанальныя даныя, каб не падвяргаць вас рызыцы і не ставіць пад пагрозу вашую бяспеку»

У Telegram-чатах беларускай дыяспары з’явілася анкета, якая нібыта праводзіцца «для даследчай працы» ад імя прадстаўніцтва па моладзі Аб'яднанага Пераходнага Кабінета. Пры гэтым зламыснікі прыкрываюцца імем Маргарыты Ворыхавай – прадстаўніцы Святланы Ціханоўскай па справах моладзі.

Вось як тлумачыць правакацыю сама Маргарыта:

«Фэйкавая анкета сапраўды выглядае амаль як арыгінальная, якую мы стварылі, каб зразумець, што хвалюе беларускую моладзь у краіне і за яе межамі. Але мы наўмысна ніколі не збіраем персанальныя даныя, каб не падвяргаць вас рызыцы і не ставіць пад пагрозу вашую бяспеку. Заклікаю ўсіх быць уважлівымі і не давяраць інфармацыі, якая распаўсюджваецца праз неправераныя кантакты і ананімныя акаўнты».

Што рабіць у такіх выпадках?
– не запаўняйце падазроныя анкеты;
– не давярайце ананімным і неправераным крыніцам;
– выкарыстоўвайце інфармацыю толькі з афіцыйных крыніцаў;
– паведамляйце нам пра падазроныя спасылкі або паведамленні.

❗️Калі ласка, будзьце пільныя. Не давярайце ананімным паведамленням і не перадавайце даныя невядомым асобам.

Усе пасты

Рэкламаваўся9 гадзіна

16.04.202514:45Беларусь головного мозга

50K

Рэкламаваўся3 гадзіна

15.04.202513:07Аб’яднаны Пераходны Кабінет Беларусі

Рэкламаваўся3 гадзіна

15.04.202509:41Беларусь головного мозга

50K

Рэкламаваўся15 гадзіна

14.04.202517:17Аб’яднаны Пераходны Кабінет Беларусі

Рэкламаваўся1 дзень

10.04.202515:02Каардынацыйная рада

3.5K

Рэкламаваўся58 месяц

10.04.202509:36Беларусь головного мозга

50K

Рэкламаваўся4 гадзіна

04.04.202508:36Аб’яднаны Пераходны Кабінет Беларусі

Рэкламаваўся0 секунда

05.05.202220:39Міжнародний Кур'єр

11.2K

Палітыка

Рэкламаваўся6 месяц

01.04.202218:06Міжнародний Кур'єр

11.2K

Палітыка

Рэкламаваўся10 месяц

23.03.202214:56Міжнародний Кур'єр

11.2K

Палітыка

Рэкламаваўся0 секунда

22.03.202218:50Міжнародний Кур'єр

11.2K

Палітыка

Рэкламаваўся0 секунда

22.03.202211:49Міжнародний Кур'єр

11.2K

Палітыка

Рэкламаваўся0 секунда

22.03.202211:02ГОНЧАРЕНКО

227.2K

Палітыка

Падрабязней

Рэкорды

29.08.202417:42

23KПадпісчыкаў

28.02.202523:59

2200Індэкс цытавання

25.12.202423:59

22.3KАхоп 1 паста

19.03.202511:30

12.6KАхоп рэкламнага паста

27.01.202523:59

45.71%ER

25.12.202423:59

103.96%ERR

Развіццё

Падрабязней

Падпісчыкаў

Індэкс цытавання

Ахоп 1 паста

Ахоп рэкламнага паста

ERR

Падрабязней

Папулярныя публікацыі Светлана Тихановская

Усе пасты

02.04.202511:01

Святлана Ціханоўская сустрэлася з беларускімі арганізацыямі ў Літве

У віленскім офісе лідарка выслухала прадстаўнікоў больш як 35 арганізацыяў і ініцыятываў, якія цяпер знаходзяцца ў Літве.

Падчас сустрэчы абмяркоўвалася супрацоўніцтва НДА з дэмакратычнымі сіламі, супольныя акцыі, кампаніі і мерапрыемствы. Асобная ўвага была нададзеная пытанням беларусаў у Літве, сярод якіх:

▫️Легалізацыя добраахвотнікаў: юрыдычнае прызнанне беларускіх добраахвотнікаў ва Украіне і доступ да рэабілітацыі.
▫️Дазволы на жыхарства: складанасці пры атрыманні і падаўжэнні дазволаў, юрыдычная нестабільнасць.
▫️Праблемы прытулку: разгляд заявак і цяжкасці з працаўладкаваннем.
▫️Беларускія пашпарты: Праблемы з заканчэннем тэрміну дзеяння і адсутнасцю магчымасці абнаўлення.
▫️Праблемы з атрыманнем неабходных дакументаў з Беларусі (апастылі, даведкі і г.д.).
▫️Абмежаванні на ўезд на аўтамабілях з беларускімі нумарамі ў Літву.
▫️Навучанне на беларускай мове: недастатковая колькасць навучальных установаў з беларускай мовай навучання.
▫️Курсы літоўскай мовы: недаступнасць бясплатных курсаў для беларусаў, акрамя ўцекачоў.
▫️Інтэграцыя праз культуру: удзел беларусаў у культурных і сацыяльных мерапрыемствах для інтэграцыі.
▫️Праблема «літвінізму»: пагроза дэзынфармацыі і расколу паміж літоўцамі і беларусамі.

Акрамя таго, Ціханоўская падзялілася вынікамі сустрэчы прадстаўнікоў Офіса з працоўнай групай пры Канцылярыі Урада Літвы па барацьбе з ксенафобіяй. Таксама былі прадстаўленыя вынікі круглага стала ў Сейме Літвы, які адбыўся 26 сакавіка, дзе абмяркоўваліся асноўныя выклікі, з якімі сутыкаюцца беларусы ў краіне.

25.03.202504:01

«Як бы нас ні затыкалі, як бы ні запалохвалі, як бы ні спрабавалі зламаць, мы ўпэўнена і горда кажам: Жыве Беларусь!»

Сёння, 25 сакавіка – 107 гадавіна абвяшчэння незалежнасці Беларускай Народнай Рэспублікі. Святлана Ціханоўская звярнулася да беларусаў і беларусак на Дзень Волі:

«Мы ўсе ведаем і з цеплынёй беражом у сэрцах дату 25 сакавіка. Дзень абвяшчэння незалежнасці Беларускай Народнай Рэспублікі. Дзень, калі Беларусь выйшла з ценю імперыі-захопніка. Дзень, калі наш народ заявіў пра незалежнасць і права самастойна вызначаць свой лёс. І гэта непазбежна адбудзецца зноў.

Падумайце: ужо 30 гадоў рэжым робіць усё, каб знішчыць нашую волю. Нас спрабуюць запалохаць, арыштаваць, раз’яднаць – з разлікам, што мы здадзімся. Але чалавеку нельга забараніць імкнуцца да свабоды. Кожны палітвязень – гэта цэлая сям’я, якая ніколі не даруе рэжыму яго злачынстваў. Кожная спроба заглушыць нас прыводзіць да з'яўлення новых і новых абаронцаў свабоды і незалежнасці».

25.03.202519:10

«У нас ёсць агульная мэта – вольная Беларусь. І мы ідзём да яе. Крок за крокам. Разам мы ўсё адолеем»

Увесь дзень у Вільні (і ў іншых гарадах свету таксама!) праходзяць мерапрыемствы, прысвечаныя Дню Волі.

Сёння Святлана Ціханоўская ўзяла ўдзел у падняцці бела-чырвона-белага сцяга, пленарным пасяджэнні ў Сейме Літвы, узнагароджанні выбітных асобаў і адкрыцці выставы «Еўропа, якая нас аб’ядноўвае». Фінальнымі мерапрыемствамі сталі мітынг і марш. Лідарка разам з беларусамі прайшла па вуліцах літоўскай сталіцы, і выступіла з прамовай, дзе працытавала Рыгора Барадуліна і звярнулася да ўдзельнікаў з заклікам не апускаць рукі, трымацца разам, верыць у сябе і дзейнічаць.

Святлана Ціханоўская:

«Рыгор Барадулін, наш народны паэт, яскрава перадаў настрой гэтага свята:

«Лучыць нашыя мары рака
Бел-чырвона-белага сцяга.
Дваццаць пятага сакавіка –
Наша свята,
Пароль
І прысяга!»

Сёння многія беларусы не могуць святкаваць Дзень Волі адкрыта, але ўсё роўна святкуюць. Дома ці ў гасцях. З роднымі і сябрамі. У Мінску і Віцебску, Маладзечне і Мікашэвічах. Святкуюць і тыя, хто за мяжой – выходзяць на акцыі ў Вільні і Варшаве, Тбілісі і Кіеве, Берліне і Нью-Ёрку.

Мы святкуем і згадваем і тых, хто не можа быць з намі. Тых, хто за кратамі. Тых, хто на фронце. Тых, хто аддаў жыццё за свабоду. Згадваем і тых, хто стаяў ля вытокаў нашай незалежнасці, і прысвяціў жыццё Беларусі. Мы працягваем іх справу. І абавязкова павінны давесці яе да канца. Дзякуй кожнаму і кожнай, хто сёння выйшаў на вуліцы, нягледзячы на страшылкі ад Следчага камітэта».

Як прайшлі мітынг і марш? Глядзіце ў фотаздымках!

15.04.202512:06

«Для мяне імя Лявона Вольскага – гэта сінонім беларускай рок-музыкі. На альбомах вашай творчасці выраслі ўжо цэлыя пакаленні. Пры гэтым актуальнасць гэтай музыкі не толькі захоўваецца – яна нават расце з гадамі.

Я радая, што мы можам уручыць вам гэты медаль тут, у дарагім вашаму сэрцу мульцікультурным Вільнюсе. Хаця, вядома, з большай радасцю я ўручыла б вам яго ў Менску. Але і гэта аднойчы будзе, я ўпэўненая. Дзякуй вам за тое, што ўсё жыццё вы набліжаеце момант, калі Беларусь зноў стане насамрэч беларускай».

26.03.202516:18

Міжнародныя палітыкі і дыпламаты выказалі салідарнасць з беларусамі ў Дзень Волі

Дзень Волі, акрамя сваёй гістарычнай сутнасці, стаў сімвалам міжнароднай салідарнасці з беларусамі, якія працягваюць змагацца за дэмакратычную Беларусь. 25 сакавіка прагучалі словы падтрымкі тым, хто не спыняе барацьбу, хто застаецца няскораным у турмах, вымушана жыве ў выгнанні альбо працягвае супраціў унутры краіны. Палітыкі, дыпламаты, урады дэмакратычных краінаў і міжнародныя арганізацыі ў чарговы раз паказалі: беларусы не адны.

Офіс Святланы Ціханоўскай цытуе выказванні салідарнасці – паглядзіце, як свет падтрымлівае Беларусь.

25.03.202511:03

«Наперадзе нас чакае доўгі працэс аднаўлення справядлівасці і законнасці»

Сёння, у Дзень Волі, Святлана Ціханоўская звярнулася да дэпутатаў Літоўскай Рэспублікі на пленарным пасяджэнні Сейма. У прамове яна ўшанавала доўгую гісторыю сяброўства паміж беларусамі і літоўцамі, а таксама падзякавала за дапамогу рэпрэсаваным, падтрымку беларускіх арганізацыяў у выгнанні і выразную пазіцыю адносна рэжыму.

Ціханоўская адзначыла: беларусы працягваюць барацьбу за свабоду ва ўмовах рэпрэсіяў і паўзучай акупацыі Расіяй. Прамова, у сваю чаргу, закранула шырокі спектр актуальных тэмаў – ад бяспекі рэгіёну да гістарычнага партнёрства і будучыні Беларусі як часткі еўрапейскай сям’і.

«Сёння ў Мінску ўзурпатар праводзіць чарговую фэйкавую «інаўгурацыю». Гэта марная спроба «перагарнуць старонку» і вярнуць сабе легітымнасць. Але гэтага не адбудзецца. Беларусы як не прызнавалі дыктатара, так і не прызнаюць.

Ён павінен панесці адказнасць за злачынствы: за вайну супраць Украіны, за гібрыдныя атакі супраць Літвы, захоп самалёта. За тэрор супраць беларусаў. І Літва ўжо зрабіла першы крок у гэтым напрамку – летась супраць рэжыму быў пададзены пазоў у Міжнародны Крымінальны Суд, які мы падтрымліваем.

Наперадзе нас чакае доўгі працэс аднаўлення справядлівасці і законнасці. Мы не ведаем, як і калі наступяць перамены, але мы да іх рыхтуемся і набліжаем гэты момант.

Сёння, у гэтай зале, я заклікаю вас і надалей падтрымліваць беларусаў і нашую барацьбу. Падтрымлівайце незалежных журналістаў, праваабаронцаў, культурніцкія і адукацыйныя ініцыятывы. Працягвайце прымаць рэпрэсаваных, палітвязняў, а таксама беларускіх ветэранаў, што ваявалі за Украіну.

Але прашу вас: ізалюючы рэжым, не будуйце новай жалезнай заслоны!

Візы і захаванне пасажырскага руху – усё гэта ўмацоўвае сувязь беларусаў з Еўропай. Мяжа з Літвой сёння – гэта мяжа са свабодным светам».

25.03.202510:09

«Бел-чырвона-белы сцяг нарадзіўся разам з нашай незалежнасцю»

Сёння ў Вільні Святлана Ціханоўская адкрыла святочныя мерапрыемствы, прысвечаныя Дню Волі, урачыстым падняццем бела-чырвона-белага сцяга каля Сейма Літвы. Гэтая цырымонія – частка ўшанавання 107-й гадавіны абвяшчэння Беларускай Народнай Рэспублікі. Акрамя лідаркі дэмакратычных сілаў да акцыі далучыліся першы віцэ-спікер Сейма Літвы Юозас Олекас і дэпутаты Сейма. Распачалася цырымонія з хвіліны маўчання ў памяць пра тых, хто аддаў жыццё за вольную Беларусь.

Святлана Ціханоўская – пра значэнне бел-чырвона-белага сцяга ў гісторыі Беларусі:

«Я адчуваю гонар, калі бачу наш сцяг сёння тут. Сцяг, які стаў сімвалам надзеі, пратэсту, а галоўнае – нязломнасці беларусаў. Бел-чырвона-белы сцяг нарадзіўся разам з нашай незалежнасцю. І сімвалічна, што яго стваральнік, Клаўдзій Дуж-Душэўскі, жыў тут, у Літве.

Як і «Пагоню», гэты сцяг не раз спрабавалі забараніць. За яго кідалі ў сталінскія турмы, збівалі і зневажалі. Але беларусы зноў і зноў выносілі яго на вуліцы. І я веру, пакуль лунае наш сцяг, пакуль гучыць беларуская мова, пакуль у нас ёсць такія саюзнікі, як Літва і іншыя краіны-партнёры, мы вернем сабе незалежнасць і абавязкова даб'ёмся свабоды.

І хоць сёння мы ўздымаем наш сцяг у Вільні, я веру, мы абавязкова зробім гэта зноў, у Мінску. І абавязкова гукнём разам: «Жыве Беларусь!»

24.03.202512:09

У Таліне адкрыты Офіс дэмакратычных сілаў Беларусі

Святлана Ціханоўская наведала з працоўным візітам Талін. Ранкам яна ўзяла ўдзел ва ўрачыстым адкрыцці новага Офіса дэмакратычных сілаў Беларусі, кіраўніком якога будзе Віталь Малчанаў – прадстаўнік Святланы Ціханоўскай у Эстоніі і Латвіі. Падчас мерапрыемства з прамовамі выступілі эстонскія і беларускія палітыкі. Таксама адбылася цырымонія ўзнагароджання Марка Коплімаа – спецыяльнага прадстаўніка Эстоніі па справах дэмакратычных сілаў Беларусі.

На адкрыцці прысутнічалі ўплывовыя палітыкі і дыпламаты, у тым ліку – былы міністр замежных справаў Эстоніі Урмас Рэйнсалу, старшыня Талінскага гарадскога савета Тоомас Круусімягі, генеральны сакратар МЗС Эстоніі Ёнатан Всевіаў, спецпасланнік Эстоніі па Беларусі Марка Коплімаа, прадстаўнікі МЗС Эстоніі Рыйна Кальюранд, Эрыка Элламаа-Оц, Кярт Юхасоо-Лаўрэнс, Дырэктарка офіса Паўночнай Рады Міністраў у Эстоніі Марыя Грацшэу, прадстаўнікі гарадскога ўраду, амбасадары Фінляндыі, Ірландыі, Швецыі, Нідэрландаў, Нарвегіі, Італіі, Малдовы, а таксама прадстаўнікі Латвіі, Францыі, ЗША, Румыніі, Канады, Украіны і іншых краінаў.

Беларуская лідарка ў сваім слове падзякавала Міністэрству замежных справаў Эстоніі за падтрымку і нагадала пра гістарычную сувязь паміж Беларуссю і Эстоніяй, а таксама – пра агульную барацьбу за свабоду і еўрапейскія каштоўнасці:

«На жаль, эстонцы добра ведаюць, што такое акупацыя. Вы разумееце, што адбываецца сёння на акупаваных тэрыторыях Украіны, і што адбываецца ў Беларусі – і хто за ўсім гэтым стаіць.

Менавіта таму мы – беларусы, эстонцы, украінцы, літоўцы, латышы, грузіны, малдаване – павінны быць разам. Мы павінны зрабіць усё магчымае, каб перашкодзіць Пуціну аднавіць Расійскую імперыю – турму народаў.

Сёння Эстонія дапамагае беларусам і ўкраінцам змагацца з расійскім імперыялізмам. Пасля гвалтоўнага захопу ўлады Лукашэнкам у 2020 годзе Эстонія прыняла сотні беларускіх палітычных уцекачоў. Шмат хто з іх застаўся ў Эстоніі і робіць унёсак у эканоміку, грамадства і дэмакратыю краіны. Мы вельмі ўдзячныя вам за тое, што падаеце нам руку дапамогі ў гэты няпросты час.

Я ўпэўненая, што адкрыццё нашай місіі ў Таліне дасць практычныя вынікі».

25.03.202512:43

«Гэтыя людзі робяць Беларусь мацнейшай»

25 сакавіка, у Дзень Волі, Святлана Ціханоўская ў Офісе ў Вільні ўзнагародзіла шэраг выбітных асобаў, якія працуюць на карысць вольнай і дэмакратычнай Беларусі. Гэтае мерапрыемства падкрэслівае важнасць падтрымкі актывістаў і прынцыпаў правоў чалавека, а таксама служыць натхненнем для ўсіх, хто змагаецца за свабоду і справядлівасць.

Медаль «За плённую працу на карысць Беларусі» за адданасць інтарэсам беларускага народа і значны ўклад у развіццё беларускай дэмакратыі і грамадзянскай супольнасці, паслядоўнае адстойванне інтарэсаў дэмакратычнай Беларусі атрымаў:

➖ Віціс Юрконіс – літоўскі палітолаг, выкладчык, эксперт па Беларусі, кіраўнік літоўскага офіса Freedom House.

Крыж Адраджэння Беларусі атрымаў:
➖ Сяргей Дубавец – беларускі журналіст, літаратар, крытык і выдавец, грамадскі дзеяч.

Акрамя таго, некалькі асобаў узнагароджаныя непублічна.

Святлана Ціханоўская:

«Гэтыя ўзнагароды – сімвал удзячнасці і прызнання кожнаму і кожнай, хто працягвае змагацца нягледзячы ні на што. Гэтыя выбітныя людзі робяць Беларусь мацнейшай і бліжэйшай да свабоды. Іх адданасць натхняе і дае надзею. Гэта гонар – быць побач з такімі беларусамі».

26.03.202507:34

Святлана Ціханоўская падзякавала беларусам і беларускам за ўдзел у мерапрыемствах да Дня Волі:

«Сёння я хачу проста сказаць вам: дзякуй. Дзякуй за тое, што памятаеце пра Дзень Волі і працягваеце збірацца і святкаваць гэтае важнае для кожнага беларуса свята. Што самастойна ладзіце маршы і канцэрты, лекцыі і імпрэзы. Дзякуй за вашыя сэрцы, поўныя пяшчоты, за вашыя ўчынкі, за вашую веру ў свабодную Беларусь.

Я ведаю, як няпроста бывае захоўваць аптымізм і надзею, калі ў свеце здараюцца цяжкасці і несправядлівасці. Але я таксама ведаю, што кожны наш жэст – гэта доказ таго, што мы не адныя. Хтосьці выйшаў на вуліцу, хтосьці запаліў свечку, хтосьці сказаў добрае слова – і ўсё гэта мае значэнне. Бо нават маленькая падзея можа даць надзею іншым, падштурхнуць іх да наступных крокаў. Страх і адчай заразныя. Але і надзея, дабрыня, падтрымка таксама.

Абдымаю кожнага і кожную. Жыве Беларусь!»

17.03.202509:41

Святлана Ціханоўская: «Самы цудоўны пачатак тыдня – даведацца, што пасля доўгіх 1555 дзён за кратамі Антаніна Канавалава на свабодзе, у бяспецы і змагла абняць дзяцей. Я вельмі радая, што гэты доўгачаканы момант нарэшце стаў рэальнасцю. Яе дзеці зноў могуць адчуць матчыну цеплыню, а яна – бачыць іх вочы, чуць смех і проста быць побач. Гэта самае вялікае шчасце для маці.

Я вельмі радая за Антаніну і яе блізкіх. Яны перажылі велізарную колькасць выпрабаванняў, і гісторыя іх сям’і – гэта прыклад неверагоднай сілы. Але, на жаль, не кожны з сям’і Антаніны знаходзіцца ў бяспецы. Яе муж, Сяргей Ярашэвіч, па-ранейшаму за кратамі. Яго, як і сотні іншых палітзняволеных, чакае сям’я.

Я веру, што хутка настане той дзень, калі Антаніна зможа трымаць за руку не толькі сваіх дзяцей, але і свайго мужа. Усе палітзняволеныя павінны быць вызваленыя і ўз’яднацца з блізкімі».

Відэа: Анна Коновалова, Facebook

18.03.202510:02

«Калі ўрад не паважае свой народ – ён не будзе паважаць і сваіх суседзяў»

Святлана Ціханоўская наведвае з працоўным візітам Брусель. Раніцай яна прыняла ўдзел у сустрэчы міністраў ЕС па еўрапейскіх справах. Беларуская лідарка заклікала міністраў да актыўных дзеянняў, каб вывесці Беларусь з палітычнага крызісу.

Тры практычныя крокі, якія прапанавала беларуская лідарка:

▫️Ізаляцыя рэжыму. Ціханоўская заклікала ЕС працягваць ціск на рэжым Лукашэнкі, пакуль у краіне працягваюцца рэпрэсіі, а палітвязні знаходзяцца ў няволі. Лідарка таксама настойліва прапанавала міністрам падтрымаць перадачу Літвой справы супраць рэжыму ў Міжнародны крымінальны суд у Гаазе.
▫️Падтрымка беларусаў. Лідарка падкрэсліла важнасць узмацнення падтрымкі грамадзянскай супольнасці і дэмакратычных ініцыятываў. Ціханоўская адзначыла тэрміновую неабходнасць кампенсаваць скарачэнне амерыканскай дапамогі, каб захаваць беларускія незалежныя медыя.
▫️Мабільнасць і правы беларусаў. Ціханоўская акцэнтавала ўвагу на неабходнасці забяспечыць выдачу візаў і прававы статус для беларусаў. Яна адзначыла неабходнасць знайсці комплекснае рашэнне для праблемаў тысячаў беларусаў у ЕС, якія не могуць падоўжыць тэрмін дзеяння пашпартоў або вярнуцца дадому.

Святлана Ціханоўская:

«Пакуль Лукашэнка ва ўладзе, Еўрапейскаму Саюзу будзе пастаянна пагражаць небяспека. Толькі за апошнія выходныя мы ўбачылі сотні новых спробаў перасячэння межаў нелегальнымі мігрантамі: з Польшчай, Літвой і Латвіяй. Гэта не проста пагроза. Гэта шантаж. Беларусь паказвае, што дэмакратыя і бяспека ўзаемазвязаныя: калі ўрад не паважае свой народ – ён не будзе паважаць і сваіх суседзяў. Але мы хочам, каб Беларусь была такой жа бяспечнай, як і ЕС. А гэта магчыма толькі тады, калі яна стане дэмакратычнай. Дэмакратычныя перамены ў Беларусі гарантуюць 1000 кіламетраў бяспечнай мяжы: без нападу мігрантаў і пастаяннага страху вайны».

15.04.202515:03

24.03.202515:57

ДЗЕНЬ ВОЛІ ЎЖО ЗАЎТРА ❤️

Далучайцеся да мерапрыемстваў у сваіх гарадах:

🇱🇹Вільня:
▫️9:00-9:30, Gedimino pr. 53 (флагшток з боку ракі)
Узняцце бел-чырвона-белага сцяга каля Сейма Літоўскай Рэспублікі з удзелам Святланы Ціханоўскай і дэпутатаў Сейма Літвы;
▫️10:00, Алея Беларускай дэмакратыі каля Сейма Літоўскай Рэспублікі
Вольны бчб-аўтапрабег;
▫️11:00, Могілкі Росы
Акцыя памяці: ускладанне кветак і знічак да магіл Луцкевічаў і ў капліцу Кастуся Каліноўскага, экскурсія;
▫️18:00, Лукішская плошча
Мітынг і марш да амбасады Беларусі;
▫️19:15, Амбасада Беларусі
Падвязванне стужачак, запальванне знічак. Вольны мікрафон;
▫️20:00, Bokšto g. 2 (Карчма 1863)
Нефармальны працяг святкаванняў;

🇱🇹Каўнас, 13:45, Пятрашунскія могілкі. Ускладанне кветак і запальванне знічак на надмагіллі Клаўдзія Дуж-Душэўскага;

🇱🇹 Клайпеда, 18:30, Тэатральная плошча (Teatro aikštė). Мітынг і святочная праграма

🇵🇱Беласток:
▫️16:30, Парк Konstytucji 3 Maja. Забег свабоды;
▫️17:30, Сквер ля помніка Ежы Папялушку. Акцыя салідарнасці на ўгодкі зняволення Анджэя Пачобута
▫️18:00, Klub Muzyczny Sześcian, ul. Warszawska 34. Kанцэрт гурта NaviBand
▫️18:30, Канцэртны зал Комплексу музычных школ, ul.Podleśna 2. Урачысты канцэрт;

🇵🇱Уроцлаў, 18:00, Plac Wolności – Rynek. Марш і акцыя;

🇵🇱Кракаў, 18:00-19:30, Plac wielkiej armii Napoleona. Марш і мітынг;

🇵🇱 Шчэцін, 19:00, plac Solidarności. Адзначэнне Дня Волі

🇵🇱 Гданьск, 16:30, Cmentarz Garnizonowy w Gdańsku, ul. Dąbrowskiego 2
Ускладаньне кветак на магілы беларускіх дзеячаў незалежнасьці

🇵🇱 Гданьск, 16:00-21:00, pI. Solidarności 1 (Эўрапейскі Цэнтр Салідарнасці, зімовы сад (партэр)
Урачыстая праграма

🇨🇾Лімасол, 20:30, Rialto Theatre, Rialto Andrea Drousioti 19, Platia Iroon, 3040 Limassol.
Паказ стужкі «Чарнобыльская малітва»;

🇪🇪 Талін, 18:00, плошча Вабадузэ на прыступках Mayeri trepp
Забег беларусаў і іх сяброў у Таліне з нагоды Дня Волі

🇬🇧 Лондан, 13:00, Belarus Embassy, 6 Kensington Court
Акцыя салідарнасці з палітвязнямі

🇸🇪 Стакгольм, 18:00, Wallingatan 34. Адзначэнне Дня Волі

🇺🇸 Бостан, 12:30, Boston City Hall. Адзначэнне Дня Волі

Да сустрэчы! Жыве Беларусь!

18.03.202517:39

«Свабода» патрэбная беларусам, каб супрацьстаяць прапагандзе, а таксама русіфікацыі і паўзучай акупацыі з боку Расіі»

Святлана Ціханоўская запісала відэа, у якім адзначыла важную ролю «Радыё Свабода» для беларускага грамадства. Яна падкрэсліла, што закрыццё «Свабоды» стане ударам па незалежнай інфармацыі і дэмакратычным руху, і заклікала да падтрымкі свабодных медыя:

«Мы ужо пачалі размовы з нашымі еўрапейскімі партнёрамі і калегамі, каб падтрымаць працу беларускай службы «Радыё Свабода» і захаваць каманду, якая яе робіць».

Увайдзіце, каб разблакаваць больш функцый.